《有一日，我同拍拖十年嘅佢講分手。》/《初戀3650天》

會唔會係一半補習一半父母零用

唔覺得Jessie係會洗屋企錢嘅人

你睇下幾現實

其實James同Jessie根本就唔夾
而家細個中學讀書日見夜見就還好
一分開左面對現實就現形

可能太低學歷冇本事轉 社會是很現實的

其實James有幾唔鍾意讀書都好，佢唔會到依家都唔明，如果想改善待遇就點都要碌個學位返嚟卦??

佢本身性格懶同唔上進 想改變自己但永遠唔肯付諸行動

未睇，已正皮加推支持創作先

我都想知
其實James 有冇再讀書

推推推推推推

推推推

推推

樓主加油
新讀者留名

推推

推推

第九章（2）

雖然工作很忙也很累，放假的時候，比起出去玩，James更想留在家休息，可是當Jessie喜滋滋地計劃假日的行程時，他也不忍心拒絕。

「鈴！」James的手機鈴聲響起，睡眼惺忪的他在床頭摸索了好一會才找到電話，按下接聽鍵說：「喂。」

「起身啦！」Jessie的聲音總是那麼有活力。

「夠鐘啦咩？」

「十點啦！快啲起身啦！」

James瞇着眼睛看了看手機屏幕，說：「比我瞓多陣好無？半個鐘，半個鐘之後再打比我。」

「唔得呀，再瞓就趕唔切睇戲。」

「睇唔到咪睇下一場。」

「唔滯呀，快啲起身啦，咁難得放假。」

「⋯⋯」James沒有說話。

「你再唔起身我嬲你架。」

「好好好，起起起，唉。」James嘆氣道。

點解你要唉？乜真係咁唔情願同我出街咩？Jessie心想，本來的好心情開始走下坡，卻又安慰自己：起床氣姐，算啦，唔好比啲小事破壞難得嘅假期，說：「地址send咗比你啦，記得唔好翻訓唔好遲到呀，拜拜！」

掛線後，James努力睜眼睛，想要從床上爬起來。可是，連續幾天加班至夜半，骨子裏的疲累如蜘蛛網把他緊緊黏在床上。

他也不是不想見Jessie，只是如果可以讓他多睡一會，那就好了。

然而，當想起Jessie那張生氣的臉，不知要用多時間才能撫平她上皺起的眉頭，James還是爬了起床——只要她不生氣。


「頭先套戲真係唔睇到最後都唔知邊個係兇手，個編劇真係好犀利！」Jessie一邊吃着壽司一邊問道。

「係咩，我覺得中間有啲悶就真。」

「邊到悶，你唔識欣賞就真，你頭先仲睇到訓着，曬晒套戲啦。」

「我邊有瞓着呀，我咁啱嗰下眨眼比你見到咋嘛。」James把唯一可以吃的鰻魚壽司放進口。

「你明明就訓着咗，肯定係嫌我揀嘅戲好悶啦。」Jessie故意這樣說道。

「邊係呢，寶貝有眼光呀，套戲不知幾精彩，我有睇架。」

「咁究竟邊個係兇手呀？」

仆街啦，幾乎由頭訓到尾，鬼知邊個係兇手？James心想，唉，死就死啦，說：「個藍色衫嘅男人？」

「呃⋯⋯唔完全係。」

咩叫唔完全係？James心想，瞪大雙眼驚訝地看着Jessie。

「都話你無專心睇架啦，難得同我睇套戲都唔專心，曬晒啲錢啦。」Jessie不滿地說。

我一早話咗我唔想睇依套，係你係都要我同你睇，James心想，卻還是說：「我試探你有無專心聽我講野姐，我緊係知唔係啦，喔，我知啦，嗰個粉紅色衫女人呀嘛，成日笑，肯定係佢，笑裏藏刀！」

Jessie搖搖頭。

「依啲野一陣先講啦，一陣啲壽司凍晒就唔好食架啦。」James說，想要夾塊壽司來吃，卻發現僅有的幾件鰻魚壽司早已被吃掉，頓時無從下口，改口道：「唉哎，肚痛添，我去個廁所先呀。」

逃避我問題，Jessie瞇起眼睛看着James，James連忙轉身逃往洗手間。

「叮！」就在James轉身後幾秒，他手機的信息聲音便響起。

看着James遠走的背影，Jessie伸出手想要拿起James的手機來看，卻又猶豫了，手懸在半空，彷彿進退兩難。

「叮！」而當她準備把手縮回時，手機的訊息聲竟再次響起。

事無不可對人言，佢又唔係身有屎，裏面應該無野係我唔可以知嘅，Jessie心想，終於忍不住拿起來，輕易用Face ID便解鎖了手機，點開他與Candy的WhatsApp對話來看：

「上次個西客上咗黎搵你！」
「點算好？」

「唔撚係掛。」
「同佢講我今日放假，明天請早。」

「想死咩。」
「好彩老細係到，搞掂咗姐。」
「嚇死寶寶T-T。」

「」

「你今日放假有咩做？」

「」

「你就好，我都想放假。」
「嗚嗚。」

「⋯⋯」

再往上滑，對話仍主要圍繞工作，雖然有時候，對方會傳些日常生活照給James，可James也沒有再像以前一樣熱情地回覆。

人地都唔理你啦，做咩仲係咁Send相比James，Jessie愈看愈生氣，不明白James明明已回覆得非常冷淡，為甚麼她還能沒完沒了的說下去？——一隻巴掌拍不響，會不會⋯⋯

然而，就在這時候，James突然出現在Jessie面前，故作着緊地說「哎呀，比你睇到啲唔應該睇嘅野添！」

「你唔係⋯⋯肚痛架啦？」Jessie有點心虛地左顧右盼道。

「係呀，行到一半發現無攞手機咪返翻黎。點呀，有無比你發現到啲咩？」

「唔知喎，拿，攞去去廁所啦。」Jessie把手機遞回James手上。


過了一會兒，James回到座位上。

「佢做咩係咁Send相比你，又同你分享咁多野。」

「我點知，佢要Send我都阻止唔到架。」James無奈道。

「我唔鍾意佢，佢肯定有問題！」Jessie嘟着嘴巴說。

「咩問題？」

「無啦啦一個女仔點會同個男仔分享咁多自己嘅日常？我係佢就唔會啦，佢仲唔係有野！？」

「你擔心⋯⋯我比佢搶走，你呷醋呀？」James笑着說。

「係都你擔心先啦。你講，除咗WhatsApp，平時返工你有無成日同佢傾偈？！」Jessie質問道。

「我同佢個位隔十萬九千里，仲咁忙，日日都OT，仲邊得閒同佢傾偈？」

「真定假架？你會唔會陽奉陰違架？」Jessie帶點懷疑地問道。

「陽奉陰違？姐係點？」James不解地問道。

「姐係講一套做一套囉，表面上聽我講唔再同佢傾偈，實際上無咁做囉，你會唔會⋯⋯Del咗Message我唔知架？」

「我Del Message？」James無奈地反問道。

第九章（3）

你究竟有幾信唔過我？James心想，明明他已經冷淡回覆，明明他已經抽最多的時間陪她，為甚麼她還是不相信他？

他失望，也氣餒，卻也覺得她的懷疑亦是無可厚非。

畢竟自從他出軌那天起，他的一字一句不管是真話還是假話，都不再值得信任。要是別的女生，應該早就離開了吧？只有她這麼笨，還繼續留在他身邊。

所以不管她的懷疑合理與否，他都願意接受。

「我要DEL就一句都唔會比你睇到啦，信我啦好無？」James摸着Jessie的頭說。

「唔得，同工作無關嘅，你都唔可以覆，Emoji都唔可以！」

「吓，但佢始終都係我同事，唔係咁好嘅。」

「唔得，最多比你覆三個點點點啦。」

「好好好，點點點就點點點啦。」James無奈地說。

「拿你話架，無得反口呀！」Jessie再三強調。

「嗯。」

這一句「嗯」沒有一點重量，彷彿下一秒就能被風吹走，Jessie的內心依然不安，畢竟曾經他也答應過永遠也只愛她，可最後還是為了別個她而選擇了離開。

她清楚知道他的話不能盡信，即使能夠她也無法做到——她實在想不到能令自己有安全感的辦法。

既然如此，那就不要再深究，得過就且過吧。

「你琴晚同邊個去食飯？食得咁豐富。」James問道。

Jessie昨晚與母親的朋友一起吃飯，不過幾個人卻輕易吃掉好幾千塊。Jessie只把豐富的美酒佳餚拍進了IG Story，卻不見席間的主人公。
James不知道，Jessie是故意的。

「無呀，同媽咪同佢啲朋友咋嘛。」Jessie淡淡地回應道，想要把這話題帶過。

「不如我地儲錢買樓。」

「不如我辭職囉。」二人幾乎同步說出這句話。

動作正確

終於終於有文！！！

jeng

james 係咪生性想返去讀書

James真係好好仔 對Jessie好好 唔會令Jessie唔開心