分享黎度英國搵到第一份工的心得

恭喜晒呀！
希望你做得開心

呢度淨係討論白領工

推一堆呢個

你想知道啲咩？

我黎到英國之後做過一排超市送貨司機，平時送貨果陣如果見到其他公司既司機都會吹下水，行情大概係咁

big 4 supermarket，有分distribution center／store，如果番物流中心，多數都會有loader幫你load好晒啲貨，入好油，你只要做van check 同對番岩trays數量就可以開始揸車. sotre就多數乜都無，要自己load trays, refuel etc.好處係服務範圍細好多，而且多數係repeat orders，好少會去新既地址

royal mail就多數只係serve一個post code，揸車停一個位，行幾條街 再番架車度揸幾分鐘，派幾條街咁，大部分時間都係行路多

ups 我呢邊要自己map routes，工作量好大，派件收件都要做，一日可以有成80up drops

另外有間叫greencore，做wholesale 派貨去油站／細型store，主要係sandwiches 之類唔重既野，人工比big 4高不過好早開始番工（好似3am左右開始）

另外dpd amazon送貨果啲好多時都係self employed，你要租／買架貨車先可以做，好處係一定請，唔好處係無福利，好似病假 大假之類

睇下答唔答到你，如果想知多啲可以再問我

想問下各位做番本行既同以前係香港既人工爭幾多？

好睇邊行喎 我以前係香港做工程，一個月3萬幾，不過一星期番6日 番足8至6，好多時仲要ot，變相一星期番70個鍾左右，乘番開時薪得11x

黎到英國之後同一個tittle大概 30k一年，Monday to Friday, 40 hours a week，不過想試下其他工種最後選擇轉行

英國好多工都£10一個鍾起，有啲要揸車／專門少少既都有£12起，如果肯做其實人工唔會比係香港既時候低

認真問，本身係香港有雪藏牌，自動波私家車
想做司機應該點上手，一來唔知咩類型公司請自動波牌司機
二來無乜駕駛經驗

定其實本身真係渣返一年半載車先去apply?

多謝晒巴打先，好詳細，如果貨櫃車應該點入行？多數經agency定直接apply大公司？巴打識人否recruit c1司機，有無咩cpc課程最好修左先？

通常係搵工網會講明要咩牌，full license 即係要有埋manual + automatic

其實好多間公司既3.5t都已經係用自動波，不過可能因為insurance 問題，好多公司都要有full license 先請

另外有啲公司要你係in完之後做過driving assessment，pass到先會請，如果佢肯直接請你既話就唔洗擔心啦，邊揸邊練就得，揸慢啲小心啲，好快適應到

貨櫃車有好多種牌，最細既係c1，我唸係香港有揸慣車既基本上過到theory test 好難pass唔到

c1牌已經可以揸nhs 救護車，做滿半年仲可以拎番IHS既錢

我介紹唔到工俾你呀，我黎到之後做左好短時間3.5t driver，本身唸住騎牛搵馬所以一直同唔同人吹水+自己上網搵資料所以先知道多啲呢方面資料，不過貨櫃車司機空缺好大，如果你考到牌既我唸唔洗經agent都可以搵到工，經agent好多時都會有3個月由agent請，過左3個月試用期之後先由間公司請，對credit building 無咁好

有關貨櫃車既野可以睇fb 英國拖頭佬，佢既資訊好齊

另外可以搵下你屋企附近既bootcamp，可以慳番幾千磅之外train完仲幫你搵埋工

加油呀巴打

師傅 家陣係咪撈緊大工

宜家做類似驗樓既工，岩岩番左一星期，仲上緊手

搵左個半月 報左大約10份
由低平時1個grade開始試 再試低2個grade的
有啲距離地址太遠 通常僱主都冇回應
有啲僱主覺得我overqualified/做唔長 都冇回應

共有3 次interview 機會

第一次唔識sell 自己的長處
之後上網搵下類似問題點答

最後可以繼續做返自己的專業

覺得過程中要繼續相信自己 最重要

大家加油

覺得過程中要繼續相信自己 最重要

agger

fb呀拖頭佬近排無更新，pm左都無回音，而家我有c+e牌，full拉臣，可渣拖頭，想睇下有無同路巴打可介紹入行，咁樣可以行少好多冤枉路，經agent就叫我渣7.5van又唔多想

之前聽同公司d HGV drivers講,佢地一開頭都係邊度請就做住先,試到間人工高,又夠hea既先唔再轉工

你係搵工網申請無回音咩? 會唔會係你住果區唔近distribution center? 我見有d公司要由屋企1個鐘車程內先會請

加油呀

報10份有3份有得in 超好

唔該哂巴打
我都睇到唔少工係請full licence，如果係自動波可能就要自己租埋車個d 自僱型式
我都係想諗定後路，怕本身個行做唔到，都知起碼有咩工可以返
自僱型式可能唔考慮住啦太複雜，始終都係打工慣左，保險個d 唔熟

反而我留意到好多hgv 工，唔特別寫要full license，咁以我所以自動波b 牌
都可以直接考c + e牌，咁都會有公司請？
都係個句有自知之明，唔會咁快挑戰喱d 大車，但都係想有個後備計畫，而又人工高

另外想問你「bootcamp，可以慳番幾千磅之外train完仲幫你搵埋工」係咩來
點做到

NHS既工，可以search nhs job，直接係官網apply就得

做nhs ambulance driver只要有C1牌，或者booked C1 theory test就符合資格申請

只要做夠左nhs工半年，就可以幫你同你既dependent申請IHS refund