「點解,都嚟到門口啦?」
「你真係要入?」
「嗯。」
她的樣子好像顯得可惜。
唐樓的2樓是一間茶樓,帶有港式傳統,就是酒樓的終端有一隻金色鳳凰雕像、紅噹噹的氣派佈置,難以想像有一間如此具規模的酒樓會坐落在城寨之內。
進入酒樓,回望四周都是高朋滿座,座無虛席。
「我搵瑤婆。」
「瑤婆?」四周的氣氛都很凝重。
「瑤婆,村梅搵您。」
她是一個50多歲的老人家,如同一個慈祥的長者。她一看見我,就擺出和諧的笑臉,問我:「點解你會喺度?人類唔屬於呢個地方。 」
「唔係,我係專登嚟搵人。」
「搵人?」
「搵陳道明。」
她由原本「和譪可親」的眼神,變為銳利,似有所警誡。
「你因咩事搵佢?」
「佢係唯一可以救香港嘅人。」
「佢只係一個傳說,無人見過佢⋯⋯不過有個人係似佢⋯⋯」
「唔該你呀,我真係需要見佢㗎!」
「嗯⋯⋯」
「求吓你,我真係需要見佢㗎。」
「但我點解要幫你?」
「你可以唔當幫我,但當幫香港都可以,香港有事。」
「香港有事關我咩事?你都未答到我問題,我點解要幫你?」
「我可以燒啲金銀珠寶畀妳。」
她嗤之以鼻道:「呢度係鬼界,唔係陰間,金銀珠寶對我有咩用?」
「⋯⋯」
我放棄了⋯⋯
正當轉身想走之際,她忽然說道:「幫你⋯⋯唔係唔得嘅。」
「嗯?」
「但呢樣要睇你有幾多誠意。」
枱面擺剛剛正起的點心,熱氣沸騰,點心籠裏面裝着的不是我們在酒樓普通會看見的蝦餃燒賣,而是一個人頭。燒賣裏裝着的是一隻隻人眼,蝦餃裏面裝着的是一整隻青蛙的舌頭,還有數之不的元寶蠟燭湯。
「你食咗呢啲食物,就係我哋嘅人,我就可以當係自己人咁幫你。」
「瑤婆!」張村梅替我說好話:「佢未必適應到。」
「婆婆,哥哥唔食我可唔可以食啊?」
「唔得!」
我內心掙扎不斷,天人交戰,一方面單用眼睛去看已經覺得嘔心,身體不停地抗拒,另一方面我正為七百萬人的幸福福祉而戰,過不得心裏的抗拒,一口氣閉上眼,將點心吞下肚。
這幾秒,猶如萬年。