自從入住凶宅之後，屋企嚟多咗一位孟婆（未成年少女版）

會停文一日

又約邊個仔仔玩遊戲，咁高調

又係冇文嘅一日

「哈哈。」孟采蘩哈哈咁笑住回應：「伯母你真好人。」

「佢一直都無乜女仔FD，我懷疑佢係Gay㗎，好彩有妳。」

阿媽，如果你知道個仔每晚去邊就唔會咁講，你真係太唔認識自己個仔。

「真的假的！？伯母，別說你，其實連我也有懷疑過。」佢笑住講，根本係講大話。

佢知我帶過女仔返屋企！

「我覺得佢太被動！」我阿媽話。

「就是嘛，他不會主動幫人，我想這是沒有女生喜歡他的原因！」

不得了，佢哋咁啱傾，我係會死㗎。

當我哋坐低食點心，孟采蘩又如常食到唔停口，好似幾日無食飯咁。

「食多啲好啊，好生養。」阿媽唔知做咩喺度打量佢身材，暗自滿足。

母親又趁機問：「你哋一齊住？」

我啱啱想撳住佢把口唔畀佢亂講嘢，佢已經大方咁點點頭說：「對啊。」

「喔，咁佢瞓得好嗎？」

「還好啦，就是半夜有點太吵，夜一夜都不睡。」

「點解？佢顧住睇AV？」

「唔係啦，媽，妳亂噏啲乜嘢呀！」我急住解釋。

「那又不是。」佢認真回想道。

佢應該唔知乜係AV。

我鬆咗一口氣，千萬唔好喺我媽面前胡講啲咩。

「他不過是對着日本女生，她們很痛苦的樣子，有時他也會露出很辛苦的樣子，皺著眉頭，下腹很痛的樣子，要不斷來回撫模。」

「喔？真係？」

「是啊，他應該沒有看AV，都花時間看什麼三上老師的電影。」

我立即掩住佢個嘴，佢嗚嗚咁叫。

估唔到平常半夜嘅事都俾佢睇到晒，媽啊，我極度有想殺人嘅衝動。

我媽就奸笑到痴線。

「采蘩，我好鍾意妳，下次再食飯啦。」佢摸住孟采蘩嘅手說。

「好，伯母，一言為定。」

唔好啊，唔好啊。

佢哋唔好再見面⋯⋯我會死的。

好唔容易離別後，走到海旁，我先發現自己紙巾都用晒，全用晒抹汗。

又扮唔係gay

孟采蘩陰男主角

推

有上黃色微笑討論區係唔同啲 狂撚

有無姓三上嘅男優

前面咁溫馨, 後面感覺會突然間好sad

gay廉式'happy ending'

推推推

推

推

「怎麼我覺得你好像有心事。」佢問。

佢都真係識問，完全唔知我頭先經歷咗啲乜。

我咁慘，咪因為妳囉。

「係，我末期。」我求其應佢。

「真的嗎？那我們可以一起去陰間了。」

「唔使等啦，可以即刻就送我去。」

「那又不能，我要待你幫我找到十隻鬼。」

「做孟婆，呢個就係妳嘅人生目標？」

「當然。」

「真係好，目標咁堅定，我就唔知道自己嘅人生目標係咩。」

寫凶宅故事？又唔係，嗰啲只係為咗糊口，想起嚟，琴日上司又打嚟催稿，問到底陰間少女嘅故事有未。

聽到佢啲語氣，我都就嚟頂唔住。

「咁陰間算唔算好恐怖嘅地方？」

「恐怖又算不上，是安靜。」

「會有咩鬼神？可唔可以講嚟聽下。」

「牛頭馬面、閻王，還不是你都知道的。」

「咁妳會返陰間？」

「怎麼你忽然對陰間如此有興趣？」

「無，問下啫。」

返屋企嘅途中，忽然有一個人企喺我哋屋企門口，食住煙撳住電話。

我都未睇清楚佢係邊個，佢已經大叫：「喂！詹天偉。」

唔使問，係我嘅上司。

佢雖然向我哋呢個方向走過嚟，對着我講嘢，但眼睛一直望住孟采蘩。

「喂死仔又唔覆機。」

「對唔住，我同媽咪食飯啊，你⋯⋯點解會過嚟。」

「無，過嚟睇下你嘛，點知你過成點。隨便問下⋯⋯」佢哄前問：「呢個就係你講嗰個女仔？」

「呃⋯⋯係。」

「唔似喎。」

「邊有樣睇㗎。」

孟采蘩一面天真咁望住我哋傾計，唔知我們所講嘅就係佢。

「咁你幾時攞夠料寫？」

「快㗎啦快㗎啦。」我說。

「今個月限期前好寫好，如果唔係⋯⋯」

「明白⋯⋯」

孟采蘩問：「佢講寫咩？」

我驚咗出冷汗：「無啊，只係一啲舊文，有關都市傳說。」

「喔。」佢信咗，無再追問落去。

我鬆咗一口氣，原來講大話呃人都幾辛苦。

我偷偷地望佢表情，好似無乜嘢，應該無懷疑⋯⋯？

我們返屋企收拾好行李，就準備去下一個地方。

有可疑喎上司

完全自殺手冊幾好睇，睇完都仲去跳海嘅人真係好有勇氣比我就走入森林吊頸算

平時佢只會屌主角, 邊有咁上心
好撚怪

推推推

有古怪

推

推