有栖世界觀係絕對正義同絕對惡人
人物設定都好明顯係好動漫個種,好偏激(咁當然啦佢本身都係漫畫
有栖玩遊戲時其實都害死唔少人,但你唔會覺得有栖係惡人
因為作者有心將個故事寫成所有人都係為左有栖犧牲/或者係惡人有報應
有栖手上一滴鮮血都冇
仲會連埋死去同伴既靈魂一齊生存落去添!好鬼死正能量
魷魚只係睇咁多人屌男主角廢就知佢人物塑造得好成功
因為男主角就係一個廢人,好似現實咁根本冇人可以完美
平時講埋D大愛說話,到要保自己命仔時都係要害人利己
就算睇眼鏡佬呢個角色,都睇得出佢唔係絕對惡人啦
佢雖然每次都好冷血咁推人去死
但你睇得出佢每次做完都好大罪惡感
其實如果唔識享受呢種複雜既人性咪可以去睇返日本動漫作品
好多呢類題材,有栖個D其實都好好睇架
只係好明顯作品要表達同追求既野根本就唔同
魷魚唔算係十分滿分,我個人最多都只係俾到6,7分
但D演員真係演得好好