女朋友介意ex一事

鳩到冇人有 · 2022-04-19T22:14:38+08:00

太多嘢做，啱啱先嚟得切回應交低個background 我同女朋友一齊咗年半，個ex係我中同，佢同我地中學成班兄弟都好fd，成日會一大班人出街同一齊打機。條女一路好介意依樣嘢，都發過我好多次老脾，見到ex一個問我打唔打機嘅message就搶咗我部機鬧ex。仲要我扔哂ex送俾我嘅嘢要我重頭買過哂(又係我on9同佢講係ex送)。咁問大家解決方法啦，有啲巴絲叫我有ex嘅場合都唔好去。當平時出街可以約多一次冇ex，慶祝節日嗰啲點計，同一班人冇咗個ex再交換多次禮物？兄弟擺酒嗰啲洗唔洗避成世仲有人叫我開多個group唔好加個ex bully咁話喎，依個我就唔洗回應啦講我同我女朋友平時相處，通常食飯埋單都係我比，接送返屋企唔洗講啦，成日嘈完交成隻死狗咁又送禮物氹返佢，手機airpods ipad連macbook都係我送俾佢，就係想佢開心。有人話咁不滿點解唔分手，因為我好愛佢，我會為佢付出好多嘢，唔等於我個人可以完全冇要求。點解我會話女朋友唔開心係咪大哂，因為佢成日好小事就唔開心，佢嘅底線都變到愈嚟愈高我聽到佢成日講「你咁做我會唔開心」「你又侵犯我底線」已經聽到盲目哂。我想表達出，唔只你會唔開心，我都係人我都會唔開心，我都係人我都有我嘅底線我就佢就得好攰，我只係想佢都可以就一就我。雖然之前講到佢好差咁，但其實佢都有好好嘅一面，佢好善良中意小朋友，有時睇下新聞都可以睇到喊，我愛嘅就係佢依一點，我好愛佢，將來嘅嘢我都plan好哂，我剩係想同佢過世。每個人都有佢嘅難處，我唔係100分嘅男朋友，佢都唔係100分嘅女朋友，正因為大家都包容到對方嘅唔完美，我地先可以一齊到依家。多謝大家肯睇落去