《廟 街 有 殭 屍 二 季》二 啊啊啊啊⋯⋯

「食飽佢，無人阻止你。」南門蔚道。

放眼盡是孕婦，密密麻麻，它們如同散亂的大軍開始步步進逼。

「嘩，真係醫院都見唔到咁多孕婦。」伽樓一說：「呢啲恐怕係當年隨軍嘅屍體，慰安嘅從軍女人？仲要係大肚。」

「大肚好多時都會死，積冤成屍合理。」

「睇嚟隻嘢係越嚟越勁，有咁多佢嘅同伴出返嚟。」

「可惜。」她說。

「你唔係同情殭屍啊，好似嗰個𡃁仔咁，感情用事。」

「無，見一，殺一。」

他們雙雙拔劍，衝入千軍萬馬之中，無數孕婦圍堵他們，肚中如同先前的婦人，一一爆出怪形嬰兒，極其噁心，不消一會，已將他們重重圍住。

一道水墨迎風捲來，伽樓一揮動銅錢劍，沿天畫圈，滅絕方圓數米圍繞的殭屍。

不過死掉的，仍有後面補上，漸漸他的氣力也撐不住，二人開始後退。

「前面太重兵力，我哋根本入唔到，轉路啦。」伽樓一說。

「上樓。」

他們轉移目標，沿著名酒店方向奔去，入到大堂，早已人去樓空，而後面一班殭屍大軍殺到。

他們衝入電梯，剛好在一隻殭屍擋門前關門直上，時間剛剛好。

「而家點。」

沿透明玻璃電梯俯視其下，數百數千的黑點多得繁星一般，只是少了些浪漫味道。

「我有計。」伽樓一說。

live左
西樓保重身體

早

我都有計 推

推

推

Gay廉最近身體咁樣要小心

忍咗咁耐終於睇哂

早晨

已經盡量休息，多謝你

多謝

動作描寫好正

休息排先啦，追故嘅咪慢慢等下先，實會等格，最多推多幾個post

工會都好濕鳩下，上季又有屍派，要多啲殭屍，依家想推埋韓壬辰比殭屍?

樞機 係咪釘咗啦

好感動

見字休息呀Gay廉

加油 take care

休息下 情願遲d先睇
慢工出細貨

酒店的20樓以上是連接鄰座大廈的天台，既然行陸路不行，倒不如走「天路」，可以避開地上所有險阻，特別那群孕婦怪物。

「係呢間房。」伽樓一說。

他們坐電梯到二十樓一間尾房，由於酒店空無一人，他們基本上自出自入，沒有人理會。撞開房門，進到裏面，打開窗簾，對着的正是鄰座唐樓的天台，空曠一片，只有花盤數十。

「連接？」南門蔚問。

「差唔多啦。」

說是連接，其實相距仍是有一段距離，大概有十來米。

「你又知道呢度係對住？」

「妳以為平時我同啲女仔開房係喺邊度？」伽樓一自稱去過全港無數酒店。

「算，係我問錯。」

「估唔到我同妳都有一日可以單獨嚟酒店。」

「收聲。」她沒空理會他，徑自用劍柄敲破酒店的玻璃窗。

「如果妳驚，無膽跳嘅話，我唔介意抱住妳跳⋯⋯」

話未說完，她已經一躍而下，跳到對面天台，姿態優美，仿如運動選手，落地完美。

「嘩。」他幾乎想拍手掌。

「仲唔過嚟？」她用手勢表示。

伽樓一望一望風雲變色的天，風勢好像越來越大，他從未見過如此大風暴，呼了一口氣，說：「希望個𡃁仔真係搵到陳道明。」然後往天台跳去。

回到九龍城寨那邊。

「呢啲人全部都係有問題？」我問。

「係，呢度⋯⋯最可怕係佢哋已經死咗，唔可以再死一次。我諗如果有死，佢哋會寧願死⋯⋯可以離開城寨就只有一個方法⋯⋯」

「咩方法？」我問。

她沒有回答，只道：「嗰面走！」

我們回到地面，穿過幾條窄巷，路上盡是吸毒的白粉友，不時都會倒在地上，全身抽蓄，像被電擊一樣。

「真係會喺度咩？」

「我都係估。」

走過幾條街，來到一處空地，相對窄巷，這裏顯得空曠，還有龐大的月亮。

月色照映下，是那鬼的身影。

這是一間幼稚園，座落於九龍城寨的中心位置，只有一層，四面圍城。

她站在幼稚園門口，隔着窗口像偷窺什麼，沿她的目光望去，是一班小朋友（大概已經死了）搭着膊頭在玩火車捐山窿，樂得開心，卻活像九鐵以前的鬧鬼廣告，雖然死了，卻依然有久違的歡笑聲。

這個怪異的空間，竟然有個似人間的空間，關鍵是笑。

她的眼神，不再像剛才的怨厲，而是解開心結一樣，流露出母愛。

「佢係媽媽？」我問。

「我估係掛。」

那種母愛的眼神，我忘不了。

記得我母親小時候曾經也有這樣望過我、摸過我、愛錫過我⋯⋯直至弟弟的誕生後，一切都改變。

但我明白，親生的是不一樣，人性所然，所以我沒有怪過母親。

只是，血緣的問題，我也無力挽回。

她的眼神，跟我母親相似⋯⋯這種久違的熟悉感。

「我哋上去搵返佢！仲有時間可以唔使做佢替死鬼。」

「等等！」

「做咩？一陣佢就走㗎啦！」她說。

「我⋯⋯明。」

忽然間她不經意轉身望見我們，嚇得渾身是汗，準備逃走。

我追趕住她，大聲喝住：「唔使走啦，我冇諗住做啲乜嘢，你繼續留喺度陪你個仔啦。」

她止住了腳步，不敢相信的轉身，仍是不斷後退，眼神似乎有點懷疑，問：「點解你要咁樣幫我？」

我說：「我唔係幫你，我係幫你個仔。」

「我個仔？」

「唔係咩？就算做鬼，佢都需要有個大人陪住佢。」

她馬上俯伏在地，頭撼在地上，撞得咚咚聲，說：「多謝你、多謝你⋯⋯我真係唔知可以點樣講，我都唔想嘅，嗰陣時我只係一時諗唔開，無諗過之後會一直都……」

我說：「我明白。」說完便轉身就走。

「都冇得點，咪每日都喺度跳樓一次。但我好似身手都唔錯，應該死唔去。」

「你知唔知你有種激嬲人嘅能力。替死鬼咒語落咗，除非死咗，如果唔係一世都改唔到。」

「係，但我信直覺行事，相信時間會證明我係啱。」我反而好奇剛才那個女人，問道：「其實佢喺度幾耐？」

「我都唔知，好似自我有記憶以來，佢已經喺度。」

「即係好耐？」

「係。但你係咪痴線。」她站在我身前，以不可思議的眼神望着我說：「無人會咁做。好似你呢啲好人，係生存唔到。」

我說：「咁你都好人幫我，違反緊城寨嘅法律。」

她不說什麼，顧左右而言他：「已經係宵禁時間，瑤婆瞓咗，我帶你返屋企先。」