垃圾千禧新世界香港酒店，去過最嬲嘅staycation

男朋友生日，無得去旅行諗住去嘆吓酒店，點知中巨伏，大家千祈咪去呢間垃圾，外牆殘舊都算，但服務態度、operation、CS覆email都好差！

1. 帶眼鏡，不算肥但明顯有大肚腩男士幫我們辦理check in 手續，他態度不好，少黑面，講野好快完全聽唔清楚。我同男朋友一齊check in，男朋友生日，手續都是我整，但個男士語氣好無禮貌咁同佢講：因為先生生日，會送番個蛋糕仔比你。我唔明白點解唔可以比surprise 佢？一定要同佢講？佢係咪無慶祝過生日？

2. 到朝早10點幾，我仲瞓緊，我男朋友已醒，在房間只穿內褲沒有穿上衣，行緊去洗手間既時候，有個房務員無啦啦開門，之後見到我男朋友沒有穿衣服，就關門，大叫：唔好意思呀先生，我唔知你喺度，以為沒有人，因為個系統顯示已check out。有無搞錯呀，我先唔理係個房務員有問題，定酒店系統出現問題啦，呢個完全係低級錯誤，一間5星級酒店竟然犯呢個錯？仲要朝早10點！我男朋友生日，比個唔識既異性睇到佢無著衫，我真係嬲到唔知講咩！

3. 11:30am，我們叫了外賣，外賣員打嚟話企左喺酒店門口，酒店職員唔比佢內進，叫我們落去拎外賣，之後個酒店職員拎左個外賣員手機，好無禮貌咁叫我們自己落去拎外賣。我都唔明點解叫我們落去拎外賣要咁無禮貌！
 
我已經夜晚9點先check in, 第2天1pm check out，在酒店時間不長，都發生咁多事，好撚後悔book 咗一間咁嘅5星級酒店，仲衰過3星酒店！

男朋友生日唔想即時投訴影響佢心情，之後我send email 投訴，嗰CS回覆簡直不知所謂！如果間酒店真喺咁注重客人安全和私隱，有專業的保安措施及在各樓層走廊設有閉路電視監察系統，點會犯呢啲低級錯誤？
CS打好大篇嘢但同我講嘅意思係：
唔錯都錯咗囉，對唔住囉，無下次。

回覆如下：

**感謝閣下入住千禧新世界香港酒店，並抽空反映是次的住宿體驗。對於是次的住宿體驗並未達到閣下的期望，我們深感抱歉。
 
對於閣下在敝酒店之接待體驗，敝酒店甚表關注。敝酒店一向非常注重服務，並將繼續加緊留意服務質素，以秉承本酒店一向嚴謹認真的服務態度。

房務員因為接收了錯誤房務訊息，而誤入閣下的房間，實在萬分抱歉。酒店非常注重客人安全和私隱，酒店有專業的保安措施及在各樓層走廊設有閉路電視監察系統，以保障客人和財物安全。為避免同類事件再次發生，有關部門負責人已即時加強對前線員工的訓示，會作出內部檢討及改善。為閣下帶來不便之處，深表歉意。
 
基於防疫安排，酒店不容許外賣員進入酒店範圍。 同事沒有加以解釋，而説話的方式亦不是我們應該提供的服務態度，令閣下有所誤會和不便，請接受我們誠摯的歉意。
 
我們誠邀X小姐在下次入住時，可與客務助理經理聯絡，屆時會竭力為您提供更優越的住宿體驗。最後為閣下帶來不便向您表示最誠摯的歉意。
 
祝生活愉快, 謝謝！**

係喇係喇知你男朋友生日喇 唔洗係咁提住

癡撚線酒店
等陣扑緊野入黎見到又可以講句唔好意思唔知有人係到呢啲真係屌撚到間酒店退錢

人哋酒店咪認認真真道左歉囉，你想R著數咪出聲，洗唔洗送返365日任住比你呀。

明白樓主嬲咩
但d 酒店真係會側側膊
想佢賠咩要自己offer
賠返房價係基本

外牆殘舊 你卜個陣唔知既咩

九龍塘嗰幾間服務好好多，下次可以試吓

搞大佢 要佢賠返一年免費任住啦

就咁睇除左入房之外其它都小問題黎既...
送蛋糕果part鬼知你想點咩 到時唔講你主動質佢點解無蛋糕咪又煩
至於態度差唔知佢點解讀了
有時講野無尾音都好易比人當無禮貌既

蛋糕果度鬼知你想點

除左入房有問題 其他都係態度問題

2係幾離譜吓，平時住酒店都驚過呢個情況出現，所以瞓覺一定會着DO NOT DISTURB燈同上埋鎖

但1同3唔覺酒店有咩大問題

你要surprise就應該去之前email或電話同酒店講聲先
酒店冇義務主動幫你俾埋surprise人

至於外賣就一定係要自己落去攞
酒店從來都唔會放外賣仔上去
同埋唔會接手你訂嘅食物
一陣你食完有事拎上嚟嗰個酒店職員隨時要負責任
所以不嬲都係要落去攞

結論: 你似閪閪閪客多啲

1 3程序上無問題喎，你只能話佢態度唔好
2就真係有啲過分啦

你唔撚識掛 not disturb架第一次住酒店？

唔好意思講多咗

你點知

似同事

如果係真就100%閪客


不過點解你會知

你點知的

Exactly朝早10am就衝入嚟先奇怪，臨近check out時間會合理啲

得罪講句 本身staycation就係on9

你有冇掛清潔牌喺門口？