[寒衣入櫳] 經典男裝、西裝、皮鞋、皮件討論區（42）

不了，真係好硬

主要係佢唔係horween cordovan 無咩買既價值。。

我會正正經經買對cj 既calf

但呢個價位有冇更好嘅選擇， 見佢又JR 底又盛 好似幾抵玩

$4200唔洗買berrick啦，CJ都買到

alden cj 5500$ 左右
你拎得4.2k 都唔差在la

我唔知道需唔需要將呢篇擺係第一頁，不過見到大家成日討論抵唔抵呢個問題，我今日正經少少地同大家解釋下。

不同於大時尚集團旗下既牌子，係呢個post入面所提到既大部份牌子都係所謂既傳統行業，佢地相對地放係marketing、promoting上既資源係非常非常少，而大部份成本集中係生產之上，所以先會有「傳統牌子性價比比較高」呢種講法出現。鞋也好、衫也好、布也好。唔知道大家有無從事過零售、Merchats等行業既經驗，其實呢類平行業既成本同利潤既關係係好固定。

就以一間鞋廠為例，佢地既批發價最少要係佢地既物料成本乘300－400％，先可以叫做有肉食，聽落去好似賺好多咁，但傳統製造業既成本，除左物料之外，仲有人工、機器、廠房租金，呢一類勞動人口密集型既傳統工業，係扣除左燈油火蠟所有成本之後，廠可以拎到既淨利潤有總營業額既20－30％已經係好厲害。

去到零售商，佢地用一次入最少幾十對鞋（或保證一年銷售量可以到某個數）既代價黎拎經銷權，一般黎講售價會係批發價既200－250％，又係聽落去好似好多，但當中入口稅、售貨員人工、廠做錯野彈貨既成本、坐貨賣唔出既成本、租金等等通通都係要自己食。

其實當大家明白「成本、批發、零售」之間既固定關係之後，就會明白傳統牌子入面差不多價錢既野去比較佢地既所謂「性價比」係幾乎無意義既。皮革批發價、輔料批發價等等，其實所有資料都好透明，大家只要用少少心機查就會搵到。同樣賣3000左右既牌子，如果佢既手工成份多左，用料就必然地會差左，因為除番開條數，佢地既批發價係必需低於1500，而生產物料、燈油火蠟既成本必需低於1000。當你用係人工上既成本多左（因為多左野用人手做）你可以擺落材料度既錢就會減少，可能係皮用差少少既皮，或者將塊皮用盡d，又或者係輔料上面用平野等等。

就好似上面有位巴打問兩千蚊內既wholecut咁，whole cut本身就係一個比例浪費皮既設計，而當一對鞋係皮面瑕疵唔比其他款多情況下，wholecut所浪費既物料成本就注定會比其他款式高（如果係螺旋式既裁法則更高），亦因為咁大多數鞋廠既wholecut款都會比一般款來得貴。筆直只有二千既情況之下買wholecut，大概就只可以買到meermin之流唔理皮面瑕疵照裁既牌子。

做生意唔係開善堂，傳統行業幾想堅持都好，無利潤既生意就一定會執笠。一對鞋我將佢簡單化去分成幾個部份︰楦型版型設計開發、鞋面用料、輔料用料（包括鞋底）、手工水平、良率及淘汰率。差不多價錢既野，係一樣野上面好左，就一定會係另一方面衰左。

我叫做係業內都有少少年資，衫、鞋之類既業內相關都叫有做涉獵下，第一頁叫大家低於某個價錢就事鳩但無所謂、唔到某一個水位都唔叫入門、叫人筆直唔夠就儲下先等等既言論並唔係睇唔起人，而係未去到一個「門檻」之前，係真係無講究既空間。

懶人包：推薦得你地CJ起步先叫入門係有原因的。

唔該曬牛巴咁好心機打咁大段嘢山出嚟

建議將總結放係heading :
入門買CJ

多謝牛巴耐心解答小弟終身受用 雖然睇完都係著唔起

其實一對CJ 折完3000左右 可以著好耐
底又可以換 除非你就黎退休
唔係你買經典款真係可以著十年

一年300都唔夠.....

有無平平地500 600改

咁我又唔係幾同意咁計法嚟說服人CJ真係值個價，goodyear 鞋換個底都唔少錢，隨時貴過一對Clarks。大多數著Clarks嘅人唔係俾唔到3000，而係唔在意皮鞋，係返工逼住著先買對，所以最後都係睇個人在唔在意呢樣嘢。

你因咩事要改？

收到有機會我會試下架啦

唔講究無問題的，只係講究起上黎如何定義入門

人太瘦

唔緊要，大家都係唔見棺材唔留眼淚
我買loafer咋，半年都break in 唔到都係每次都爆血
而家loafer 買b&l舒服到，當初唔買berwick 刮小半年腳又慳幾百冤枉錢…

有時真話難聽，但中過鞋同衫伏只可以講點解死都唔信邪… 不過當然你可以係夾到berwick嘅幸運兒，但99％中伏嘅情況下有人想試我都會叫佢唔好

退左佢算啦
買成衣有得試唔岩身都仲比錢？
2k5/6都差唔多買到SS 仲可以原店改

都係僥倖心態，諗住搏一搏岩著就賺到

未買啊 不過係睇岩左
G2000改又幾貴 所以先問下有無出面邊到改又平平地

皮鞋用膠鞋撐定就咁攝紙好
定買雪松木鞋撐？

去旅行咪膠 日常緊係木

[皮鞋入門買CJ]