入行一年,熱愛唱歌的CY也儲落一班粉絲支持,為了答謝歌迷,CY即將在10月2日在中環一間高級餐廳舉行第一次個人音樂會: 「揀餐廳舉行係姑姐幫我搞 ,起初佢覺得呢個餐廳環境好適合我,成個餐廳都好靚,跟住個老闆又支持!今次呢個小型音樂會真係我第一次,其實都好緊張,會擔心自己會唔會 日突然之間唔舒服,但係點都好我會盡力做個表演,今次係一個好好聚會機會俾我見番好多呢段時間支持我 朋友。同埋有好多我之前中學同學,朋友專登撐場,我有叫佢唔使買飛,但佢都堅持一定要買飛撐場!」
下年出歌
CY對於自己的音樂路,原來已經秘密做好準備:「其實不嬲我唱歌或者行歌手呢條路,我冇點同人比較,大前提都係做我自己鍾意做 先,Enjoy開心就OK,不過我都計畫出年一月份推出我自己個人第一隻歌,首歌已經錄好,而家已經籌備緊拍MV!幸運有投資者幫手,大家初頭傾開就話試合作先,佢都有同我打個比喻,今次合作就好似拍拖咁,去到最後都係想結婚 ,但係結唔結得成就要睇大家合作過程!」