「日本WH工作假期/留學/生活討論」 (4)

岩岩買左機票番香港，不過應該都會被取消 大阪機番

個台仔黎wh 黎左4個月就經歷呢啲野

係咪有在日港人tg group
想join

你地覺得9月會唔會開返visa諗緊轉9月定下年3月去留學

想問下咁多位前輩
如果諗住讀完degree去日本做野 (垃圾文科)
預定2021 grad的話
應該幾時開始準備搵工？
會唔會好難搵到full time嘅工作架？
伸脷：已經有N1

日本大阪好癲，應該快一日過千日，東京都過500人感染

如果你話是但搵人份應該都有機會既⋯但可能18-20萬yen

想問下咁多位師兄依家日本WH咩情況？如果今年唔得嘅打算讀埋個top-up 下年先去

想問各位ching
我有興趣下年去日本讀音樂大學
如果到時grad想留低
可唔可以揾同大學唔相關嘅工做
普通文員/非專業嘅工嗰啲難唔難揾
做啲非專業工難唔難申請永住/入籍

如果申請高度人才好似要同大學相關先得
但普通好似冇限制

如果唔要高人工就唔難
但有心理準備新卒就活（year 3已經要去拎內定）會好痛苦

難唔難申請主要係睇你公司規模
愈大間愈易

冇情況
未開返申請

年底第二期過左奧運可能仲有啲機會

thx ching
想問拎內定係點解？
即係year 3就要揾工？
同埋非高度人才大概會幾耐攞到永住/入籍？
上網啲資料全部都係講高度人才orz

解釋少少名詞：

新卒=fresh grad(大學、專門學校都咁叫）

新卒人工多數都比較低 日本係鍾意招成班新卒 入去有集體培訓同前輩帶你做嘢 所以過左招新卒個期限就會比較難搵工

就活=就業活動

到左搵工期就會見成班人著老西套裝到處撲黎撲去搵工 嗰段期間好地獄 CV仲要逐份逐份手寫 見工又多數要in幾次 有內定之前超辛苦

內定=預個職位俾你，你一畢業就可以入公司

日本year 3就會開始就活 如果畢業前拎唔到內定就好難畢業後搵工 所以大家都會覺得大三冇內定嘅係失敗組 同埋有條鄙視鏈

大公司內定鄙視細公司內定 細公司鄙視冇內定

巴打想讀大學然後留日本最好大學時參加多啲活動 見工會問你大學有咩活動經驗嗰啲去睇你性格

—-

非高度人材，住五年可以歸化入籍（放棄香港國籍）
十年可以拎永住

入籍要五年有三年有做野交稅，冇不良記錄（欠債犯罪嗰啲）有冇基本日文能力 年金健康保嗰啲要交齊 年收最好200萬以上
以前要轉埋日本姓 依家唔使

拎永住就十年要有五年有做野交稅 印象中嚴過入籍
年金健康保嗰啲都要交齊 冇不良記錄 年收最好300萬以上 working visa唔可以係得一年嗰種

永住同入籍最大分別係永住冇得投票 永住出國要搞返簽證 但買樓兩種一樣可以貸款（買樓睇你有冇穩定收入多啲）
同埋有細路嘅話 會當永住嘅細路係係外國留學生 有好多留學生津貼同獎金

雖然話永住麻煩啲 同有機會俾人取消（如果犯罪嗰啲） 但唔想拋棄香港人身份都係永住開心啲

希望幫到你

thxx 巴打好有心
好有用

係咪10月先完奧運？先有機會俾留學生入
學校轉左7月學期，今次應該又要廷長

香港人身份係建立係居留權上面，唔係傳統意義上嘅國籍，入日本國籍理論上係要放棄支那籍/ BNO英籍，但係冇其他外國藉入境處係唔會比你申請放棄支那籍（BNO就填Form RN），所以你應該要填一份日本國籍選擇宣言，聲明你會係獲得日本籍之後努力放棄其他外國籍（即係支那藉），但係咁樣係唔會令你即刻失去支那籍/ 香港居留權或者永久居民身份

程序上應該係咁：

日本入籍申請
↓
日本國籍選擇宣言
↓
獲得日本籍
↓
香港入境處申報更變國籍（脫離支那籍）
↓
身份證冇三粒星（外國籍香港永久居民）
↓
如果三年冇返過香港
↓
失去永久居留權，保留香港入境權
↓
永遠持有香港入境權

香港入境權係終身持有，唔可以被剝奪，亦冇得放棄（現行法例下）
而且理論上簽咗日本國籍選擇宣言你係有義務努力脫離你嘅外國籍，但係有幾努力就要你自己諗啦

利申：唔識，鳩up，留名等有識之士解答

想聽成功入藉既香港人分享下

關於永久性居民果part全中
但個流程應該係咁？

日本歸化申請
↓
日本法務省原則第一次審查通過，開始準備文件
↓
香港入境處申請退出中國國籍
↓
成功，交退出中國國籍證書（證明加入日籍後會衰失中籍）俾法務省
↓
日本法務省出歸化者身分證明書
↓
向香港入境處confirm已加入日籍、換身分證

但係入境處話要先取得外國籍先可以申請國籍變更脫離支那籍喎

我相信如上面所講，入境處都要收到你份歸化者身份證明書先會受理你脫支，如果唔係脫完支而你又未入籍日本嘅話你就會變咗無國籍（假設你冇BNO）

而你本特衰護照係你脫支果一刻會同時失效，因為特衰只可以發比支那籍嘅香港永久性居民

https://www.immd.gov.hk/hkt/services/chinese_nationality/Declaration_of_Change_of_Nationality.html

所以假如你做BNO 5+1，同樣你係唔可以係完成5+1正式獲發BC之前申請脫離支那籍

咁如果向日本提出「国籍選択届」又可唔可以代替正式嘅國籍退出文件呢?

http://www.moj.go.jp/MINJI/minji06.html

而且根據支那國籍法第十九條：

定居外國的中國公民，自願加入或取得外國國籍的，即自動喪失中國國籍。

原則上你一入日本籍，個支那籍會自動失效，所以唔存在放唔放棄嘅問題，而我相信「退出支那國籍證書」亦只係重申呢點，話申請人會因為入咗日本籍而自動失去支那籍以防止雙重國籍問題（平時支那搬龍門就另計啦）

咁假如我持BNO想入日本籍，又可唔可以用「国籍選択届」黎代替填Form RN呢?

你呢個係俾一出世就雙重國籍嘅日本人用
国籍選択届係俾無制度可以退出第三國國籍跟嘅人用，例如係美國出世嘅日本人，只需要盡自己能力聲稱話會退外國籍就可以
港日混血就係舊例21歲前/新例19歲前去入境處搞國籍更變，再交外国国籍喪失届通知日本
歸化日籍嘅人得一份届要交就係完曬歸化程序後嘅帰化届
對日方嚟講，佢等緊你張退籍證書先會俾你入籍
對中方嚟講，佢等緊你份帰化者身分証明書先完成退籍程序
有D國家就先後都得，例如新加坡
中國人未有公民證書可以搞退出中國籍
有咗新加坡公民證書嘅就會自動無咗中國籍，搞不具中國籍公証，港澳居民就搞國籍變更
其他雙重國籍國家/中方唔承認國籍（BNSS BC, BNO, 將來5+1 BC)做法亦唔同

今日開學又多左好多同學
由最初一班得幾個人到依家廿個人