想試玩流亡黯道 Path of Exile (PoE) 仲有冇人玩緊？

bendict 任應該幫邊個好？
Alira, Oak or Kraityn

3個都殺哂最穩陣 有兩點額外passive
如果玩啲缺抗+crit嘅build可以救條女
新手未摸熟啲build需要啲咩一侓建議殺哂

BTW, 今季差唔多完啦啵 10月23 開新一季（3.16）

有咩唔同
呢季見到都唔開胃

玩國際服新加坡ser啦 人又多啲 物價又正常又有DC TFT可以同鬼佬交易 又有POE Trade網 管RMT一定好過台服

台服物價俾啲RMT搞亂哂又少人玩

每一季都有一個特別嘅機制 例如今季expedition 就係炸地雷然後同4個商人換嘢
至於下季嘅機制未正式公佈 只有一條19秒嘅片show咗少少 響背包多咗舊嘢
之前GGG開Live講過話3.16會係有大規模機制 而且end game content 提升（會有超級5軍/幻象異界更多層等等）

樓主有興趣嘅話可以開個DC group一齊玩

我玩咗幾季 都叫做玩過哂隻game嘅全部end game content（除咗掘礦）可以講解下（其實呢隻game 嘅end game content 係多到痴線 每季達成到幾個已經好好 要逐個講應該要講成日）

不過今季就玩完了 等緊下季開波可以一齊玩

今季先開始玩Poe，琴晚打左第一粒界石，但唔明入左界石有咩用，見地圖係高階左，但無裝石嗰啲位又話我界石太低級唔可以佔領定咩
仲未搞得明個玩法🤦🏽‍♂️
同埋奉獻有咩用架請問

嗰啲插響輿圖嘅石一共有32粒基礎嘅可以拎 有8個區每區4粒 當你打夠對應lv嘅圖就有機會引隻王出黎 然後成個區域會變成被隻王佔據 你打多幾場就可以同札那講野 然後入圖打隻王 打死佢拎一粒石 打完一區就打另一區拎

成個輿圖每插4粒=覺醒1(A1) 越高=越難打但越fat fat
個區域每插一粒 個區啲圖都會對應升lv 要打啱打夠對應lv嘅圖先可以引到隻王出黎打 打完4隻王可以打一次大王（Sirus)

白圖=T1-T5 黃圖=T6-T10 紅圖= T11-T16

正常免卡圖嘅新手推圖方法（我個人建議）：一開波打4角開哂8個區引王打 打到每一粒插內圈（入面嗰4個區）覺得有能力（輕鬆推紅圖）可以先插滿內圏全部4粒 之後先插外圈（可以最快開始刷紅圖）
反之則插完內圈每區各兩粒然後外圈1之後內3外2咁樣 因為外圈啲圖嘅lv已經比內圈高 而你打圖只會掉到上下2lv嘅圖 所以令全個輿圖嘅lv都接近就可以避免斷圖冇圖打嘅情況

另外奉獻有好多種架喎 係技能（血肉奉獻/骸骨奉獻）定係奉獻地面 定係張卡？

新手想玩， 有無DC 可join?

哇，好複雜
咁通常係打晒4粒石先插落去，定無所謂？
打一粒就插一粒先咁樣？
白圖T1-5係咩解？我見插完一粒石啲圖已經升左做階級5定6咁。
比如我有個秘密通道白圖咁算T1？白圖黃圖紅圖唔係解品質架嘛？而係插完石啲圖會自己轉色？

我指嘅奉獻係可以溝埋啲圖一齊開嗰D碎片
咩黃昏之類嗰D

atlas真係好多野學
界石用來升map tier call勢力 每一區都要打 然後指住個插盤會話你知果區要幾多粒先call到勢力出來

https://youtu.be/iRifDl_pWMk
廣東話 中間有大概講下點玩

https://youtu.be/0Ky0A3bab_Y
台仔 但舊league來 可能有小小出入

奉獻你係指奉獻地面果個效果？
加回血%

atlas等上面巴打解答 廢事你亂

果堆碎片開map打紅門boss 舊時代既endgame boss

另外仲有其他碎片 打呢d圖為左解成就 獨有既item drop 有個可以解multi craft詞綴

最重要就係解其中一個後期既maven's invitation
呢個又係atlas 好重要既野 但學左基本打圖先

真係好複雜㗎
係打一粒插一粒 你拎完一粒你冇得響同一個區嘅同一階級拎多粒 所以一定要插先可以拎同區嘅另外啲石
白圖嘅範圍只係T1-T5 T6嘅圖就係黃色架啦 品質係另一樣野黎 用蛻變變藍色 點金變金色 你插完一粒見到個區啲圖已經升到T5/T6 姐係你要打T5/T6（對應lv)嘅圖先引到隻王出黎打

Btw 唔記得講打白圖記得用蛻變將張圖變藍先打 打黃圖要先點金再打 打紅圖要點金+瓦爾 （以上係你第一次打個張圖先要咁做 用黎解條件 你見成個輿圖中間有個數字 係已解條件嘅圖 愈多愈fat) 另外張圖品質越高=物品稀有度同物品數量越多

另外乜乜黃昏碎片個啲你可以儲住先 係用黎同張圖一齊開可以加物品數量 之後打fat圖先用 或者儲齊左上/左下/右上/右下角嘅碎片可以拎去打紅門

留名等3.16
skip左一季 之前有兩季都打到endgame

新手鐘意咩都摸下慢慢玩,執下垃圾睇下有咩詞,件野值唔值錢既,建議國際服
鐘意直接rush boss既(sirus,兩老呢d),建議台服
台服個生態適合"打寶論"玩家多d

唔該巴打
我一陣得閒再睇下啲片先，返緊工做埋啲野再Lun下，咩穿越之類嗰啲又係唔識，Poe啲野一季都玩唔晒，下季希望早啲推晒主線然後接觸下呢啲
而家啲Build都係上網抄人，未識自己研究下大概點加
可能主要對啲詞綴又唔熟咁，我知起碼要玩多一兩季先有少少概念

幾百c 先 1粒ex
唔group play唔rmt 都幾頭痕

越玩得深入就越多野唔識
同埋先知自己原來仲係表面玩緊

對於直接打ex價位野既人黎講,通貨價完全冇影響,幾百c:1e仲玩得爽左tim
但係新手唔熟boss機制,淨係學都有排學,到要穩定刷佢地賺錢,中間個過程會好辛苦,所以會建議國際服好d,起碼執下垃圾賣幾十c都叫生活到

下面條片都講得七七八八 卡圖嘅時候可以去地圖儀開札那任務 每開一次札那個地圖商店就會更新一次又有得買

不過下季輿圖機制會大改 得返4個區 得16粒守望石

內容越來越多 官方又冇指引點玩 玩開都覺得複雜
差唔多開新季 依家慢慢摸下隻game先
下季點改都未知 但好似講左atlas區域會改成4區 應該會比依家簡單

今晚繼續努力研究下，8區每區4粒係指每插一粒先有機會打下一粒？
啫係有可能可以將一區沖左上T16先、其他仲係T1咁？
定要4區推上去T6 先有機會打多粒石上去？
不過都係要自己玩下先清楚，我收工再研究下
唔該巴打

理論上係,但係如果你實際上咁樣做,你會斷圖斷到仆街
好粗略咁講你可以將內圈4區16粒平均打齊,之後再打外圈4區16粒,咁你就唔會斷得咁西利,新手要做到完全唔斷圖係極困難