，相信依度都應該有好多人都係FO豬，如果各位師兄師姐有咩補充，歡迎一齊討論。1. 唔好太多Request
一見到要高樓層，要靜房，早到，遲退房，遠離電梯，唔要尾房，要依樣嗰樣，一睇就知道多數依啲都係閪客，又或者會好撚麻煩，你都要明白酒店未必可以滿足到你所有要求，五星酒店(半島level)都會盡量比你。如果你去啲濕鳩三四星酒店，彩你都有味，你好禮貌嘅話，都會叫有可能比到你，不過都希望客人盡量小啲要求，如果好相處，一定會Free upgrade你
2. 對Front Office同事要有禮
無錯，你可能會話，屌！我比錢你公司賺！仲要我有禮貌？
FO同事係絕對有權free up你，或者唔比你，而free up通常我哋會揀生日，慶周年同member優先。但係如果你臭串到好似[唯萎]咁嘅話，就比間殘房你，或者比間有死過人嘅房你住。仲有就係我哋做得FO，啲記性一定唔差，你黎兩三次就會記得你係好人定閪人
3. 睇價錢做人
好多人都會係online travel agent(OTA)做預訂，而近排因為武肺令到全香港嘅酒店價錢下跌起碼50%，所以爆房而家都好平，講緊係本身一間酒店房原本要1200蚊一晚，而家只係600蚊就住到。好啦，你以為600蚊一晚酒店會賺？依600蚊仲要比OTA食傭，起碼食20%，即係酒店只係袋480蚊，扣埋啲燈油火蠟，你諗下有冇賺？所以一分錢一分貨，若果你依個時間仲比得出4000幾蚊一晚，酒店都會當你VIP咁做，但如果你比得400幾，就唔好咁多要求啦，尤其係做生日，周年就咪撚咁cheap訂啲三四星酒店啦
4. 重視酒店House Rules
除非本身你嘅package係包early in同late check out，否則酒店三點後Check-in，就乖乖地三點後先黎，分分鐘原本比間靚房你嘅，點知你話一定要三點前入房，通常會比以下三個選擇你:
1. 比錢upgrade 2. 比濕鳩房你 3. 等房
十二點前退房，就十二點前退，我有聽過有啲酒店一過十二點未走就會收late check out charge
非吸煙酒店就咪撚食煙，到時收你cleaning fee你唔好屌，一屌就blacklist埋你
5. 盡量唔好揀有浴缸嘅房
除非酒店係五星級數嘅清潔程度，就算係，我自己都會洗下個浴缸先，
否則唔好揀只係有浴缸嘅房，點解？你諗下十個人有九個沖涼嘅時候都會屙尿，加上而家好多酒店啲housekeeping都係外判，唔會幫你抹得好乾淨，其實你浸浴，就基本上等於係尿兜同埋人哋嘅老泥一齊入面浸
6. 評分標準
我明白香港人要求高，好多人事後評分例如10分為滿分，就算當中冇問題發生都係比得7至8分，若果本身酒店總評分係9分嘅話，就會因為你比嘅7至8分令到總評分下跌，之後我哋就好自然咁比啲management插。所以希望大家手下留情，高抬貴手，開心就比滿分啦
你專重人，人哋亦都會專重返你，酒店員工serve得你，就希望你會識得欣賞人哋嘅服務，我哋要求嘅其實好簡單，有禮貌，乖乖地，就會好歡迎你keep住返黎，你開心，我哋都開心，話唔定會有comp野送比你，例如house wine，朱古力，馬卡龍呀，你唔出聲都會送比你。
不過如果你係啲閪閪人士，就小心啲睇路啦。
你似係閪員工
唔怪得破產…原來想開個房都咁難; book極都無房訓
