墨說
2021-02-28 03:46:23
這些海報全是艾匡的肖像,還有大量政治宣傳的口號,其中一句我耳熟能詳。
「月光在上,草生不息」
「你係......」我望著港豬的背部。
「好快你就知。」
港豬把我帶到禮堂那一層,沿途經過的班房放滿了補給品等物資,更有些班房放著槍械和頭盔等武器防具。
走廊上、樓層間負責看守的人,每當港豬經過他們都會點一點頭。
最終,我們來到了禮堂門口前。
港豬把一直叼著的雪茄掉落地上,用皮鞋踩一踩讓它熄滅。
他深一深呼吸,強而有力地把這道大門推開。
「咣!」
納入眼內,是一群市民。
當中,有普通的市民、有勞動階級的工人、有專業的工程師、有看似貴族的份子,更有疑似艾寶琳官員級的人物。
他們按照社會地位,分前後排的椅子而坐。
每個人都不分你我,在台下耐心等候某個人到來,前排的席上還有賴桑。
而禮堂的正上方,正掛著艾匡的肖像畫。
港豬從中間的通道直行,並且行上了大台。
「各位,久等。」港豬橫視座上的眾人。
大家在座椅上平心靜氣的看著台上的港豬,我則站在禮堂大門前觀看。
「過往嘅工作,實在係辛苦大家,各種情報、物資籌備、招攬成員全部都得來不易,但為咗可以喺暴政中得到解脫......依一切都值得。」港豬先跟大家說出,一個好消息:「首先,幫艾康做黑事嘅陳十禍,同佢一眾嘅土匪都經已伏法。」
台下的觀眾聽到後,都表示了認同。
「如今,將會係重創皇室嘅一個好機會,佔有全艾寶琳接近20%資產嘅商人「黑鼠」,根據我觀察佢已經暗地咁撤資,佢嘅走資行為多少會對艾寶琳經濟做成一定影響,我哋可以趁機會由經濟入手,接下落嚟嘅日子,請商人將物價推高,激發更多人民對艾康嘅不滿、普通市民幫手傳播反皇嘅思想、勞動階級召集更多成員罷工、工程師繼續為反皇派準備武器防護具、貴族就利用你哋影響力繼續散播經濟爆破嘅言論,官員幫我特別留意皇室經濟政策嘅未來走向。」
「我哋仲未可以宣戰?裝備已經齊全。」有工程師問。
「未,艾匡公主仲未出現。」港豬答。
「但係,之前有情報話,艾匡俾陳十禍旗下嘅「麻辣土匪」頭目雷耶斯綁架,既然陳十禍死咗,應該會搵到人?」有名市民舉手提出。
「嗯,可惜嘅係,我搵哂成個康盛花園,都唔見有艾匡公主嘅蹤跡。」
墨說
2021-02-28 03:46:34
「咁樣嘅話,會唔會艾康將我哋連根拔起嗰日......」有市民神色緊張,說出最壞的情況:「我哋都未可以宣戰?」
「我知道各位嘅擔憂,但我可以答應大家,若果到咗嗰日,我哋都未曾等到艾匡公主返嚟,我會用盡一切嘅方法保護大家離開,以下,我想請馬克先生上台......」港豬突然說。
接著,眾人的目光都跟隨港豬望來,投放到禮堂大門前的我身上。
「我......?」
我愣然。
為免浪費大家時間,我唯有上台且看什麼一回事。
「今次行動有賴馬克先生嘅幫忙,先可以順利咁解決護皇派嘅陳十禍,如今我哋暫時唔需要擔心,到新地方建立倖存區會被搶奪嘅事,所以我正式宣佈......「反皇派倖存區計劃」啟動,詳細嘅說明我會分唔同人講落去。」
港豬宣佈之後,迎來台下的一片掌聲。
「終於可以建設......」、「太好啦。」、「艾匡公主萬歲!!!」、「等咗建立屬於我哋嘅領地好耐!」
「今次嘅會議,大致上就係咁。」港豬都說完了。
秘密會議結束後,有的人留在座位上討論,有的人則去忙自己的事,只有我一個愣然的呆站台上。
「港豬,你係反皇派嘅一分子......?」我轉頭看著他。
「馬克,你有冇聽過白月草依個人?」他反問我。
「嗯。」從賴桑和少佐口中得知,這號人物是個反皇派的領袖。
「我就係白月草。」