唔使客氣 我果陣都睇咗好耐先決定到
個人覺得唔介意一房嘅話 沙中希爾頓呂字廳果則都幾好 做到客飯廳分離 可以放得落張小餐枱又唔使搬嚟搬去 要兩房又可以自己間返間房 普遍舊樓細單位都係五門歸心 佈局做得好差
所以我覺得幾特別
兩個盤都做左大維修 希爾頓可以商場直上住宅不過主打400呎以上嘅單位 細單位放盤少啲 而沙中就細單位多啲 成交多啲 沙中樓下都幾旺買嘢食嘢都好方便
偉華就主打眼鏡房則 望住大埔公路果邊好嘈 低層嘈到連月台聲都聽到 望正街就無景但靜啲 同埋留意返佢未做大維修 要預返啲錢出嚟夾
好運呎數大啲 不過開則都多啲款 但最高果兩層無lift到所以平啲 樓上有巴打話好運執到好好亦有巴打話好運唔掂 你到時睇完可以分享下
不過我個人都係覺得麻麻地
偏好沙中希爾頓偉華多啲