1000 Like
6 Dislike
懶癌末期廢青
2021-02-23 22:11:09
在乳中漫步
2021-02-23 23:32:52
會係今晚冇文
寂寞的都市人
2021-02-23 23:51:57
懶癌末期廢青
2021-02-23 23:59:41
西白莉雅淫
2021-02-24 00:59:16
push
mambabewithus
2021-02-24 01:11:54
又愈黎愈夜
個moon好白
2021-02-24 01:26:23
推
墨說
2021-02-24 01:35:41
看似無恙的直路,冷冽寒風吹摑不絕。
「馬克,你上前睇下。」金有裘指示。
我一邊環顧左右,一邊雙腳踏前。
周圍除了風聲,靜得可以。
待我行完一半路,都未見有任何情況出現。
突然,我腳下絆到了什麼,身子失去平衡正要傾前跌下......
我兩掌撐地,順勢打了個觔斗,回復站姿。
與此同時,一陣急速的腳步聲從村屋那邊出現,有個不知是否強盜的男人,手持刀子衝刺過來。
「有人搶貨!」金有裘大聲提醒。
我的金鷹頭拐杖準備抽出金劍。
「啊!!」男人大喊。
他奮不顧身地,要將刀子刺入我肚皮。
金光一閃,我抽出杖中劍刃。
「嗖!」男人被一劍封喉。
「嗄嘎啊!」他按著喉中急噴的鮮血。
戰鬥尚未完結,我聽見背後樹叢位置正沙沙作響,似有什麼要跑出來。
因此,我立即轉頭狠盯,發現躲藏於樹叢的女人。
「噫啊......」女人手握小刀,卻裹足不前:「Ken......」
她略帶驚懼眼神,看向了鮮血狂流的男人。
「馬克,搞掂埋佢!」金有裘正跑過來。
我靠近之際,她憤然舉起小刀:「你哋班人口販子......」
人口販子......?
「馬克!郁手!」金有裘再喊。
女人握著小刀向我亂劃,我連續退後閃躲,最後金有裘趕來將她一棍打死。
「呯」棒球棍上的釘子從頭上拉出,血花腦漿跟著溢出。
「嗄啊......」女人直接伏倒地上,以最後一口氣說出遺言:「細路係......無辜......」
「呯」金有裘再來一棍,這次她死絕了。
「呼......你做咩見佢女人就手下留情。」金有裘為了安全,再揮一棍:「你係都女人有興趣嘅,完全任務之後帶你去慧安園玩到厭都得。」
「呯」
墨說
2021-02-24 01:36:01
「唔係。」我全身仍然凝固,目光停留在運送的木箱。
「咁係咩。」金有裘瞄向了我。
我思索片刻,轉頭一問:「箱入面嘅貨物,係細路?」
「係咩都好......都要送到去目的地。」金有裘返回後面,向我招手示意:「快手搞掂埋,差少少就收工。」
我不知那兩個突然冒出的人,是什麼傢伙。
但我感覺......
做了錯誤的事。
可能金有裘留意到我臉上的深疑,而主動說話:「你好等錢洗?」
他見我不答,繼續說:「想喺依個年代過得舒適啲,係要拋棄一啲嘢。」
「所以......」我停下步伐,問:「入面嘅係細路?」
我們已經將貨物運送到康盛花園巴士站,多行一段路就完成送貨。
「無論係咩,你知道自己好快收到錢就夠。」金有裘戳戳我胸口。
「依家嘅行為係販賣自己嘅同胞......」我說。
「馬克,你依家先想對著幹?」金有裘不作退讓,兩眼瞅緊著我:「港豬先生,係唔容許任務失敗。」
「失敗嘅話又點。」
「會向你下達江湖追殺令,艾寶琳無你容身之所。」金有裘輕輕搖頭,一副神情凝重:「你唔好試,你咁樣係破壞佢嘅規矩,趁你未見到箱入面係咩,快啲送入去,咁你都會好快忘記依件事。」
「送去嗰到係咩地方。」
「陳十禍嘅地頭,一班土匪聚居嘅地方,唔好諗太多。」
「呯、呯、呯」木箱內傳出輕微的撞擊聲。
「土匪......」我瞧向不遠處的康盛花園。
「繼續行喇。」金有裘繼續推著車子。
我強行把木箱打開,使金有裘措手不及。
「噠」箱子貨品重見天日。
兩個被綁麻繩和口塞布條的孩子,正蜷縮於箱中。
他倆意識有點模糊,可能氧氣都不太足夠,一直嗅著混雜木材的氣味。
「呼──」一記棍棒,直揮向我的後腦勺。
我彎頭一避,向背後偷襲的金有裘踢出一腳。
「呯」
「啊......」金有裘狼瘡地退了幾步。
「你決定要放走佢哋!?」金有裘繼續恐嚇,喊:「成個艾寶琳嘅地下世界,都唔會放過你,你會毀咗成宗生意,你係代表緊港豬......!」
「或者我做事應該圓滑啲。」我把箱子蓋回去。
「你......」
「送埋入去,之後任務就完成,我再做嘅嘢都係代表自己。」
墨說
2021-02-24 01:36:46
「你想攻入去?哈哈哈,唔好玩,陳十禍佢個地方好堅固,仲有班友幫佢守住,你一個人做唔到啲咩。」
「就睇下點。」
金有裘眼神中,閃過一絲驚異。
如是者,我們成功把「貨物」送到目的地。
我更無意發現,有次從犬學派手中拯救艾匡的景嶺書院,原來就在旁邊。
「送嚟啦。」金有裘停在他們的入口。
兩名土匪打開木箱,出來審視:「兩件?」
「嗯。」金有裘回答。
「錢會遲啲交俾你老闆。」土匪雙手托住木箱,準備搬入去:「紀梅,做咩發呆,幫手啦。」
「依條友個樣......好似邊到見過......」名為紀梅的土匪,湊近我臉前:「啊,麻辣土匪班友俾人滅嗰陣,係啊!嗰陣有隻怪物從天而降......」
「佢發緊神經,唔洗理佢。」另一位土匪讓我們別介意。
但他,確實沒發神經,而且記性很好。
想必他是那天存活下來的土匪一員。
康盛花園跟景嶺書院那麼相近,想必固中應該有什麼牽連。
「咁我哋走先。」金有裘讓我一起離開他們視線範圍。
「馬克,你仲諗緊救細路嘅念頭?你都見到,佢哋入面估計都有四、五十人。」
「你返去先。」我轉身返回土匪據點。
「你返嚟有咩事?」有土匪見我回來。
「我想借個洗手間。」
「自己就地解決,依家嘅世界仲洗乜要廁所。」
「我唔習慣。」
「唔習慣!?」
「唔好意思,佢係出自艾寶琳貴族嘅公子哥,對如廁嘅地方係有啲要求。」金有裘助我解話。
土匪想著想著,都不無道理:「算,你哋同我哋做咗咁多年生意,應該都唔會出咩古惑。」
簡單幾句,我們得到進入康盛花園的權限。
「廁所喺商場一樓!」那土匪告知我們。
這裡地方不大,從入口進去會見到一座長方型的商場,然後是左右兩邊的分叉馬路,各自通向一個迴旋處和幾座私人居屋。
就算搶劫是本行,這年代土匪都需要耕田種植。
他們商場的店舖單位,似乎都用了來製毒,而且有分做毒和監督的人。
不知不覺,金有裘都參與了是次行動。
「你仲跟過嚟?」我說。
「你知唔知道,就算你救咗班細路,佢哋喺倖存區入面都係乞食。佢哋父母發生性行為,生出嚟後養唔掂啲仔女,都係要靠依班土匪先養得到。」金有裘說。
「但班細路最後嘅下場係點?」我反問。
飛𨋢扭屎忽
2021-02-24 01:50:29
今朝咁早嘅
或者就這樣吧
2021-02-24 02:20:31
課金係咪無了
白色的雲
2021-02-24 02:22:59
見你地話早有文仲以為加更,空歡喜一場
墨說
2021-02-24 02:25:37
訓醒先 好攰
椒鹽蝦米
2021-02-24 02:26:05
友文
或者就這樣吧
2021-02-24 03:37:52
ok 愛你
知道自己不知道
2021-02-24 04:06:17
睇黎啲有名號嘅人會一個個出場
期待黃金水中魚出場
多咗喇
2021-02-24 04:20:40
「會向你下達江湖追殺令,艾寶琳無你容身之所。」
發生啲咁嘅事緊係出江湖姦殺令啦
傻豬黎既
2021-02-24 07:16:45
推
豆丁切丁
2021-02-24 07:20:04
謝墨巴