【沙田上車盤】點睇

所以唔係針對 係佢真係差

Btw有冇睇埋希爾頓 大家差唔多價

冇睇希爾頓 好似得274呎 427呎 475呎 ?

見你budget 500萬左右 可以考慮佢274/283呎

咁嘅質素針對絕對係正常

其實住落唔差 行去隆亨買餸同日用品都唔遠

急唔急住？如果仲有時間，可以睇多幾間作比較。
同埋依家二手市場應該靜啲，啲人去晒抽一手樓柏龍。
我之前睇就個個都要簽睇樓紙

向河景同snoopy 景唔會仲有六百萬樓下。但我想問，河景貴都易理解，因為向東南，但snoopy 景係向西南，但點解都咁搶手?

河景係咪值咁高成本, 建議望完之後再決定, 特別係夜晚

假設你平日收工都天黑, 河景又未必日日睇到, 但要俾多幾十萬, 要諗清楚值唔值

如果個河景係房望出去, 個窗又鬼咁細, 窗台又鬼咁高, 再講河畔望出去個河景係向西有西斜問題. 不如唔好要啦

好運 沙中望河就向東又唔同講法 不過都係細窗大窗台多, 望河中低層 = 望十字路口, 唔係高層又係不如唔好要

無睇一輪 原來已經升到咁

會唔會係因為Snoopy 開揚啲？如果唔係河景就得返內園樓景揀

好快有答案

星海提岸大家點睇

你睇完三個屋苑覺得點？

Share 下呀

850萬樓下大圍/沙田 3房有咩推介?

暫時考慮緊恆峰

可以睇下帝堡城、碧濤、銀禧

濱景？

https://youtu.be/0IZAzwQfmQM
有冇人睇過諗sir個比較

沙田街市勁多老鼠，所以覺得好運衛生環境麻麻

兩房間三房？

呢三個屋苑，加埋蔚景同希爾頓我都睇過

要排好運真係最差，偏暗同污糟，而且冇商場平層出入口，向東北就直頭望住對面公屋阿伯
上網做過資料搜集，好似連法團同管理都麻麻地

蔚景同希爾頓向東南，見到沙田公園同河景啲景觀都唔差，不過一個新鴻基一個華懋，個人覺得新鴻基會好少少

偉華中心最近火車站，不過兩邊景都爭啲，而且最重要係未做大維修

沙田中心的確比較好，大部份單位都係向西南東南，就算最平內園景都唔算侷促

幾個屋苑可能同期落成，共通點都係五門歸心局，揀啲本身改咗間隔嘅好少少

想問個問題， 基本上沙田細盤好多係五門歸心， 若果改廁所門口， 買家居保的話有無阻礙？ 將來有咩事， 會唔會用改左間隔為理由拒絕賠錢？

感謝🙏🏻