【金糞王朝】《病港ＩＩ》（５４）

每日一推

👆🏻個王朝係呢個構思？

囚犯

下水道咁黑係點睇野

留個名
之前一直想留番儲埋一次過睇所以忍住停咗冇睇
點知之後太忙冇咗回事
依家啱啱先開始睇返去到長洲嗰度

一邊食lunch一邊睇，都唔知仲食唔食好⋯⋯

報數：
732正皮now

另一人回答：「底下有不祥之物存在，你再落去，就上唔返嚟。」

我無視他們的警告，穿過這裡往前去，我所行的通道中間竟是裂開，要是跌下去的話便會葬身於千萬排泄物中。

幸好我注意到，並跨腳一跳過了。

仲唔係elden ring 下水道？
利申中過伏

真係好嘔心

推

好彩食完野先睇啫，隔住個moon睇字都覺得臭

上次單手爬山都好din
但算啦睇故唔好駁故

都係問下姐

睇文字都覺得臭

Push

「惡子係乜病者嚟？」

「佢係與聖子形成相對嘅不幸，機構為咗掩飾佢哋嘅失敗，將惡子囚禁喺下水道底下，經過好幾年時間，惡子喺呢種環境成長變得不成人形，化作咗一團團爛泥。」老伯語重心長，給我個忠告：「你啊，千奇唔好學不潔者試圖喚醒惡子……嗰班人已經無藥可救。」

「不潔者係指嗰班囚犯？」我想搞清狀況。

「嗯……佢哋已經以污水下水道為家，眼耳口鼻都係高危險嘅感染位置，特別下水道衛生問題嚴重，所以佢哋會戴住鐵頭套面具保護。」

「嗰班人點解想喚醒你口中嘅惡子？」我問題一個接一個。

「咁你要去問問佢哋老大……集糞者。」

我不用問都清楚名字的由來。

得到老伯的解答，我續向前路進發。

蓄洪池裡的路只有一條，除非自行開闢，但若要開路必需不怕骯髒，因為攔路的障礙都是受人唾棄的不潔之物。

路上有人類骨頭、狗屍體、病者肢體，什麼垃圾雜物都有。

某座糞山上有個手持攪棍的不潔者留意到我，他想都不想就向我擲出顆糞球！

「哈哈……係時候食金球……」我側身恰恰避開。

他口中所謂的金球，就是糞球。

第一球雖然擲失了，但他又接續連擲數個金球，我壓著身子疾步離開，但沿路不乏金球投擲者，他們只要蹲身用雙掌收集臭糞便，再捏成球狀便向我投擲，即使我身法再好，面對全方位的金球來襲，加上沼氣長時間的影響，我漸漸頭昏腦脹。

金球將整件蓑衣逐漸染啡，雖然金球攻擊對我造不成實際傷害，但促使我瘋狂原地嘔吐，毫無還擊的能力。

「嗄……」我恨得即場捏上一顆金球，朝蓄洪池支柱後躲著的一名不潔者擲擊。

「啪──」命中頭部！

他的鐵頭套面具發揮功效了，阻擋住金球大範圍地沾染臉龐。

「呵呵嘿嘿嘿……」對方忍不住發笑，像擲雪球繼續跟我玩。

粗略一數，現在至少共六名不潔者用金球襲擊我。

為了準確記住他們的位置，我不再無了期地閃避金球，摸摸蓑衣口袋所剩的東西，摸到有三把小木刺，是劉吉的暗器。

我將小木刺四指夾緊，接著一一飛擲不潔者的脖上，其中兩人當場被小木刺插中喉嚨，當場痛苦倒地，發出嗚咽的聲音等待斃命，餘下一人則幸運地用鐵頭套面具擋開了。

六人先死兩人！

其餘人等見情勢不對，手執清潔專用的攪棍上前與我爭鬥。

他們聰明地採用圍毆的方式，一人一棍站著東南西北位置，不斷地出棍壓制我。

受強烈的沼氣影響我明顯力有不逮，開山刀揮來揮去卻未能解圍，攪棍始終屬長距離武器，要反制得先接近對方。

面對臭氣不絕的困境，我逐漸了解自己與敵人的差異。

這群不潔者即使身處惡劣環境，都沒有阻擋到正常發揮，彷彿融入整座金汁堡寨，更善用了環境優勢將金汁轉化為武器，明明他們的棍擊就毫無傷害。

相反我對這些金汁避之若浼，大大降低自身的行動性，好像踩在泥漿上處處受到牽制。

要解除困局，得先突破心理關口。

我閉著眼：「呼……」彎身抓起一巴金球，主動到塗身上。

臭氣像詛咒纏擾身上，相信多洗十日澡都無用。

再張開眼時，我已如它們共存。

「嘰！」不潔者睜大瞳孔，咬牙大笑：「嚟喇！」

面對再次伸出攪棍，但這次我所無懼怕，直接承受他們的攻擊，只要不觸碰到任何黏膜和傷口位置就可以。

「佢唔再驚呀！」不潔者大驚。

「你哋唯一嘅優勢就係咁！？」我橫揮一刀，劏開他的喉嚨。

「嚓──」不潔者按住頸喉倒下。

剩下的三名不潔者同時出擊，我翻滾避開之餘，拾起死去敵人掉落的攪棍，從口袋摸出一根亞麻繩，將開山刀快速打結綁於攪棍的端部，即場組合出一把新的武器──長柄刀！

現在優勢對等了，大家都擁有長距離武器，更含「金」屬性附魔。

「喝！」我提著武器向著他們衝鋒。

「哇……」不潔者們都訝異：「噫！」

我高舉長柄刀朝他們身上猛砍，他們手忙腳亂地舉棍格擋，可擁有刀頭的我終究更勝一籌，我揮出半月斬將他們手上攪棍全數削短一半，砍斷一人脖子，再來腳步自旋揮斬站在另一方的不潔者。

「嗚呀！」其胸至腰開出一條深紅的傷口。

我正要斬掉最後一名不潔者之際，他居然當場跪地求饒：「求……求求你！」

「嗯？」我長柄刀在他腦勺前收勢。

「我唔想死……」他身子微微發抖。

「咁你要睇你值唔值得生存。」

「嗄……嗄嗄……」不潔者對我點點頭，像小狗臣服那樣：「啊嗄……」

「早排入嚟嗰班員工，係咪已經死咗。」

「呃……呃唔……」他支吾其詞。

「俾三秒你，三……」

「係，已、已經死咗……我哋都將佢俾哂惡子……」

他們真的死光了，看來只好著手第二件事。

「有個著住紫衫嘅員工，有見過佢？」

「見過……」不潔者答。

「佢同咗你哋合作？」要不然無法解釋他和另一名不潔者合作放水將我沖下落的事。

「係……佢同我哋講，可以帶我哋離開依到重獲自由，但重點係可以對陽明山莊造成大破壞，將大家拉落依座金城到，滿足我哋復仇嘅慾望……所以老大同咗佢合作，幫佢匿藏喺到……」

「合作內容係？」

「佢話將會有人落嚟下水道追捕自己，即係你搵緊嗰班死人，佢嘅計劃就係將嗰班人引落深處，獻俾惡子食用，等佢重新甦醒。」

「我都無嘢要問。」

「求你你再問多啲！」不潔者偷偷瞧我身後。

我全身打個冷顫，駭然察覺有什麼接近我背後。

轉身的時間都沒有，我便提起柄尾向後頂撞，果然推撞到什麼物體。

到我真正轉身才得悉是剛剛被金汁傷害感染了的不潔者……他們都轉化成病者。

「哇呀呀呀啊！」那名不潔者害怕地逃跑。

「啾喲！嗤嗤嗤嗤……」竟然是病翼！

可是任他變了什麼，都無阻一刀被我處決的命運。

「嚓！」未嘗到真正飛翔，病翼便躺落地面。

「嗚咕咕咕咕……嗚嘎嘎嘎嘎……」第二名不潔者都身肢扭曲地站起，不過他卻按著鐵頭套面具發出痛叫的叫聲。

我定睛一看發現他的眼球腫大著，但因為鐵頭套的限制而未能發大，處於壓迫的階段中，直至「啵！」的一聲眼球自爆收場，本來活過來的身體又癱軟地上。

「啊呀！呀啊啊……」突然，後方傳來老伯哀痛的叫聲。

我聞聲跑去剛剛給沖落的地方，發現那逃跑的不潔者強搶著老伯手上的攪棍。

「死老嘢！！！俾我呀！俾我啊啊啊！！」大吼的不潔者注意到我回來：「喂──佢嚟喇，放手呀！我無武器點同佢打，點保護你呀！」

「噫啊啊……」老伯死死緊握著攪棍。

我快步上前朝不潔者首級一斬，結束其罪惡的人生。

「嗄啊……」老伯喘噓噓的看著無頭屍體。

「無事？」我問老伯。

「唔該你……先生……」

「阿伯，你會唔會知離開依到嘅方法？」我望上那條沖自己下來的渠管，至少有兩層樓高。

「得一個……」老伯指向蓄洪池最遠方：「喺惡子嘅身後。」

「係？」

「嗰到係唯一離開嘅辦法。」

「咁你哋一直係點喺到生存……」離開不了，就是說沒食物、沒食水，應該活不久才是。

老伯又指著天花頂上一條垂直的大渠管：「你見到上面呢條渠？你一開始入嚟應該會見到左右邊兩個渠管入口，右面就係呢條大渠管，上面有個人係專門煮嘢俾我哋食，煮完佢就會直接掉落嚟俾我哋接住……」

我立即想起那鍋褐色湯水配死老鼠料理，不禁當場再嘔吐。

不如連登加更 快啲完左呢part
真心見字嘔吐

push