攻略無關
多謝連登一班巴打絲打!不知不覺已經係第二個post。
起初開account真係咩都唔識﹐只係覺得網上冇人寫暴龍機攻略﹐又好多似是而非嘅進化解鎖條件﹐純粹好想開post同人講下點玩同分享我驗證咗啱嘅資料。
知道香港最多人睇應該係連登﹐不過自己又未上過﹐只係諗好似以前寫xanga咁寫應該ok掛?又睇咗一陣就覺得啲標題好似有pattern﹐研究後覺得「你問我答」形式好似最接近我想做嘅嘢﹐都係抱住試下嘅心態。
原來連登真係好歡樂!好開心聚集到一班鍾意暴龍機嘅朋友!
我曾經講過我好多comments都想珍藏﹐最感動到我嘅comments係
閪無忌巴打話我係「真・被選中細路」。
然後有
貞操報國巴打﹐佢投入討論嘅程度都令我覺得好感動﹐多得佢我先唔使買多部機。
仲有好多comment過嘅人﹐無論係正面負面﹐我都好感激你哋!
我純粹係鍾意聖龍獸所以畫畀大家﹐希望大家感受到我對數碼暴龍嘅愛啦!
幅畫係我今日企喺apple store度畫架﹐因為我自己冇iPad
冇太多時間所以唔係畫得好靚﹐希望大家會鍾意啦!
歡迎大家繼續發問繼續發掘呢部ver. complete啦!(打到呢度其實已經淆曬底
)