自從入住凶宅之後，屋企嚟多咗一位孟婆（未成年少女版）

推呀

有啲好奇孟妹個湯壼係咪buffalo嗰啲保温湯壼

咁孟婆咪記住哂勁多慘嘢？

我愛你個度想喊
一定好撚愛先會放棄解釋

紅白膠壺

pish

未有嘅

推呀

文呢？

你老味，故事太差，無高潮起跌，點擊率跌咗14% 。」我上司一邊喺電話鬧我，一邊數住我做過咩錯事，自己幾咁保我。

「偉，我都唔係第一次保你啦。如果你再係咁⋯⋯我實在⋯⋯」

保我？害我就差唔多，從來寫得好嘅故事，都只係佢領功。

由於講唔到真相，令Tony個故事過於流於表面，自然無乜人去睇。

「你到底係咪想我炒你。」我上司問。

「唔係⋯⋯」

我的確需要呢份工。

「但你又無好故事⋯⋯」

「我有⋯⋯我真係有！」

「咩？」

由於佢想炒我，我唯有將孟采蘩呢個人講咗畀佢知。佢本來就係啲好迷信，信每天神佛，仲會拜鬼仔嗰啲人，所以好快就信咗呢件事。

「咁你就快啲寫佢出嚟啦。」佢聽完之後，都覺得孟采蘩呢個故事可寫。

「可以，但要啲時間，我仲未好熟佢。」

「要幾耐？」

「一個月？」

「半個月。」

「好⋯⋯我就等你半個月，死到呢個故出嚟。」

「係係⋯⋯」

「快！下一個故事再係咁我就炒咗你！」佢講完就好無禮貌咁收線。

無乜所謂，我係香港人嚟，食慣屎。

呯呯呯。

「喂！詹天偉！！！」

我打開門，孟采蘩一面精神咁企咗喺房門外。

「我知道了秘訣。我請你吃飯！」

「吓？點解？」有言，晨早請食飯，非奸即盜。

「平常都是你請我嘛，今天我請你又不可以嗎？」佢話：「梨想往來啦（廣東話）。」

「係禮尚往來。」

佢呢排多咗用廣東話講嘢，成日睇電視學，話要融入當地。

咁佢堅持之下，我只好答應。

我心諗佢係神仙，可能學識咗咩法術變出錢，話唔定我會變成億萬富翁。

但我無估到佢會帶我嚟食酒店自助餐，佢豪氣咁講：「不用客氣，這一頓你隨便吃，我付錢。」

「真？」

「真的！」

聽到佢咁肯定嘅語氣，我都放低介心，開始大快朵頤咁食飯。畢竟好耐無食自助餐。

當食得七七八八，準備畀錢，我好奇一問：「點樣變錢？」

「什麼變錢？」

「咁妳點畀錢？」

「我學會了秘訣。」佢一臉自豪咁講。

「秘訣？」

「對，這是一張卡。我在電視上見其他人用一張卡就可以買食物，完全不用給錢。」佢好快手就將卡交畀職員埋單。

我失笑咁話：「呢張叫信用卡啊。唔係唔使畀，而係之後先畀。」

「是嗎。有什麼分別。」

「等等！妳點會有信用卡？」佢身無分文，點申請信用卡？

「我有啊。我在地上拾的。」

「邊度執！？」

「我們家。」

「嗰張係我嘅卡！！！！！！」

笑死碌咗佢張卡

推

都叫做嘆咗餐

唔驚。同信用卡公司講憑我自己實力碌既卡數

女友生日，今晚停文

又啪啪啪

唔好作得就作喎，明明係男朋友

Live 左

可能唔止停一日喎！休養好先啦！

代入咗林明楨做孟婆

jeng
我都ff左明楨做女主

職員一邊笑住歸還卡，一邊話：「多謝五千蚊。」

「！！！！！！！！孟采蘩！！！！妳同我企喺到！」

「幹嘛呢，我哪知道是你的。」

第一次喺酒店追嚟追去，就係為咗捉佢。追咗一個下晝，我個心都為咗銀包痛咗好耐，然後，我哋就搬去新嘅凶宅。

「這次是怎樣的凶宅？」佢問。

「聽聞係一宗自殺嘅案。」我喺地產度打聽到有少少資料。

自殺嘅事發生喺五年前，嗰個男生叫R，當時二十幾歲，一日放學被人發現喺屋企吊頸自殺，由於家人長期外出公幹，返到屋企發現屍體，已經陳屍多日，屍蟲滿佈地下同屍身。

呢宗案件嘅自殺動機一直未明，因為R天身係樂觀開朗嘅男生。

當搬入大廈嗰日，我哋見到一個男人喺門口，久久不走，不停徘徊，唔知等咩。

上到單位，係一個三百尺左右嘅單位，算係新正，父母一早遷走，離開傷心之地，之後怪事連連，一直都沒有人願意再租住。

同以往單位一樣，新係新，不過都係封塵多時，上一手應該係一個穆斯林家庭，因牆上有唔少阿拉伯文經文，佢哋應該走得幾急，全部留低都無撕走。

「受不了，我們快來打掃。」佢講。

「吓⋯⋯先休息下好唔好。」

「清潔啦、清潔啦。」

放好行李，我哋一齊將成個單位都打掃一次，抹咗十幾塊布，掃走一大袋塵土，終於將整個屋企都打掃乾乾淨淨，整整齊齊。

點解要咁，明明好快我哋就搬走，但佢堅持我都無法。

「住得舒服點不好嗎？」

反正清潔完之後，我一早累得不可開交，攤喺梳化，連連喘氣。