多謝你地嘅留言,每一個我都有仔細睇,包括話Jessie嘅,同替Jessie感到難過嘅,人都有兩面,Jessie 同 James係,大家都係,希望大家睇完個故事,得到反思之餘,都識得體諒你地嘅另一半嘅不完美,因為同一時間佢其實都包容緊你,但佢無離開到,我心目中嘅真愛大概就係咁:接受大家嘅不完美,甚至連對方嘅不完美都愛。人生嘅路崎嶇難行,互相扶持唔會令條路易變得平坦,但當兩個人傾吓計,鬧吓交咁行,你會發現唔覺唔覺就行咗一大截,並唔係因為條路好易行,係身邊一直有佢陪住你,撐住你。
個故事黎到依家其實大家都諗到個前因後果,最後Jessie無法理解都無法再忍受James嘅態度而提出咗分手,James都覺得好攰無挽留,依個就係嗰陣嘅結局。再寫落去都係差唔多,加上最近真係太忙,斷太耐無寫,大家都追得辛苦,所以依個故黎到依到我唔會再詳細寫落去。
不過我會係ig繼續間唔鐘用短篇嘅方式繼續寫jessie同james,似抒情多過似寫故,無咁需要諗個故事性,我會輕鬆啲易啲寫埋落去。大家有興趣可以去睇,我都會落返個tag方便大家睇。
如果有時間(希望未來終有一日會有),我會接受你地嘅提議試吓寫吓其他類型嘅故,但短時間內都無乜可能,要暫別吓連登
多謝你地到後期推文仲密過我更文都仲係到,得闃去IG搵吓我傾吓都得架(唔介意我覆得比較慢
),遲啲出新故再見!