Tier 2: 奧運三寶 (柏景灣, 帝柏海灣, 維港灣), 君匯港
柏景灣, 帝柏海灣: 雖然屋苑名唔同, 但其實係屬於同一個發展項目黎, 屬信和奧運站發展項目中既第二期
優點: 地鐵站上蓋, 樓下奧海城2期亦係3期商場中最大, 最多商店同種類既商場, 擁有全奧運唯一一間戲院, 會所設施齊備, 擁有4季常開既室內泳池, 亦因發展得較早, 住戶主要都係香港人及中產以上及係自住客為主, 屋苑保養得宜, 車位多亦係香港市區樓中少見
缺點: 20年樓, 2房多屬街景樓景, 對面就係公屋海富苑, 平台𨋢成日要等勁耐, 商場經常逼滿aa 搞到污煙障氣, 商場成日同tbb 合作搞活動, food court d 野難食又貴, 無乜黃店進駐
維港灣: 信和奧運版圖中既第一期發展
優點: 去地鐵站全程有蓋, 1期商場店鋪種類齊備, 會所設施算唔錯, 車位供應亦足夠, 開則貼地好多, 2 3房都有海景內園景揀, 自住用家為主所以多香港中產住, 樓價相對貼地
缺點: 奧運站中樓齡最大, 呎價亦係最低, 去地鐵站無柏景果邊方便, 屋苑入面好容易盪失路
(水牌指示不足), 商場得1樓見得下人, 地下 2 3樓完全唔係比人行街用
君匯港: 新地牽頭發展, 屬奧運站第3期發展, 1 2座同3 5 6座係完全唔同設計
優點: 14年樓, 相對奧運3寶人流較少, 旺中帶靜, 1 2座景觀亦屬奧運優質景觀, 會所設施齊備, 亦係奧運站項目中最近大角咀舊區既一棟, 附近食飾黃店多不勝數, 去地鐵站全程有蓋, 開則人性化, 內櫳亦相對高質, 性價比中屬奧運站最高
缺點: 遠離奧運站, 3 5 6 座距離入口大堂都有點遠, 入口大堂唔夠豪華, 另外3 5 6座比人感覺較1 2座次等, 姐係同一屋苑都要分高低既感覺, 新地樓但唔用啟勝用垃圾港鐵管理, 樓下公家行人天橋屬君匯港管理, 開支業主埋單