【戰略局】《病港II》(40)
墨說
1001
回覆
1106 Like
10 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
珠珍茶奶
2021-09-29 14:29:01
以為佢會變聖父添
磚業騎師
2021-09-29 14:31:07
牧師大揭嘵
阿墳
2021-09-29 14:31:17
張床有個管家喎
蛋散一舊飯
2021-09-29 14:33:56
「你想點……」艾匡凝視他手上的搖控器,不知道有什麼用。
「你掀開床上張被睇下。」艾康笑得不懷好意。
艾匡不為所動:「點解我要聽你講。」
「因為唔咁樣做,你一定會後悔。」艾康似乎真的留有後著,但他應該真的是準備了什麼,才有勇氣站在這兒。
=》 直接攻擊艾康啦,仲理張床
阿墳
2021-09-29 14:35:19
係 應該直接斬佢兩隻手
座右銘
2021-09-29 16:08:51
應該未斬斷就撳到制,斬完艾康,佢嬲鳩連有管家都唔講就走,星宇死就全部人死
笑一下
2021-09-29 19:48:13
感謝補文
夜行傘
2021-09-29 20:23:03
每日一推
墨說
2021-09-29 20:34:56
「成幢艾寶琳皇宮冧咗……」一些皇室老臣子不禁跪到地上。
「公主……」躺在擔架上的港豬,向艾匡悄悄招手。
「港豬先生,你傷勢唔嚴重?」艾匡回過神來,走到他一旁。
「我無事,可能要切咗條盲腸,但唔緊要……最重要係艾康死咗?」
「佢……」艾匡回望身後一片廢墟:「喺暗門走甩咗。」
「唔緊要,但你要即刻宣佈……」港豬皺一皺眉,握緊住艾匡的手:「艾康已經戰敗,依刻開始你擁有艾寶琳合法嘅統治權。」
民眾議論紛紛,士兵不知所措,貴族哭喪著臉期間,艾匡的聲音蓋過了他們,讓大家有個聚焦的人物。
「我係艾匡!兩年幾前,我喺到俾人追殺,差啲俾自己皇兄送上死刑台,但我今時今日仲企緊喺到……因為我唔想成個國家變哂樣。」艾匡爬到推土機上,跟眾人宣佈:「我係艾氏皇朝第三任合法繼承人,今日開始艾寶琳倖存區將會由我接手!我會歸還大家嘅自由,廢除徵兵、解除交易限制、廢除戒嚴狀態、豁免宗教限制、重新開放國土、所有政治犯都會得到釋放。皇權唔會再係你哋嘅唯一信仰,我將會下放權力,未來一年我將會進行君主立憲!所以,想請大家團結一致!」
艾匡的一番言論,很快引來民眾陣陣熱烈的掌聲。
「艾匡!艾匡!!艾匡!!!」一直處於水深火熱的人民,彷彿看到國家新的希望。
另一邊廂,被韓湘挾持的艾寶琳士兵們,都逐漸地放下了武器,一個人放下後,第二個人又跟著放低,棄械的舉動很快傳染出去。
「你哋……你哋作反啊!」艾康屬下的一名皇室老臣子,跑出來指責放下武器的士兵:「你哋係宣過誓嘅士兵!著住紅色軍服!你哋居然放低哂武器……呢嗰死靚妹點統治呢個國家啊!用下腦都知啦。」
「啱啊啱啊!拎番起你哋嘅武器!」還有其他作為保皇派既得利益者的貴族,在殘存的上蓋平台呼喊。
「煽動叛國,死罪。」韓湘一句冷冷的說話,重重壓落保皇派的頭上。
負手的韓湘默默行到那名老臣子身後,在他破口痛罵士兵期間,伸手按住他頭頂,一陣刺激電流隨即湧入,讓他慘叫不停,全身冒著黑煙。
「嗄啊……嗄啊啊啊……」被電擊六秒之久的老臣子,幾乎半死的跪倒下來:「啊啊啊……救命呀……」
韓湘看著掌心:「睇嚟能量用得七七八八?」正常這按法,對方應該被雷電轟頂死去了。
現在,卻像活受電刑一樣。
韓湘換另一隻手,再按一次老臣子的頭顱。
「滋滋滋滋──」
「呀呀呀呀呀呀啊啊啊……」這次老臣子依然顫抖不停,可卻久久未斷氣:「停手呀!唔好再啊啊啊啊……」
八、九秒後,這副老骨頭竟然仍未死去,連周遭的民眾和士兵都不忍看到這畫面,韓湘唯有鬆開手。
「嗚呃呃呃……噫呃呃……」老臣子搖搖欲墜,臉部焦黑:「求下你哋……搵人一刀殺咗我……嗚嗚……嗄咳咳。」
墨說
2021-09-29 20:35:06
話音剛落,老臣子心臟一痺,身子便癱軟下來,終於斷氣。
韓湘用腳輕輕踢開老臣子頭部,見他再無任何反應,便轉頭望向平台上的那些保皇派貴族。
「噫……」那些貴族六神無主,抱頭鼠竄。
得到艾寶琳人民肯定,艾寶琳士兵又放下武器,艾匡算是得到承認了。
反皇派看著周圍的一切,突然集體意識到,大家終於奪得艾寶琳倖存區,雖然戰爭不過在半天內完成,但事前的潛伏、組織、準備、流亡,再到開戰,可謂長達數年之久,使得當下感覺很不真實。
「我哋係咪贏咗……」
「得咗啦……」
「成功喇!真係成功啦!」
「終於搞掂啦!」
反皇派互相擁抱痛哭,極為開心。
艾寶琳倖存區也一時間萬人空巷,大家都不怕擠擁的出來迎接這位新女皇,高呼她的名字,不約而同地振臂高呼!
「艾匡!!艾匡!!艾匡!!艾匡!!艾匡!!艾匡!!」
艾匡接受著眾人的祝福,陽光刺亮的照射她身上,成為今天的主角。
「你仲幾好?」韓湘過去港豬身邊。
「未死得,啱啱外面麻煩哂你……韓小姐。」港豬叼根雪茄,點火時手也在發顫:「如果無你牽制住外面班士兵嘅話,可能我哋已經喺皇宮入面腹背受敵,又唔知要死幾多人……」
「可惜艾康走甩咗。」背著步槍的少佐走來。
「放心,佢唔會走到幾遠!成個艾寶琳都睇住佢。」大舊說。
「既然佢整得暗門,就應該有條後路通出去,可能就喺地鐵站路軌到……但都已經俾瓦礫埋住。」賴桑說。
「我認為有個比艾康更麻煩嘅嘢需要處理。」手拿望遠鏡的奎斯,持續注意著地鐵站平台上蓋。
「嗰隻病者?」少佐差點忘記他的存在。
「係……根據我觀察,佢暫時好似喺爆炸嗰陣,俾瓦礫活埋咗,但相信仲未死得,要即刻疏散人群,調動病獵過嚟。」奎斯放下望遠鏡。
「嘿嘿嘿……」港豬不禁發笑:「真係一波未平,一波又起。」
「咁開始做嘢。」韓湘拍拍手掌,分配工作:「我去拘捕淨低嘅保皇派同舊官員、反皇派嘅成員就執行善後工作,其他人呼籲大家遠離皇宮。」
「你可以帶埋呢條友仔去……」港豬指住推土機旁,默默守候艾匡的星宇。
墨說
2021-09-29 20:35:17
星宇聽到疑似有人談論自己,轉頭望了過去。
韓湘做個手勢,示意他過來。
「我?小姐搵我咩事……」星宇走過去。
「你好似皇室管家?」港豬問。
「係……我係,忠誠於艾匡公主嘅皇室管家。」星宇一臉忠直。
「咁你喺皇宮工作咁耐,應該知邊個貴族,邊個人,係保皇派成員?」港豬續問。
「呢層我知道。」星宇點頭。
「帶我去搵佢哋,要你幫我認下人。」韓湘強行拉星宇入隊伍。
「呃,呢層我要問艾……」
「你去啦。」艾匡接受完民眾的歡呼,跳落推車機下。
「係,咁呢位小姐如果你要展開行動,可以同我講一聲。」星宇躬身。
「事不宜遲,搞埋啲手尾去。」
當晚,反皇派仍然在區內行動,包括搜捕保皇派人員、調查特殊病者行蹤、解散徵兵制入伍的新艾寶琳士兵、維持區內治安、清理瓦礫現場,並發出了公告,如尋獲「暴君」艾康,可得一百萬艾幣賞金。
關於艾匡戰勝的消息,下午就傳到大本營、康城倖存區和聯合倖存區裡頭,因此有不少人員特意到訪,其中包括瑜小六。
「瑜老師你又會嚟嘅?」一名街道上站崗的病獵學徒,好奇地問。
「聽聞贏咗啊嘛?係唔係真啊。」瑜小六問。
「係啊,但詳情賴桑老師好似清楚啲……」病獵學徒伸手示意賴桑位置。
「賴桑!」瑜小六喊他。
「小六,你嚟得真係及時。」賴桑待在皇宮外頭的大街上,檢視瓦礫上的病獵們。
「呢到搞咩?」瑜小六進來開始,眼睛沒移開過皇宮:「成幢嘢爛哂,睇落打咗場好激烈嘅戰爭咁……」
「仲大問題係,入面仲埋住咗隻特殊病者,我哋公會嘅正式病獵喺上面搵緊,其他學徒就沿住皇宮圍個圈,阻住啲外人入去。」賴桑略為說明。
「咁搞法都幾危險。」瑜小六抱手,橫視一片瓦礫:「倖存區入面有隻特殊病者……都好幾年無遇過。」
2084-
2021-09-29 20:36:35
文
弱水叁千只取一瓢
2021-09-29 20:37:04
咁早嘅
湘B
2021-09-29 20:47:16
早
體脂二十五
2021-09-29 20:52:50
大舊都比M傳染咗
就嚟變中二病港啦
點解咁既
2021-09-29 21:05:50
瑜小六
靈異生物
2021-09-29 21:14:48
早文祝福
彌敦道雞串小玉子
2021-09-29 21:15:43
開國劍同白鯨變病者前嘅遺言都係守護艾寶琳
但白鯨係守護艾寶琳人民
所以受尊敬
開國劍只係守住腐敗嘅體制
最後只係變咗前朝留低嘅怪物
同現實堆腫警屍口口聲聲維護法治一樣
知道自己不知道
2021-09-29 21:30:45
月光在上,早文珍惜
珠珍茶奶
2021-09-29 21:45:13
早文?! 仲以為係惡搞
靈異生物
2021-09-29 22:18:23
睇黎墨b又想調節翻自己個生理時鐘
墮入羅莽
2021-09-29 22:25:03
齊齊針
2021-09-29 22:56:45
我愛小六
椒鹽蝦米
2021-09-29 23:29:17
早文
傻豬黎既
2021-09-29 23:33:59
開腦劍會點死
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞