奧運 大角咀樓 討論區 (1)

留名睇大角咀分析

呢排都睇緊大角咀嘅樓

利晴灣 = 12月尾收樓咪知質素囉，可能今次有大改善

討論緊奧運/大角咀樓，形品距離奧運站咁遠，扣分形品真係衰個位置，奧運/旺角/太子地鐵站 三邊都唔近

今日晏d 出
要先family day

住就真係無住過嫁
aa 9都唔係要住果區先可以做果區分行啦
但我對果個community 熟識, 亦有在當區一直在睇樓

上車諗得過呀
但揀樓時睇清楚地底有無支那高鐵經過
有的話幾平都唔好買

同港灣一樣 in the middle of nowhere, 不過作為上車盤夠做啦

柏景灣 2房都成交千二萬😨
奧運近期算唔算升得快？

環境比較雜亂
樓下多商鋪濕貨市場
要留意衛生問題
接受到/住慣舊區就冇乜嘢

我係呢區住左三十幾年，睇住九龍站奧運站起，呢幾年都呢區睇左超過50間樓，我會咁俾分


奧運（三房或以上）
Tier 1: 帝峰皇殿, 瓏璽, 一號銀海 (大三房）, 君匯港 (大三房),
Tier 2: 帝柏海灣, 維港灣 (block 7-10), 海桃灣（大三房), 浪澄灣, 一號銀海（細三房）
Tier 3: 柏景灣, 海桃灣(細三房)，君匯港(細三房)
Tier 4: 維港灣（一至六座）

奧運 （兩房)
Tier 1: 帝峰皇殿, 瓏璽
Tier 2: 柏景灣, 帝柏海灣, 浪澄灣, 君匯港
Tier 3: 維港灣, 海桃灣
Tier 4: 凱帆軒

奧運幾個屋苑嘅大三房同細三房嘅間隔，坐向，景觀都相差勁遠，所以無論成交價格同評分都相差一段距離

Tier 1: 奧城西岸, 利奧坊頭3期, 傲寓

奧城西岸: 九建舊區重建單棟樓

優點: 4年樓齡, 30樓以上高層全無遮擋維港景, 999年免地租, 附近配套完善, 去地鐵站5 6分鐘到, 1梯2-4 伙戶數少私隱都好, 有1-3房單位供應, 樓底高, 遠離主要幹道少車聲, 戶戶向南, 有提供少量車位

缺點: 附近有大量地盤仲發展緊, 低層樓望樓極壓逼, 高層只有3房大單位, 戶數少又有會所管理費貴到仆街, 樓下仲有厭惡性作業做緊

利奧坊: 恆基係大角咀重建既大型項目, 分7期發展, 當中1期曉岸同2期凱岸已入伙, 3期曦岸趕緊係今年內入伙, 4期(未命名)係3期隔離仲起緊, 5期仲未知會點發展, 6 7期今年先收夠8成業權搞緊強拍(以下只集中講已落成的1-3 期)

優點: 樓齡新(1期3年, 2期1年, 3期仲係樓花階段), 樓下都有個細商場仔行下, 擁有大角咀少有既開放式單位, 呎租長期keep 住$55左右, 極具投資價值(lumpsum 細吸引奧運一帶分支家庭), 住客為年輕香港人為主 景觀以第 2 期及第3期向南單位最好, 附近好多野食好多野買, 去黨鐵站亦係10分鐘內行到, 管理公司質素幾好, 都叫有個會所仔玩下

缺點: 起樓密度高, 1梯廿幾伙, 大部分單位面壁, 大部分1分單位同旁邊單位係用夾板分隔變相隔唔到聲, 無車位提供, 部分景觀存在極大變數, d 人多數叫app外送搞到垃圾房污糟辣塌, 都係附近多地盤

奧運絕大部分都升穿左1000萬林鄭plan 條線, 升幅一定跑輸大事
加上奧運不嬲多大陸人投資, 最近大陸收水, 萬一通左關唔排除d 支那客會減價求售回血, 變相拖低呢邊既樓價

唔記得講傲寓
其實傲寓係正奧城西岸隔離, 優點缺點都係差rr多
不過傲寓係港資發展商其士所發展, 仲未入伙, 但質素預計都係麻麻地
而且牙籤到唔牙籤, 預計單位景觀8成都係樓望樓
勝在貨尾開價唔算太貴, 有興趣仲可以睇下

同意而家係低水

成40幾年樓有都唔出奇啦
不過真係無乜聽大同有d 咩自殺兇殺案

Tier 2: 亮賢居, 奧朗御峰, 奧柏御峰, 利晴灣23

亮賢居: 恆基旗下發展, 全個大角咀以至奧運一帶最高既地標式樓宇, 位於大角咀邊緣位置

優點: 開則大而且實用, 近南昌站多過奧運站(行10分鐘左右到南昌站), 自設車場, 管理費相宜, 附近有港灣豪庭商場同V Walk, 樓下亦自設商場, 有會所, 住客多數係專業人士

缺點: 近九龍大酒店, 中低層受西九龍走廊嘈音影響, 近通洲街治安麻麻地, 樓下多車房污污糟糟咁, 離街市遠, 去黨鐵站無瓦遮頭又有d 遠, 附近亦無乜巴士站

奧柏御峰: 信和發展, 分2座, 位於大角咀工廠內

優點: 樓齡新(8歲仔), 樓底高, 屋苑內外都好grand, 用料亦好好, 中高層景觀都開揚, 配套好, 樓下有車直出旺角站, 樓下有商場仔, 遠離主要幹道, 有開放式同1房供人上車

缺點: 近工廠, 日頭附近好嘈好雜, 離奧運站10分鐘步程而且無瓦遮頭, 開則垃圾, 個開放式廚房又細又難用, 附近仲有地盤發展緊

奧朗御峰: 信和旗下發展, 基本上優點缺點同樓上奧柏差唔多, 但開則以細單位為主, 等𨋢都等死人, 上車自住都比奧柏差

利晴灣23: 由做開公屋項目既有利集團發展, 位於奧柏御峰後面, 由於仲未入伙, 所以無乜得評論. 詳情可以睇返胡說樓市胡國威短評

一定唔係低水

依家只可以話係升得慢左, 跑輸大市
但絕對唔係低水

講漏左, 奧城西岸, 傲寓同利奧坊1 2 3期都係999年免地租

柏景灣有排向南最開揚既煙花景二房
要1300-1400萬。

師兄係奧運AA?