(校園、穿越、奇幻)今年我三十三歲,回到了1998年(7)

推推推

留名支持

推呀

留明

文呢

聽日先出

今晚抖下先

返六日工好Q攰

仲有2個半鐘

運氣並不會長伴在一個人左右，原本庸庸碌碌的房侍農，當一位巡警還可以，但當他被調往中區的重案組，需要面對複雜的人事關係及沉重的工作壓力。

結果不足半年，苟雄再也容忍不了房侍農，將他調離了中區警署，每次去到新的工作環境，他的上司都是對他的工作能力感到不滿意，經多次調遷，他被調到梨木樹警署，總算暫時在這裡安頓下來。

事業上屢遭挫折，讓他以賭博來減壓，可是運氣漸漸遠離了他，經常都是輸多贏少，初時他只是投注賽馬、六合彩，最後過大海、去大檔、投注外圍波馬，輸了便希望可以贏回來，賭注亦越來越大，現在他連本帶利欠了高利貸數十萬元。

最近他惡運纏身，他想找那個玄學大師指點迷津，豈料那位大師在兩天前吃豆腐時，豆腐噎在喉間，窒息致死。

他記起了大師說他今年有大劫，除非找到擁有明月流星的人，才能夠讓他轉危為安，於是他便一直尋找這個關乎自己生死的貴人。

「…就係咁，我最近就搵緊一個籮柚有條線嘅人，大師同我講過，我大劫嗰年嗰個解劫嘅貴人就會出現，近排我成日去偷睇我同事同朋友個屎忽，睇下佢地有無一條痕喺屎忽度，但係一直都搵唔到。最後我記得你條友神神化化，成日話曼聯今年做三冠王，我就喺度諗，唔通你就係化解我命中大劫嘅貴人，頭先我除咗你條褲，你真係有明月流星，化劫嘅人終於畀我搵到喇！」

我記得我中三的時候屁股生蛇，相信那條劃過明月的流星就是生蛇後遺留下來的傷疤。

我打量著眼前的房侍農，他居然這般相信這些江湖術士，如果那位大師這麼厲害，不知有沒有算到自己會被豆腐噎死呢？

雖然房侍農的故事頗為光怪陸離，不過房侍農的樣子並不像作假，他連僥倖生擒賊王，這麼有失威風的真相亦告訴給我聽，認真想想他並沒有騙我的理由。

我道：「咁你依家想點喔？」

房侍農嘆了一口氣，道：「唉！近排我頭頭碰著黑，除咗賭錢輸到仆街之外，早幾日前，我仲差啲畀車撞，行行下街都差啲畀玻璃樽扑中個頭，我知道大師批中晒，佢話擁有明月流星嘅人，一定係大富大貴嘅命格，只要我同嗰個人結緣，沾染上佢身上嘅福氣，我就可以扭轉乾坤，否極泰來，所以我想同你上契，做你契爺。」

「痴線！你條友想做我契爺，我無興趣。」

讓房侍農這麼一個爛人當我的契爺，我真的接受不了。

房侍農鍥而不捨道：「你覺得咁樣唔好啊？我都唔介意同你同輩，一喺我做你契哥喔！以後有我照你，無人夠膽蝦你嘅！」

「你食屎啦！調轉就差唔多。」

房侍農訝道：「我大你廿幾年，我要調返轉做你契弟？」

「超！依家有大劫嗰個係你又唔係你，點解我要做你契弟啊？你唔鍾意就算喇！」

突然我想起了剛才朱斌仔派兩名手下來為難我，雖然我僥倖避過一劫，但我相信他並不會就此罷休，一定會再想方法來對付我，房侍農好歹也是一名警察，如果我和他建立了交情，朱斌仔怎樣亦有些顧慮吧？

正契弟

之前我還向榮仔說教，要他建立人脈，現在這麼好的人脈送上來給我，我居然拒諸門外。

正當房侍農再想說什麼之際，我「驀然」現出詫異的表情，道：「呃！我記起喇！師父同我講過，嚟緊我會有一位年紀大過我嘅師弟，唔通佢講嗰個人就係你？」

房侍農愕然道：「你師父？你師父係邊個？喺邊度啊？你快啲帶我去見佢啦！」

「我師父叫陳搏。」我搖了搖頭道：「可惜，我只係發夢先見到佢，我帶唔到你去見佢。」

「死仔，你依家係咪玩阿叔啊？」

我差點忍不住笑，連忙別過頭去，道：「我知道講出嚟，好難有人相信，但係我所講嘅全部都係事實，啲人叫佢睡仙。」

「等陣先，你師父係睡仙陳搏？係咪呂洞賓個朋友啊？」

「嗯，你識得我師父嘅咩？」

「我細過老豆帶我睇大戲八仙過海、八仙報喜，有依個咁嘅角色出現，係呢！點解你會識到佢嘅？」

於是我把誆呂靜宜的那個遇見陳搏的故事略作修改，向房侍農說了一次。

「…前幾日我夢到師父，佢老人家同我講：『阿志，要光大我地睡仙派嘅門楣，淨係你一個人嘅力量係唔夠架！嚟緊我會再收多位弟子做你師弟，不過依個世界好似你仙緣咁深厚嘅無乜邊幾個，我好難直接同佢溝通，要你代為師傳話，為師話畀你聽你師弟嘅特徵…』。」說到這裡我略作停頓。

房侍農追問道：「睡仙佢點講啊？」

「師父話我嗰位師弟比我年長二十歲以上。」

「係啊！係啊！我今年四十歲喇！你得十幾歲，我你廿幾年啊！」

「佢仲話佢祖先曾經做官，但係最後枉死。」

「係啊！係啊！我祖先佢同個大官叫過一兩次雞，條友畀人誅十族，我祖先畀人拉埋去斬頭，好明顯係冤死啦！」

「佢仲話我嗰位師弟係人生最低潮嘅時候遇到我。」

「係啊！我依家賭錢輸到仆撚晒街、份工就嚟畀人調去守水塘、出街差啲畀花樽扑頭、過馬路差啲畀車車死，我黑到咁仲唔係人生谷底啊？」

「嗯！聽你咁講又真係黑過墨斗喎！不過最後一樣野，佢話我依位師弟隻左手好有力，因為經常自瀆，咁你係咪成日打飛機喔？」

房侍農聞言面有難色，道：「後生嗰陣，我一日打三次，畀啲朋友叫我做槍王，但係依家年紀大，一個禮拜最多四五次咋！」

「嗯！睇嚟師父所講嗰位師弟好大機會係你。師父同我講過，如果我遇到依個疑似師弟，叫佢齋戒沐浴後，等待夜晚晨勃，然後將沾有佢精液嘅衣物用化寶包住，寫上你出生嘅時辰八字，喺午時，陽氣最盛嘅地方化咗佢，之後佢老人家會同我神交，話畀我聽個結果。」

房侍農道：「吓！要夢遺啊？打飛機得唔得啊？」

我板起了臉，道：「放肆！你當師父佢老人家係七日鮮啊？打飛機？」

房侍農有點疑惑，問道：「睡仙佢真係咁講？佢點解要咁做呢？」

「師父依啲仙人自然有佢用意，點到我地依啲凡夫俗子去測度？」

「嗯！有道理，要我做你師弟，我都易接受啲，契弟就真係過唔到自己嗰關。」

我有點詫異，看情形房侍農好像接受了我的鬼話連篇。

房侍農一臉期盼問道：「師兄，咁我依家有啲咩可以做啊？」

我心想：「依家你最緊要做係驗下個腦啊？咁嘅大話都信到十足，乜依家智商低過九十可以當差嘅咩？」

此時，剛才那兩名找我麻煩的金髮少年從遠處走來，喊道：「成皇志，你唔駛唔認喇！我地唔會再畀你昆到架喇！」

兩人走到我面前，那名手拿一個盛著不知名液體杯子的金髮少年，罵道：「仆你個街，明明你就係成皇志，又唔認，仲點鳩我地遊花園，搵咗你粒鐘先搵到你。」

房侍農問道：「你啲朋友啊？」

我搖頭道：「朱斌仔啲靚，嚟搵我麻煩。」

兩名金髮青年好像此時才發現房侍農一樣，一人道：「阿叔，你邊度啊？彈開啦！信唔信打埋你啊？」

房侍農掏出了證件，道：「警察啊！」

兩名金髮青年見狀立時目瞪口呆，房侍農問道：「個杯裝住啲咩？」

房侍農見兩人默不作聲，便道：「係咪要喺臭格住返兩日先肯出聲啊？」

「可樂嚟架！阿ＳＩＲ。」

「淨係可樂咁簡單？」

「我吐咗兩篤痰落去。」

「我加咗幾舊鼻屎。」

「哦！你地兩條友諗住用依杯野淋人？依家畀兩條路你地揀，一係飲咗佢，我當咩事都無發生過，一係就跟我返去差館，扣留你地四十八小時再落案。」

兩名金髮少年面面相覷，片晌，一人一半把那杯加料可樂平分。

「阿ＳＩＲ，依家我地走得啦！」

「你地返去同朱斌仔講，成皇志以後我攬，朱斌仔要玩野嘅話，我就同佢慢慢玩。」

兩人走後，房侍農笑容可掬道：「師兄，可唔可以畀個面我，以後有其他人喺度嘅時候，我叫你阿志，你叫我阿ＳＩＲ；無人嘅時候，我地先以師兄弟相稱？」

我愣了半晌才道：「哦！就…咁決定啦！」

雖然我對警察的觀感一般，但始終他們是香港唯一的執法力量，我可以嘗試影響這個房侍農，灌輸他正確的觀念，讓他成為一位好警察。


(待續)

嘩!

今日打咗成三千宇

加油
收左一位徒弟

有文有文

契弟農叔

收伏房侍農

今集咁有喜感
春巴狀態回勇

呢一集真心笑左 幾好睇

好撚好笑

留名先