【戰略局】《病港ＩＩ》（４０）

推

課金基本上重嚴重過吸毒你會唔會肯倒退返個進度

摩西不可以色色哦

以後m同湘b咪可以騎住摩西一齊去旅行囉

停咗。
半年前完咗，然後等咗兩個月lihkg先追返個進度。睇吓十二月再課唔課，課最爽係一課嗰吓連追四五十篇。

點忍

舔得又濕又漉的韓湘，呆呆坐在地上

想當年病港1頭一兩個post就睇，之後唔想等就棄左故，到今年年頭再搵返出黎，用左個幾星期追哂病港1同2頭十幾個post

你個肝有冇事

肝就無事，但近視深左

狗狗表示：韓湘全身都係m主人陣味

摩西係咪會入西城薈救主人

應該係隻手套加有m嘅味
可能是但搵個人戴都有一樣效果

騎住佢行鐵路

定其實摩西係本身韓湘個隻狗黎

louis? 唔係喺西城薈咩
會唔會已經俾啲軍人喺打仗前夕食咗

劇透

續期就少咗一次過追一個月文嘅樂趣

只見上身被摩西舌頭舔得又濕又漉的韓湘，呆呆坐在地上。

見到樓下相安無事，瑜小六才鬆一口氣，走去重啟發電機。

韓湘抹一抹臉頰，抹掉一大巴噁臭的唾液，儘管見慣發臭的屍體，還是令人反胃作嘔。

黏稠稠的唾液很影響視線關係，韓湘把軍閥大衣脫了下來，把臉部印到較乾淨的背面上。

「汪嘎……」

誰知摩西舌頭一動，索性將大衣舔去，用力嗅著大衣的氣味，絲毫不理會韓湘。

那一刻，韓湘才意識到……摩西並不是馴服於自己。

只是大衣上殘留過M的微量氣息，足以讓牠的怒氣收下。

但是多香的花，也總有無味的一日。

摩西很快便嗅完了大衣，怒目一轉盯向了眼前的韓湘。

「嗚吼吼吼吼……」摩西喉嚨發蘊藏怒氣。

韓湘察覺到危險，一步一步地退後，她動作要保持又慢又細，以免突然刺激到摩西。

突然間，病奴竟擲出自己的排泄物到韓湘臉上，讓她分了一下心。與此同時，摩西盯住了韓湘，想把她視為獵物般咬住。

「嗷嗚！！！！」摩西擺出飛撲的姿勢，嚎叫半段飛撲大咬：「吼！！！！！」

摩西的血盤大口正要吞噬韓湘之際，及時重啟發電機的瑜小六，拉下了電制，高瓦伏電流馬上傳導影棚的鐵鏈上，壓制住瘋狂的摩西！

韓湘趁機會退至影棚外，離開這塊危險的地方，瑜小六亦馬上回到樓下，看看韓湘的情況。

控制室跟影棚僅一層相隔，瑜小六落到下面的時候，韓湘已經一臉疲倦難受的坐在地上。

「病奴嘅排泄物同埋摩西嘅口水都好多細菌，韓小姐我帶你去沖個身先。」瑜小六建議。

「艾寶琳等唔等到？」韓湘問。

「我都無預摩西會係唯一嘅方法，話唔定佢哋對峙多一陣，就發現病劍嘅弱點……」瑜小六帶著韓湘，打算正門進入大本營。

然而，才剛從地下影棚行上路面，便有一群人浩蕩地前來。他們大約十多人，全都手持短弩和短劍，還有最標示性的犬隻。

「犬學派……」瑜小六一驚，向守衛喊：「唔洗開門俾我哋住！立即叫其他人過嚟，外面有敵人！」

「係！」門上的守衛打開照向鐵門外的大燈，然後再敲響鑼鼓警報。

「噹──！噹──！噹──！」

「汪汪！」一隻領頭的尋屍犬，對著韓瑜兩人吠叫。