【戰略局】《病港ＩＩ》（４０）

似係同王達尼差唔多類型嘅人

每日一推

其實艾匡黑化先好，當初我以為眼盲嗰陣出現的女仔係詭人，幫佢克服/報仇後跟埋返去將軍澳，搞亂將軍澳。
既然M嚟港島搞搞震，我天腦就搞亂番你將軍澳
因為就咁純粹人為亂事，喺將軍澳頂盡真係好似艾康咁，出把鎗就完事，但多咗背後詭人搞屎棍，加埋係艾匡勢力，就好多嘢玩
不過依家似王達尼先黑化，唔好忘記佢同詭人搭上咗，而場仗的結局點睇都似係西城敗。
站天腦立場，只要掌權者一日繼續係不安於現狀，都會引發衝突，人類自然自己玩完

王達尼幾時搭上咗詭人？

寶拉未死應該同詭人有關連

鳩估寶拉冇死到嗰part
不過寶拉都唔臭

好似冇講過詭人喎

或者變咗病者但因為佢人形

推

推

推啊文呢

依家要出人物的都出哂，一係詭人救寶拉，一係殺哂嗰5位高層後病腦(夕諒)過料俾王達尼/直接幫拖。
唔係王達尼邊有可能靠特工就搞得掂咁多內鬼

推

「點解佢哋好似中哂邪，唔怕死咁！？」一名反皇派持續開槍，並檢查彈匣：「我子彈差唔多用哂……」

「佢哋係被選入內宮嘅皇家室僱員，全部都洗哂腦，對艾康有好高嘅忠誠度，會為君主獻身。」港豬持續擋在艾匡面對，保護好公主。

「呼！」一把長劍冒出，斜砍港豬。

「小心！」艾匡拉開港豬，舉劍格擋。

「鏗！」

「喝！」上級騎士收劍轉刺。

艾匡一閃開，港豬上前拉開上級騎士的面罩，把槍口塞進罩中連開兩槍。

「咻咻」身形健朗的騎士立即倒地。

「呢堆盔甲佬真係麻煩……」少佐使用AK-47突擊步槍，朝一名上級騎士射擊。

「噠噠噠噠噠噠噠──」該名上級騎士胸甲連中數槍，但身子謹謹僵直，沒有倒下來的意思。

盔甲雖呈變形和凹陷，但距離穿甲還差點火喉，於是少佐又多補數十槍，差不多花半排子彈，才真正擊倒一名上級騎士。

「嗄啊……」上級騎士脫下手中的劍，倒地身亡。

「呀啊！」一名反皇派成員給長戟刺穿肚皮，再高舉天上拋到敵方群眾中，死法慘烈。

大廳左翼。

「少佐！你哋大本營要留啲子彈！」港豬從後騎上一名騎士背部，並強行拉開眼罩，將槍管伸到裡頭開槍：「艾康仲有一支禁衛軍全部都拎槍！呢到交俾我哋反皇派。」

「好。」少佐換上新的彈匣。

「喝哈啊啊啊──！」大舊一次把三名上級騎士撲倒，然後向同伴大喊：「快啲過嚟殺咗呢班友！」

大本營的戰員馬上衝到大舊身邊，改以鈍器重擊被壓倒的騎士，尤其是少佐的金屬棒球棍，敲得三名騎士震耳欲聾，拍地求饒。

倏地，一名反皇派戰員趕來內宮大廳，向騎士們投擲出燃燒彈：「感受下地燃嘅烈火啦！你老母！」

「做得好啊鹿仔！咁遲先嚟！」港豬半讚半罵。

「啱啱同班朋友去縱火，燒死幾個狗官……」年輕的鹿仔再點燃幾個燃燒彈，一一往騎士們擲去：「熱唔熱啊！熱唔熱呀！哈哈哈哈哈！」

「嗚呀呀呀！！！嗚啊啊啊啊啊！！！！！」一名慘嚎著的上級騎士被烈火焚身，於地上瘋狂掙扎打滾。

「騎士精神……」中槍而奄奄一息的戟槍騎士，摘掉頭盔向戰友們喊：「寧死不屈！！！」

未死的上級騎士精神一振：「為艾康國王爭取時間！」他們無畏死亡，踏過地上的火焰，集體衝來盡地一搏。

上級騎士如同死士，互相替對方擋著前方子彈，跑最前的騎士倒下，後面的騎士便踏過戰友屍體，繼續向前衝鋒！

「呢班友……」港豬吞一吞喉，步伐不自覺後退。

突然！

「讓開。」一把穩重的聲音出現，港豬回頭一望發現竟是奎斯。

「你都嚟埋，你唔係話咩……」

「原則可以打破。」奎斯舉弓，拉出一根爆裂箭：「我以個人名義參戰。」

「呼──」發射。

「呯！！！！！！！！！！」箭矢爆裂。

盔甲部件給炸得飛脫甩落，彼此緊靠的騎士們，給奎斯一箭摧毀，前路再無阻攔！

上級騎士死的死、傷的傷，艾寶琳內宮的菁英騎士盡出，那三道彷彿會自動生怪的大門，亦再無其他騎士行出……

但是反皇派都有不少人受傷，雖是皮肉之傷，但血流下去也不是辦法。

「流緊血嘅留喺到，明雲先生照一照顧下佢哋。」艾匡指示。

「知道，艾匡公主。」明雲跟醫療人員，馬上看顧此役的傷者。

「佢哋幫艾康拖咗唔少時間，我哋繼續上！！！」跑在最前的港豬繼續帶領大量的反皇派戰員上前，不停呼叫那日夜想對付的名字：「艾康！！！！！」

聲勢浩大的反皇派又穿越一條寬闊的長廊，再踏上一條雲石長梯，不經不覺攻上到地鐵站上蓋平台的新都城會所，上面開始是艾康的私人領地，不怎露面的禁衛軍，都長期駐守上面。

跑在最頭的港豬，上完樓梯行不到兩步，身子就被一顆子彈剎停，被不知哪裡的敵人射擊，中彈倒地。

「嗚呀！」子彈幾乎讓港豬彈飛滾落樓梯下，幸得身後的反皇派同伴攔住。

「白月草先生！！」反皇派眾人驚呼。

「嗚……」港豬一手按住胸口，一手指住前方：「有槍手……係禁衛軍……」

「立即搵掩體！」少佐補上港豬的位置，反皇派不是躲到會所的掩體後，便是退回到梯樓下。

奎斯把港豬拉到一個遊樂場設施下：「你頂住……」他即場拿出止血粉，灑到港豬傷口上。

「唔洗理我！繼續去……」港豬咬著牙，抵著中槍痛苦：「去搵艾康出嚟……革命係要有人死……」

「呢到交俾我。」少佐以眼神示意大本營戰員，上前應付會所內的禁衛軍：「艾匡，如果你覺得危險嘅……」

「我唔怕死，我會跟住你哋。」艾匡並不畏怕。

「好。」少佐跟其他戰員，說：「其實我見到開槍嗰條友，佢喺前面嗰幢B座五樓一間房入面開槍，一路搵掩體，一路推進！」

「係！」大本營戰員喊。

「上！」少佐跨出掩體，朝泳池方向射擊。

「呯！呯！呯！」

「依到係艾康殿下私人地方！」兩名手持步槍的禁衛軍，從石柱後跑出：「你班狗賊禁止再上前！」

大本營的戰員馬上作出反應，一邊射擊一邊尋找掩護物。

新都城會所中，包含室內外游泳池、遊樂場、健身室、網球場、壁球場、保齡球場等等……

少佐的突擊隊推進的一路上，都持持續續有禁衛軍現身迎擊，雙方人馬就單純不斷地火搏，有時候更要拾撿敵人的槍械使用，不然子彈隨時不足。

「少佐對面火力好猛……」大本營戰員阿文喊。

「少佐！！你上啦！我同兩個兄弟做火力掩護！！」大本營老成員漢森冒出半個頭，瞄準敵人的所在。

「好！」少佐一行人在漢森等人掩護下，快速穿過兩塊空曠網球場：「其他人跟實我。」

「噠噠噠噠噠噠噠！！！！！」

子彈不時被球場的圍網擋下，穿過網球場的少佐繞過室外泳池，帶領其他隊員偷襲另一批噴水池旁的禁衛軍。被突襲的一隊禁衛軍措手不及，肉身連環中彈，最終倒泊在染血的噴水池中。

「呯！」一路進行火力掩護的漢森，忽被第二個方位飛來的子彈射穿半顆腦瓜！

漢森連遺言都沒有，殘酷的倒地死去。

「呯──」

「漢森……」少佐看著老遠倒地的他，實在心如刀割。

「啊！森哥！」一名跟隨少佐的年輕傢伙，悲痛的衝出掩體開火：「我死都要同你班人陪葬！」

「小汕，唔好衝動！」少佐叫不住他。

「呯！！」可是小汕跑不到十來步，便被藏於柱子後的禁衛兵開槍擊殺。

「又死一個！」阿文大吐晦氣，及時提槍殺掉那條柱後的禁衛兵。

「依家死咗五個人……」少佐點算人數後，望向艾匡：「艾匡，你知唔知艾康喺邊……」

「應該喺盡頭幢大樓入面，嗰到係皇室人員居住嘅大樓，有佢卧室，但要先經過會所，再經貴賓室，佢好有機會喺入面……」艾匡指住盡頭的大樓。

「我估都應該係，班禁衛軍死守哂喺嗰幢樓隔離……」少佐查看彈匣，又看看大樓：「如果我哋掩護你同奎斯過去，你得唔得……」

「可以！」艾匡依然堅定。

「全部人，掩護艾匡同奎斯過去！」少佐發出指示，身子準備伸出：「準備……去！」

話畢，大本營突擊隊停止進擊，選擇掩護兩人前進。

艾匡必須前去的原因，因為只有她知道複雜龐大的皇宮中，艾康到底藏在哪裡，還有怎樣過去那兒。

兩人冒著子彈橫飛的風險，穿過禁衛軍所鎮守的區域，進入到最終的皇室大樓中。

「入侵者！」門口站著艾康的皇室管家，他二話不說掏出手槍要射殺兩人：「今日你哋就死喺到！」

「呼──」奎斯反應更快，一箭射穿了皇室管家的心臟。

「嗚呀啊啊啊──」皇室管家瞪大雙目，向前胡亂開出幾槍才倒地。

奎斯把艾匡抱住，腰側替她吃了一槍：「啊……」

「奎斯老師！」艾匡扶穩奎斯，跟他一起前進。

「嗄、無打中要害，無事，繼續去……艾康我哋嚟喇！每年補貼病獵公會咁少錢……我會要你知味道……」奎斯大喊。

兩人辛苦行上樓梯，歷盡千辛萬苦，終於來到貴賓室中。

艾匡把門推開，奎斯則拉著弓瞄準。

寬敞舒適的貴賓室中，有個坐在輪椅毫無防備的人存在。

「艾康！」奎斯慢步上前，看清那人容貌後有點驚訝：「呢個係君釗……」

艾匡口中細唸：「開國劍……」印象中君釗小時候經常帶她玩耍、送她禮物，跟他的孫子君喬曾是好朋友，儘管是些皇室的聯誼。

「的確係佢……我仲以為佢已經死咗。」奎斯打量著他，有些唏噓：「睇嚟真係俾秦狩打到癱瘓……」

原本寶刀未老，英姿煥發集騎士最高榮譽於一身的君釗，變成消瘦年老的廢人坐在輪椅上虛度光陰。

看見兩人出現的君釗，口裡模糊不清地說：「嗄、嗄……我……我……俾……人……嗄……打……到……腦……癱……我……想為……守……守……護艾寶……琳……」他瞳孔深紅滲淚，滿溢出屈辱。

「君釗叔叔……」艾匡雖知他的所作所為，但此刻卻覺得他是個被利用的可憐人。

「我……我要……守……護……」君釗十指強行伸直，臉容生硬卻盡顯激動：「艾──寶──琳──！」

君釗手指按下輪椅上某個按鍵，輪椅上的小機關隨即啟動，一枝裝有深紅液體的針筒刺入脖子中注射，使他兩目瞳孔漸漸睜大……

「呢枝係……」奎斯凝視那液體的光澤後，立即放箭射殺君釗：「病者血液！」

「嗄啊！」心臟中箭的君釗，依然睜大住眼睛。

以意志，強行催谷生命！

奎斯為了阻止他病變成功，再放一箭到君釗頭上。

「格咣！」君釗半張臉被箭射穿。

但那高貴的騎精神，依然彰顯著！

「直接斬佢個頭落嚟！」

奎斯想到這一點時，持劍的艾匡已衝上前，並在她準備揮落頸項的瞬間……君釗病變了。

幸運時間

輪椅
唔通係聖母

樓上死全家

quote文狗 咁啱你又留cm

仆街九成九係聖母