1000 Like
6 Dislike
喜歡騎乘位的舌女
2021-02-23 01:26:57
金鐘m記開始多人
排到天光
jonny孔仲尼
2021-02-23 01:38:47
MarcoWMW
2021-02-23 01:53:09
推啊
品煙師
2021-02-23 01:55:52
pish
mambabewithus
2021-02-23 01:55:53
柯屎夾著脷
2021-02-23 02:07:21
只有等文只有等文
香港人。
2021-02-23 02:08:19
等
史萊姆正正子
2021-02-23 02:14:00
等
個moon好白
2021-02-23 02:22:16
推
墨說
2021-02-23 02:28:04
「怪、怪、怪物馬克勝利!!!!」司儀宣佈後,觀眾的呼歡再次炸天。
「嗄......」我喘氣。
「虐待佢!馬克虐待佢啊!」樓上的艾寶琳貴族,不斷灑出艾幣到擂台中。
他都經已半死了,
還要虐待?
我看向觀眾群,港豬也示意我多打重拳者幾拳。
相較於虐待,我想先問重拳者經理人的意願。
如果他想投降的話,我總沒可能把他打死廢人。
「要投降?」我問他經理人。
「邊個會要啲輸咗拳賽嘅廢物,帶咗個咁嘅拳套都輸。」其地下經理人冷冷地抽煙。
「咁嘅拳套?」我走去脫下重拳者的拳套,竟發現了一件驚人的事情。
其拳套內不是海棉,而是很硬的東西。
「咦,睇嚟怪物馬克發現一啲嘢......」司儀說。
我再細心把拳套拆開,發現入面抹上了石灰。
石灰一旦遇著手汗,自然就會變硬。
難怪......
他的拳頭那麼重......
「竟然係加咗石灰!」司儀大感驚愕。
拳賽評審又說:「石灰並唔係出自人體本身,嚴格上嚟講「重拳者」違反咗比賽規則!」
艾寶琳貴族們一片罵聲。
「加石灰你都做得出......」我坐上重拳者的身子,拳頭拉弓準備毆打:「係咁嘅話,你都唔好怪我。」
「呯!呯!呯!呯!呯!呯!」
一陣陣的打擊聲下,我把重拳者打得全是瘀腫。
並且將他十隻手指和腳指完全扳斷,終結他的黑市拳手生涯。
賽事結束後,我獲得了豐富的勝出獎金、艾寶琳貴族給予的虐待獎金、對自己下注的獎金、主辦方對於審慎不力的慰問獎金,和地下中介人港豬分成後,獲得總共六十萬艾幣。
我的獎金比例中,賭注佔最多。
因為我是新人的關係,加上大家都下注在重拳者身上,所以我賠率較高。
墨說
2021-02-23 02:28:15
艾寶琳,酒吧。
我數著鈔票,心裡計算著足夠博海德住院多少天。
「一個月......」意味著,我又有一個月時間繼續賺錢。
「幾出色啊,仲諗唔諗住打?」港豬問我。
「仲打?差啲死。」換作一般人,恐怕被他的作弊拳套打死。
「黑市拳係咁,打唔長。」港豬喝口子彈酒。
「有冇其他一樣報酬高嘅差事?」我都喝酒,止止身上的痛楚。
「反正你都要養傷先,可以俾件輕鬆嘅你做先。」港豬果然有很多差事。
「咩工作。」
「送貨。」
「送咩貨。」
「保密。」
「運去邊?」
「到時話你知。」
「酬勞?」
「一萬艾幣,係咪覺得好少?贏過大錢嘅人,係唔會睇得起小工作。」港豬嘿嘿一笑。
「都可以,積少成多,反正拳賽唔可以成日打。」
「咁啊,你星期三再嚟依到。」
拳賽全數的獎金,我都交付了明雲。
並且什麼都不做,直至休息到星期三。
到約定日子,我又到酒吧同一個卡座找港豬。
向來他只獨個喝酒,今天卻多了個人陪他玩啤牌。
「蛇!」
「金剛。」
「同花順!」
「皇家同花順。」港豬手上的牌都打出了。
「呃......」
「可以做嘢未。」我問。
「緊係得,我最鐘意就係返工。」港豬站起,手放到旁邊那位人兄的膊頭:「佢叫金有裘,會係你今次嘅拍擋。」
「拍擋?」我想了一想,續問:「即係個一萬要兩個人分?」
「分幾多你哋就自己傾,總言之我只係提供到一萬。」港豬舉起一隻手指。
「就升五五分帳,我同你每人都有五千喇。」金有裘反而沒太介意。
老實說,五千的確算多了,一般工種沒可能賺到那麼多。
「咁佢會同我一齊送貨?」我問港豬。
「係,你兩個一齊。」他答。
墨說
2021-02-23 02:28:25
「要用到兩個人,睇嚟都有難度。」
「難度係有,不過你嘅實力嚟計應該無問題,因為運送地點喺外面,途中可能會有病者,或者有啲人嚟搶貨,阿金有裘先生喺我旗下做咗段時間,有咩唔明可以問佢。」
「明白。」
「合作愉快。」金有裘跟我握手。
「一路順風。」港豬坐在這兒,等我們好消息。
「開工!。」金有裘行出酒吧。
「直接去目的地?」
「我哋依家去景琳到拎貨,你叫馬克啊嘛?港豬已經講咗俾我聽,話你拳賽到智取對手。」
抵達景林村後,我們上到某個公屋單位。
這些舊屋區彷彿重回千禧年前的美好,家家戶戶的鄰里都打開大門,不怕有什麼偷竊的行為,畢竟大家都家徒四壁。
「咯咯」金有裘敲門。
良久,有位中年婦人應門,但她沒把大門完全打開,只留一點空隙:「你係......」
「嚟拎貨,準備好未,今日係交貨日。」
「準、準備好......」那婦人打開了門,讓我們進入。
這裡面積不大,但要幾個人住還是足夠。
「貨喺到。」中年男子聲音帶點顫抖,推出一個大木箱。
「啪」金有裘上前,拍一拍木箱。
兩夫妻則站在一旁,凝視著木箱不作一聲。
「你哋嘅酬勞。」金有裘伸手入自己搖滾風格的夾克,取出一個信封給他們。
夫妻接過信封後打開一看,立即連忙道謝:「多謝、多謝你......」
「馬克,幫手搬出去,小心啲,唔好撞到。」金有裘指示。
我兩手一托,將大木箱搬出屋外。
走廊有些瘦骨伶仃的孩子,經過我們旁邊追追逐逐,差點就撞到箱子了。
領取貨件後,我們一直搬落到樓下,幸好金有裘有備而來,帶了輪手推車,讓我把木箱放到上面。
「之後?」我續問下一步。
「帶出倖存區。」
「帶得到?正常關口嘅士兵會檢查貨物。」雖然不知道入面有什麼,但肯定是犯法的東西。
「每逢六點換更,都有自己內應,再俾少少過路費飲茶就搞掂。」
「呢單生意都養幾多人。」包括那對夫妻、我們還有關口受賄的士兵。
「哈,所以我哋更加唔可以失敗。」
說回金有裘,他是個年近四十,嗓門和外表帶點粗獷的男人。
搖滾夾克和牛仔褲下,隱藏住虎背熊腰的身材,是典型的大漢子。
來到關口附近,我和他等了半個小時,等待到士兵換班的一刻。
等待的時候,我跟他談起一些有的沒的,包括港豬這個人。
「你幫咗港豬做嘢好耐?」我靠著箱子旁。
「都幾年。」他坐在箱子上,吃著小攤檔買來的乾拌麵。
「佢係個咩人。」
「你有興趣知?」金有裘瞄我一眼。
「我應該有一大段時間,都應該會喺佢身邊工作,當係了解下。」港島區沒有一年半載我是回不了,更何況我要照顧捨命犧牲的博海德。
「依行唔可以做得耐,如果你想珍惜生命嘅話。」
「咁你......」
「哈,我都唔知自己幾時死嫁,話唔定就係今日。」金有裘指指大陽穴,搖頭淺笑:「我只可以同你講,佢好重視原則。」
「我都係最近先知,有佢依種地下中介人。」
「全艾寶琳進行緊嘅罪案,有一半都喺佢掌控之下。」金有裘又指向自己雙眼。
「佢叫咩名。」
「你指真名?」
「唔講得?」
「哈,點會唔講得,但到某個時刻你先可以知。」
「某個時刻?」
金有裘對我斜眼打量:「你遠遠仲未到啊......」笑一笑又繼續低頭吃麵。
半小時後,關口士兵終於換更,我倆亦都動身把貨物推到邊境。
這排隊等候的感覺,有點像帶了毒品於機場等待過關。
「下一個。」士兵喊。
我們行上前,士兵先搜遍一次身體。
「衣袋拎到嘅嘢,拎去飲茶。」期間,金有裘嗓門聲音變小。
士兵伸手入袋一摸,摸出個信封來。
接著,他又打開往入面看一眼:「呢兩個,安全。」
就這樣,我們成功出到關口外。
「要送咩位置。」
「康盛,知邊到?」
「好似喺翠林附近?」
「無錯。」
「嗰到有人住?」
「係個小社區嚟。」
「估唔到。」
「出發吧。」金有裘拿出枝上滿釘子的棒球棍。
我們負責推著車子,金有裘則負責帶路。
途中自不免遇到病者,但都不用我出手,金有裘獨個足以應付。
我從寶康路上到寶琳南路,打算藉此入到康盛花園。
運貨過程自然是沉悶,待我們把貨物運到青年營那邊,金有裘主動提出休息一會。
「抖陣先。」
「就快到,唔行埋上去?」
「前面太平靜。」金有裘說。
「你意思係......」
金有裘點點頭,示意我的猜測。
街道上一隻病者都沒有的情況,確實十分罕見。
將軍澳不同於港島區,這裡病者種類較少,但數量相對可觀。
要是某一區沒有病者的話,通常只有一個原因......
附近曾經有人類經過,並將其清理掉。
「呢頭都有村屋民居,我以往嚟依到運貨都會遇到病者,遇唔到都至少聽到佢哋嘅笑聲。」金有裘看著前方的大馬路,緩緩吐出一句:「但今日,特別平靜啊。」
白色的雲
2021-02-23 03:04:57
墨b
懶癌末期廢青
2021-02-23 03:21:01
nozstual
2021-02-23 07:49:40
傻豬黎既
2021-02-23 07:50:02
推
CYP2D6
2021-02-23 07:54:21
「緊係得,我最鐘意就係返工。」港豬站起
鐵血港豬姓黎?
珠珍茶奶
2021-02-23 08:03:00
又要等聽朝啦 呀呀呀呀呀
莎夏
2021-02-23 08:34:28
Push
熊貓蘿蔔
2021-02-23 08:38:01
豬生應該係單車館班人
寂寞的都市人
2021-02-23 08:53:20