(好耐冇開po)蕭sir又嚟教唱歌

同學有問題歡迎繼續問

隔住個moon答實係會爭啲
所以有唔明係正常的

同埋練習時唔好怕失敗
練習就係刻苦嘅過程
不斷練習先可以有進步
所以繼續練 無論練咩都好
唔好怕錯

https://app.box.com/s/s1cm26v9bbyiaqvb11l17dwu63vyobwo
蕭蛇比啲意見

interesting

我未聽呢個情況
雖然應該都係同個喉頭/soft palate呢組肌肉有關

呢度有個位係
唔知你個鼻塞係鼻塞聲定真鼻塞
唔係你點定義靚聲

為咗唔亂答
你可能都係錄音俾我好啲

點解呢 就係因為我哋唱歌果陣會俾唔同嘅因素影響

例如背景音樂 你想像下如果你唱唱下歌 個bgm愈嚟愈大聲 你通常都會跟住大聲 反之亦然

我地亦都會傾向跟咗歌手嘅唱法同配合曲風而改變聲音

森林就係一個例子 你會因為配合曲風而令自己聲音一直都好擠壓(氣壓太強, subglottic pressure) 去到高音會有更多不良作用

所以呢啲都係要練歌果陣知道自己把聲做緊乜 想要咩聲 客觀地observe 再練習

（paste返啲對話上嚟 少改）

所以試下唔好諗壓呢個字
一開始我都係叫你嘅音色調整沉厚啲 而唔係叫你壓低 一諗個壓字 個喉頭就唔識郁 同太大壓力

我 是 分 隔 線

我地有啲練習的確係會將喉頭降到最低咁做 但冇我親自coach你 你就只需調整音色 唔好用壓呢個字

個概念係點呢 就係平時啲高音我地會慣咗用升高喉頭 整過肌肉擠壓去發出高音

用一個厚啲圓啲嘅聲係為咗減少喉頭過份升高（高音喉頭會升係正常）同埋令肌肉可以正確姿勢下出力（唔係唔使出力 係出力出好啲 好似打拳會同你講唔好用咩咩力 要用埋咩咩力咁）

慢慢試下先 唔使怕做得唔好 啲嘢係要慢慢練返嚟

好聽過姜濤, 但節奏感有啲問題

wow! 好好聽呀！

你聲音天份好高
好多嘢都做得好好
音準
聲區轉換
旋律性/美感/連貫度
咬字
呢啲都非常好

有冇咩特別問題想問？

我第一樣嘢諗到你都係可以去develop下唔同嘅唱歌技巧
長遠去develop自己嘅唱歌風格
例如震音練下再慢/再快啲
加下一啲好簡單嘅轉音
rubato 即係自己改下一啲位幾時入 所謂搶拍
之類之類

多謝
我最大問題係要靠扯頸先上到高音
唔知點先可以輕鬆啲上到
平時唱k如果成首自己唱可能兩三首喉嚨已經好攰

我聽到你某啲句尾係有你講嘅情況（扯扯）

講個方向之前 講下個概念
用返Gary Catona老師嘅比喻 如果講嘢係行路 唱歌係跑步 我地會唔會揾到方法又放鬆又跑得好快？

唔 會

呢個正正係大部份vocal coach對於聲音訓練一啲多年嚟嘅謬誤

唱歌好多時係一個運動級數嘅活動 放鬆係冇可能真正幫助到高音/爆發力

用返跑步做例子 保特真係可以好放鬆 讓我地一隻腳都跑得快過我地 點解？
因為佢真係跑得好撚快

所以所謂輕鬆唱高音 有冇可能？
有 前提係你要跑得好撚快

去返唱歌 即係你嘅肌肉力量同彈性好一個點+聲帶同口咽腔(oral cavity and pharynx)協調性好到一個點 唱高音依然能夠控制/收放自如 咁就可以好似保特咁

所以大方向有二
一 訓練聲音相關肌肉嘅強度（以厚同圓聲為訓練基礎）
二 訓練肌肉同口咽腔嘅彈性同協調性

快問快答嘅話
你唱到某啲音/字嘅時候 想像自己唱「後」啲同「下」啲 應該已經即時會有效

不過呢啲終極簡單嘅答法我唔包生仔 你可以試下

同埋你講唱幾首就攰都係顯示你聲音相關嘅肌肉唔夠強 所以嗌幾首就開始會冇力/攰/把聲冇咁在狀態

你好啊
我由細到大唱歌都好難聽，係連朋友面前唱k，都比人屌個隻。我唔太敢係度放，介唔介意我tg你，share一段我唱既歌，等你幫我分析一下入面有咩問題啊，睇下後天有冇可能救得返，感謝

tg: Camus_L

想問下唱K嗰陣聽唔到自己把聲/覺得把聲變咗唔係自己咁，搞到走曬音應該點搞

sure la!

find you tomolo!

一到高音通常都係隔硬用力嗌上去

yo

嗱你呢個係好問題嚟架
重點係K房唔係一個好嘅聆聽環境
而且K房入面啲mic嘅EQ都係亂九咁set

所以K房啲mic冇得自己set EQ 你又想練歌 我寧願你喺屋企就咁清唱唔用mic

另外喺K房 盡量自己對耳近啲喇叭 啲聲directly啲到自己對耳會有少少少少幫助

明呀 你試下用咗我講果個方法先

tg @ccchhhd 感謝

攰到懷疑人生
佛系推po

喂你好有天份唱得好好聽呀！！！

你有個好大嘅壞習慣 係你成日唔L換氣

呢啲鼻塞嘅形容基本上可以講係錯嘅形容 只係你講唔到係咩所以講鼻塞

點解要話你錯 因為我哋形容個情況正確先會搵到個正確嘅方向去解決 正如我地去睇醫生咁

你經常性地唔換氣嘅習慣會令到你chorus不斷有閉氣/谷氣嘅情況發生 因此subglottic pressure聲帶下嘅氣壓會好強 就會有啲好強烈嘅體感出現 例如好緊 好扯之類

咩都唔好講 就搞咗吸氣先

練習嘅時候唔好諗咁樣好怪呀之類之類
你試下瘋狂有空間就要換氣 唔使換都要換 總之完成一句（尤其chorus)就換氣 應該即刻會好好多的

問：如果唱假音個陣 會變左米奇老師或者好似女聲要點解決?

因為你個假聲帶閉合能力弱 所以一轉假聲就漏哂啲氣或者走音走得好勁

用扮聲去學習一啲強假聲帶閉合 例如扮日本卡通入面果啲烏鴉 或者係鴨 或者係小朋友扮飛機 或者係睇波果種woo!!! Woohoo!!!嘅聲～

問：氣聲假聲點練

用有h嘅consonant嘅字去發聲
Ha
Hu
都可以

我好似假音經常會用鼻腔共鳴 用頭腔共鳴嘅時候好似會好啲 冇咁易鼻塞
唔知關唔關事呢

撳咗不推文
推

呢啲共鳴論其實都係好抽象同好主觀
如果佢身為一個solution 如果佢真係咁堅抽 你應該一聽就做到你想要嘅聲 但唔係 所以共鳴論我唔會否定佢 只係呢種講法真係比較接近結果多過係個原因

所以唔太關事

你對你聲區嘅認知唔夠多都有可能有影響
即係邊啲位係真聲/近真聲盡頭/假聲/whistle voice/flageolet
你認知多啲 知道自己把聲幾時大概係咩聲 果種聲會有咩特質同音色 對於你整體去形容自己把聲有咩情況發生咗會更準確
你越講得清楚自己把聲發生咩事
你越知道有咩調整可以做
當然真係有我慢慢同你講會好過你自己慢慢摸（因為我都係過來人 網上係勁多資訊亂up的）

佛系推po

係咪可留TG 錄音問你架?