(好耐冇開po)蕭sir又嚟教唱歌

上次開po都唔知幾時了
隔住個mon講唱歌吃力不討好
不過都想解答下大家一啲關於唱歌或者發聲嘅問題

我專研流行聲樂 教咗大概五六年 社區中心學校琴行唔同機構都有教過

呢段時間有睇過唔同嘅現代流行聲樂法 包括Singing Success, Mr. Voice, Kenneth Bozeman(聲音原理), Gary Catona等等

暫時我覺得唱歌上未有一個終極答案 重係各家有各家嘅講法 所以我盡量去學多啲 希望學生可以學到最好嘅嘢

最緊要我覺得教學上要做到四至八堂內學生係明顯有嘢學到/有進步 而唔係俾咗一大堆學費唔知學咗乜 又好似冇乜進步

呢個po如果有同學問到例如丹田/共鳴之類嘅嘢 我可能會提出一啲同九成唱歌老師唔同嘅睇法 咁呢啲係我個人意見 無傷大雅 希望大家開心討論 唔好嗌交

如果小弟唱歌po上黎你會唔會俾d意見我應該點進步

當然可以！

你唔係畫漫畫架咩？

唔係呀我唔識畫畫架

1.唱高音會扯頸, 好易攰, substain唔到好耐
2.音色無辦法連貫上去, 會轉咗假音/唔轉就扯扯
3.硬上嘅高音好扁, 刺耳

目前三大樽頸難題, 但我感覺全部都係同一樣野導致, 可能係氣息或者閉合or both
我嘅諗法suppose有啲野要做去達到去唱嗰粒高音所需要嘅力量, 但我唔知點樣做, 導致我自然同習慣地用咗頸部肌肉去代償

有無辦法解決到, 我感覺依家自己摸索到無得再improve

唔夠個人特色點算

Yo巴打

1.唱高音會扯頸, 好易攰, substain唔到好耐
肌肉唔夠強 即係所謂嘅真聲唔夠強到支持到你啲高音（詳見Gary Catona老師的著作）

2.音色無辦法連貫上去, 會轉咗假音/唔轉就扯扯
正常人嘅體會
而轉假聲係一個人類正常會發生嘅事（除非講嘅係某啲genre係比較prefer全真聲）不然正常由低音去到高音唔特登處理 就算幾西利嘅歌手 所謂混聲混成點都好 都一定會轉假聲（詳見Kenneth Bozeman老師的Practical Vocal Acoustics一書）

所以你講緊嘅係想練個真聲個range寬啲同可以smooth啲過去假聲果邊

快問快答嘅話 唔高音嘅時候 喉核保持中間偏低多啲=真聲厚身啲圓啲warm啲 & oral cavity and pharynx會大啲 轉換聲區(register)嘅時候通常會順啲(passive vowel migration, Kenneth Bozeman)

3.硬上嘅高音好扁, 刺耳
喉頭高嘅聲音結果 都係真聲/肌肉需要訓練

目前三大樽頸難題, 但我感覺全部都係同一樣野導致, 可能係氣息或者閉合or both
我嘅諗法suppose有啲野要做去達到去唱嗰粒高音所需要嘅力量, 但我唔知點樣做, 導致我自然同習慣地用咗頸部肌肉去代償

呢度就開始可以有好大爭議性 總之以下就係我個人意見啦

氣息 冇乜關係 正常呼吸就得
閉合 都係balanced就得 谷得愈多氣 氣壓愈大 閉合自然愈強 反之亦然

有無辦法解決到, 我感覺依家自己摸索到無得再improve

好睇你想練咩 如果想真聲練寬啲 練真聲 大聲 喉核中至低咁練（超簡單答法）

其他想練嘅嘢再答

重點練唱歌技巧
唔好撈埋發聲/音高果啲一齊練
技巧即係例如氣聲、轉音、震音等等 我叫呢啲做硬技巧 同情感（軟技巧）and發聲分開練

好容易跟咗本身原唱嘅唱法

Yo

呢度就牽涉唔同角度去創立所謂嘅個人特色

A. 你自己本身有冇能力去做唔同嘅技巧
B. 你有冇idea/ 能力加入去一首歌入面
C. 你有冇能力去分析個歌手做咗咩技巧
D. 你有冇能力去跟果個歌手做佢啲技巧
D2. 你有冇能力undo果個歌手嘅技巧
D3. undo佢之後你有冇idea/ 能力加返啲嘢入去

重有唔同做法唔同角度
聆聽（到人地做咗咩）本身都係一個技巧

就係冇乜idea加嘢

咁有幾個方向

A. 自己個database要擴大。咩歌都要聽 真係咩歌都要 未聽過 唔鍾意 冇興趣嘅都要聽 聽得多自然會多啲idea
B. 自己試下加一啲自己做到嘅techniques 亂加都冇所謂 開咗個頭慢慢試下先
C. vocal coach揀啲位/歌俾你試下

五音不全有冇得搞？
即係一開口就好難聽

樓主有無demo聽下

yo

兩樣嘢係分開的

A. 五音不全有兩個可能
1. 真係分唔到咩音打咩音（極少見）
2. 發聲coordination跟唔上你個腦想發出嘅音高

多數都係2嘅可能性多啲嘅

咁就由bb班開始
d, d r d, d r m r d
慢慢一個一個音咁加上去
訓練肌肉同口咽腔嘅coordination同flexibility
日子有功（真係要練同要時間）自然會好啲

B. 難聽都好主觀嘅
有啲人覺得扁嘅聲難 有啲覺得自己把好沉好難聽
我要你講多啲我先可以precise啲可答到你
不過快問快答 就算係發聲上有唔同嘅進步空間 係有練習可以拉上補下調整發聲（純以講嘢發聲為目標嘅練習 會包埋一啲發聲原理同聲音科學）

有同冇

先戴頭盔 自問唱歌唔係歌神級 我好清楚的 不過咁多年嚟都出過過百場show 唔會話超難聽嘅

我知道唱歌好唔好聽大部份人基本上有個概念
但係喺唱歌教學上點解咁多年嚟都咁多爭議 係因為好多時教唱歌嘅(尤其講緊17/18世紀開始)都係歌手 呢啲歌手唔單止天份極高 而且音樂藝術藝術造詣係世界級(意大利嘅聲樂家) 不過唱得好好聽唔代表佢哋真正明白佢哋點解可以唱得咁好聽

現世依然有好多老師努力搵緊唱歌嘅答案 當然未搵到

必須要小心嘅係 正正因為未有一個終極答案 就算一個唱得幾好聽嘅vocal coach(當係我啦) 我對於點解自己唱得咁好聽嘅理解都未必係正確

所以我唱歌好唔好聽係緊要 但教學上我嘅資料正唔正確/有冇用係更重要

所以暫時唔放demo住 希望唔好令大家先入為主

我喺教學上都盡量唔會話我啱架 你做唔到就係你嘅問題 永遠保持一個科學家/哲學家嘅心態 要觀察同觀望問題同答案 同學仔做唔到就試另一樣 永遠都有嘢學/練

#之後如果再有人問我會quote返呢篇回覆
#我是長氣怪
#一打太長就1999

完全明白
唱得好唔好聽其實係好主觀
某啲歌手發聲都未必完全科學
始終歌係藝術嘅嘢 係講求情感
如果技巧脫離咗表達情感 都係無意思
我只係純粹想聽下樓主唱歌

感謝你的回覆 感到溫暖

其實係可以 不過都係暫時唔俾住 因為一開咗頭可能個個都話要

過多排先

有冇得比啲demo你聽下

sure la

TG?

點先可以教到人唱歌

1) 經常聽住人唱跟住唱 就會自然跟咗去個原key 女聲特別出事
但係清唱就冇呢個問題
點先可以喺聽到原唱嘅情況下 控制自己入翻自己唱到嘅Key?

2) 有時唱唱吓 每句都唔同key

支持

因為冇牌照 所以基本上有人跟你學你就可以教

咁認真講下點先可以教到人

基本入手
1. 音準要好
2. 樂理要好
3. 唔係淨係識做 真係要識得教人(課管, 教學法)

之後當然
1. 對聲音有一定程度嘅科學知識
2. 對唔同教學法有一定認識
3. 可以因材施教/ 教學上有彈性
4. 有一定嘅唱歌能力
5. 有一定嘅表演經驗

隨口up下