【沙田上車盤】點睇

沙中綫直頭彌補埋市中心唔夠過海巴士嘅問題

屯馬綫就真係得啖笑 馬鐵駁埋西鐵做乜鳩 依家好多人要馬鞍山屯天元兩邊走咩

大圍一出兩個居屋點睇

即使有三房都唔會係上車盤

但河畔果邊靜好多，依家未開關沙中都仲算行到，一變返以前自由行年代，日日都係長洲咁

純粹方便左兩邊人去埋九龍東

春暉，翠麗點睇？五分鐘到第一城站

應該係愉翠苑巴士總站,唔係愉田苑。不過欣廷軒其實貴過沙中啲上車盤一截。

個價都已經唔係上車屋苑

無計 市中心係東鐵綫+大商場 河畔果邊係屯馬綫+純住宅區

本身兩個站定位唔同 唔好話開返關 開返晚市堂食同戲院都已經多返好多人 始終位置方便

高層東北河景冇得輸

富嘉？無乜研究過居屋

不過單位算大 lump sum計落唔平但已經做大維修又近大圍站 位置贏晒

河畔河景無得輸

不過單位都係細到無眼睇(242/269呎)

絕對同意，同埋成條舊馬鐵線 (烏溪沙至大圍), balance返樓齡, 尺數, 同鐵路站距離, 欣廷軒性價比係幾好, 仲有新地樓已經要加分...

利申: 買左一年, 住左七, 八個月, 住得好開心無投訴

富嘉真係開始舊, 係講緊成個社區舊, 後生好多分支家庭搬晒出去, 變左成條老人村咁...不過真係超級方便, 現價平左, 同第五波之前比跌左唔少, 都有7-8%, 三房抵玩

利申: 搬去欣廷軒之前同屋企住富嘉住左十幾年

定位唔知想點

交通方便嘅話其實第一城出去都拍得住市中心

樓主 第一城都覺得太迫
大家都講市中心

覺得河畔好好多 係交通一定輸少少

Sorry, 記錯，太耐冇去個邊
BTW, 第一城其實唔差

根據呢年幾個市...居屋真係跌得比個市快
海福其實會靜啲, 但係鑽石廳真係無咁好用。

認同，第一城間隔實用啲！有啲單位無窗台，300幾尺屋感覺似而家新屋苑4xx尺咁大！

沙田無乜新樓盤，得大圍名城/火炭！普遍都係樓齡30年或以上！

如果在意曱甴問題，最好住中層至高層

沙田市中心交通真係無得輸！
如果有細路返學大圍/沙田/馬鞍山都好方便

新城市巴士站又有車去荃葵青
大會堂有車去觀塘又快

之後開通埋沙中綫，去旺角東，尖沙咀，港島區都快，返大陸又快！

A41去機場又快