《廟 街 有 殭 屍 二 季》二 啊啊啊啊⋯⋯

每日一推

感謝出文好好休息下先可以寫更多嘅文畀我哋睇

Btw

gay廉辛苦曬
你寫嘢好有畫面感

休息是為了走更遠的路就是為了休息

推

「人類係咁，人同鬼係唔一樣。」那女生說。

「你哋都係鬼？」我知道這問題問得有點遲，但該確認的也應確認。

「喺城寨有邊個唔係鬼？？」她放下袋子說：「等聽日朝頭早瑤婆醒咗，我再帶你去搵佢。」

「鬼嘅世界都有休息？」

「鬼一樣會做嘢。」

「咁點解人哋要不斷重覆死，你哋……」

「因為我哋係城寨嘅工民。」

「工民？」

「工民係一樣好犀利嘅嘢嚟㗎，姐姐係工民嚟㗎 ！！」小男孩說。

「工民即係會幫城寨最高嘅委員長做嘢，而每年表現最好嘅鬼都可以得到半個元黿，夠10個元黿就可以投胎重生。」

「元黿？係咩嚟？」

「龜甲聖物。」

「今晚你都係瞓喺梳化啦，我哋屋企冇乜嘢地方可以瞓，你就屈就下。」

「我可唔可以問一句？」

「係乜嘢？」

「點解你要幫我？」

「因為你有種好熟悉嘅感覺，所以我要幫你。」

「但係我唔識妳。」

「我都知，我都應該唔識你。」

「咁到底妳幫我嘅動機係咩？」

「無。我知或者好荒謬，但真係咁。」

「妳叫咩名？」

「張村梅，佢叫小木。」張村梅指着弟弟說。

在這一百多尺的劏房裏居住了三個人，而這個城寨的環境活像以前80年代的城寨，我好像穿越回到過去一樣，只不過這是一個鬼結界，保留最原始最不改變的古香港風味。

木板床。

那小男孩上廁所，見我未睡，便擦擦眼睛問：「哥哥，你一個人類嚟世界做咩。」

「為咗救另一個世界。」

「點解要救？你依家都喺呢一個世界啦。」

「但係呢個世界唔屬於我。」

「哥哥你哋人類好奇怪，乜真係有一個世界係會屬於人類㗎咩？你哋最後都會離開，會死。你哋做客人咁緊張屋主嘅嘢，好神奇。」

他這一番話，讓我一夜難眠。

第二天吵醒我的，不是清澈悅耳的小鳥聲，而是源源不絕的呻吟聲。

單憑聲音，已經可以知道對面激戰連場。

這顛覆了我的想像，原來鬼也可以做愛嗎？

「家姐，對面嗰啲人又好辛苦咁樣叫啦。」

「辛苦？」我禁不住笑了出聲，張村梅一眼瞪住我。

「係呀，佢哋成日都會好辛苦咁樣叫嚟叫去。」

鬼都可以做愛

扑住野咁死於非命 之後連續幾十年扑野

正喎咁又

推

推一下
睇黎今個POST都係結局唔到

推呀

推爆Post

推

Gay廉係咪好辛苦咁樣叫緊

「你細佬都幾天真可愛。」

「鬼都有七情六欲。可以做到你啱啱諗咁樣。」她似乎看穿我心中所想，解答了我的問題。

「想搵瑤婆就跟我哋嚟啦。」

九龍城寨的早上如同人間一樣，會有日出，只是這種日光不是從太陽而來，而是不知從那裏而來，就像遠處有一盞亮燈投放在這個鬼域之內。因此這種光是從四面八方而來，卻又溫暖和煦。

我們走進橫街窄巷，仍是陰陰森森，滿頭都是高樓大廈、石屎森林，密密麻麻，目不暇給，整個城市都是侷促的喘不過氣來的感覺，同時無數老鼠、小強在四旁的水渠竄走，頭頂不時漏水。

「我哋而家去邊？」

「茶館，瑤婆每日都會去茶館。」

「茶館，好嘢！！」小木聽到，喜悅形於色得跳起來。

「我哋唔會食嘢㗎。」

「吓⋯⋯」

「茶館？」

橫街窄巷之中，全都是殘殘舊舊的小店，有士多店、雜貨店、牙醫、茶餐廳、燒臘店……只不過店主跟昨天看見理髮店的店主形象大驚不同，他們擁有跟人一樣的外貌，不但他們，連街道上遇到的人也是一樣，這點讓我非常不解。

「點解……？佢哋⋯⋯」

「你嘅意思係點解佢哋會似人？」

「係啊。琴晚睇嘅時候，明明每一個人都好似怪獸。」

「城寨嘅朝頭早，每個人都可以扮返佢哋嘅形象，直到晚上先至會暴露佢哋真面目出嚟。」

「咁你哋嘅真臉目呢？」

「吓？」聽到這一句，她似乎很大反應。

「冷靜啲，我都只係問吓啫。」

「我哋唔係慘死嘅人所以冇⋯⋯」

「咁你哋喺度幾耐？」

「喺呢度，唔會有時間嘅觀念，所以我都唔記得咗喺度幾耐啦。」

就在這時，我的身體不由自主地往後退，被一股無名的力扯住。

「喂⋯⋯」

小木大叫：「嘩，哥哥飛起嚟呀。」他們二人目瞪口呆地望住我被拉走。

「發生咩事⋯⋯」我問，又回想：「頂，係替死鬼。」

我又被拉回那女鬼跳樓的位置，然後從高空飄起，作一個跳樓的姿態。

「仆街啦⋯⋯仆街啦⋯⋯仆街啦！！！！」我不斷呼喊，不知道你們有沒有玩過過山車，現在這種感覺大概就是比過山車刺激一千倍。

我緩緩升過，頭向地，身體失去重力地無法自控，然後向地一衝⋯⋯

「踏。」

南門蔚跳過最後一幢大廈的天台，這裏已經能遠眺九龍公園，這裏算是越過地面那群恐怖的孕婦，減少許多不必要的鬥爭。

如果他們要硬闖那裏，不是不行，只是體力會支持不住。

「好身手。」伽樓一說道：「我見到一樣嘢。」

「咩嘢？」

「妳永遠都係佢喺度先會着短裙。」

「關你咩事，點解你喺呢啲時候都咁多廢話。」

「講下嘢，欣賞靚女係我本能。」

風勢之大，吹得他們呼吸也感困難，越是接近九龍公園，就有一份窒息的感覺，難以舒順地呼吸。

「好重屍氣。」

「喺前面！」

伽樓一這樣一說，二人馬上行動迅速，從高空踏着樓宇五光十色的招牌而下，如同拍電影一樣，只是沒有吊威也，行動流暢，不消幾秒已到達地面。

他們越過大馬路，奔到尖沙咀九龍公園近游泳池的入口。

「喺入面。」伽樓一不假思索地說。

南門蔚沒有半點懷疑，因她也聞到游泳池有濃烈的屍氣，當中還混合着血味和屍臭味，強烈得令人作嘔，不過仍是掩蓋不到武士殭屍的屍臭味。

「得埋先入？」伽樓一問。

「無時間。」她說。

他們奪閘而入，沿樓梯而下，手持武器，小心翼翼地一步一步進入男泳池，一路上，地上都是血液，來到更衣室，終於發現躺在地上的一具具屍體，不是缺了頭，少了眼，就是身體斷開兩截，大腸也外露在地。這樣的屍體，少說也有數十具，泳池成了恐怖的屠房。

「嘩。好噁心。佢究竟係度幾耐？」

「不如問，佢已經食咗幾多人。」

「以呢度嘅數量，我諗佢就快⋯⋯」伽樓一都不想說下來，說出一些絕望的事，有什麼用處。

逝者已矣，何況時間不多，他們燒了道符，唸了輓詞便繼續前進，入到泳池的內部，室內的大池，泳水都變成深紅色，混濁而不見其中。

「好臭⋯⋯」

「係人血。」

「小心池邊有嘢。」

他們一步一步內進，已經做好萬二分準備有任何突發的事，例如殭屍的突襲，但沿內池繞了一圈，卻什麼都沒有。

四周只有血液，沒有什麼動靜。

「有咩發現？」

「無。冷氣好凍。」

她瞪了他一眼，就在二人都稍為放鬆的一刻，「噗！」水面突然伸出一隻慘白的手，一下就將伽樓扯進水底。

南門蔚反應倒是迅速，馬上跳進紅色池水內，才發現本應只是三米深的泳池，變成深不見底的空間，水裏有無數屍體，全都浸得發爛，都是被殭屍所食，數量多得不可勝數，滿佈整個泳池，都在同一時間張開眼瞪住她，然後伸出數千隻手抓住他們兩個！

推！

只會變成咁