迪路獸/聖龍獸本命﹐暴龍機ver. complete你問我答

冇

咁如果爆咗機係咪只可以reset
好似上面咁無用奧米茄打到 last evolution既話

唔係﹐係打完全體都得﹐我今日會試到個真正方法出嚟

冇嘢了﹐嗰隻原來係完全體嚟﹐sorry

我今晚試到個慈悲既話打個完整版出黎啦

邊度有得買

啲人話現時點有

邊度有？

嗰個一定冇錯架喇我真係純粹睇錯佢個點陣圖浪費咗你好多時間真係唔好意思

冇電換電、繼續遊戲、重新遊戲

換電提示

以上係換電嘅提示，當電芯就快耗盡嘅時候就會出現。唔使擔心換電時好似美版暴龍機咁會冇曬啲資料，呢個暴龍機會有基本底板電池一路save住資料，不過底板電池都耗盡時(唔知幾多年之後)就會save唔到。換電唔可怕，只怕大家會唔識日文搞錯delete咗個save(換得電通常都爆咗機)。以下係換電嘅步驟：

1. 將主機電芯蓋嘅螺絲鑽起﹐將電芯蓋打開。(建議將螺絲放喺個兜度或者安全嘅地方)
2. 換舊新嘅鈕型電芯CR2032﹐注意正極係向外(向自己)﹐負極係向內(向暴龍機)。
3. 將電芯蓋冚實﹐鑽緊螺絲。

繼續遊戲、重新遊戲

左邊係讀檔，右邊係重設。如果換電後，喺有「ロード」讀檔字眼嘅畫面，用上下掣（左上掣：向上移動選擇；左下掣：向下移動選擇）選擇「YES」就可以恢復之前嘅遊戲階段。

撳「NO」就會彈出「リセット」重設字眼嘅畫面，用上下掣選擇「YES」就會洗機從頭開始選擇亞古獸或加布獸嘅畫面，撳「NO」就可以回到上一頁。

如果唔想麻煩要拆開電芯蓋﹐可以用啲細膠棒篤﹐唔好用牙籤、裁縫針呢類利物﹐可能會篤爛粒掣。

調校時間、精靈唔識行？

如果要調校時間可以先撳左邊上掣(L)進入時鐘畫面﹐然後同時撳左邊下掣(R)同右邊上掣(A)﹐入調校時間頁面﹐依次序調校(1)AM/PM(上午/下午)、(2)時(1點～12點)、(3)分(00分～59分)。操作為用左邊掣上下調校﹐決定後撳右邊上掣進入下一個調校項目並確定。

常見問題：09:00PM-8:00AM開始係child lock﹐所有數碼精靈會瞓覺﹐目的係等用家喺夜晚休息唔好玩住。雖然撳B掣(右下掣)會起身大概15分鐘﹐但係期間唔會計步剩係會每100下增加1DP。有人會不停更改時間令精靈唔會瞓覺﹐而不停更改時間對遊戲冇重大嘅影響。

想問下 我係咪可以打返之前啲關黎儲角色架？ 打緊四天王 都未見到加布獸

加布獸係電波小遊戲入面得到﹐基本係每逢3000步會有一次機會﹐你要將天綫對準無綫電發射位置(如iPhone lightning口、手提電話NFC位置、雪櫃、WiFi天綫等)直至出現三格同出現「CATCH!」字眼﹐跟住撳右邊上掣進入小遊戲﹐我今日內會介紹

多謝大佬 咁我繼續努力刷電波

主頁、步數、電波小遊戲

主頁係顯示數碼精靈行路嘅畫面﹐亦係惟一會計步數嘅畫面。正常情況下入咗menu唔撳掣15秒就會自動返咗主頁。如果喺主頁唔撳掣3分鐘就會自動熄mon慳電。雖然熄咗mon會冇咗畫面﹐但係戳機照樣係會計步數﹐遇敵時就會響同着返mon。

主頁撳右邊上掣(A)入menu﹐撳左邊上掣(L)入時鐘畫面﹐撳右邊下掣(B)會有步數資訊﹐以下簡單講下步數資訊：

撳第一下右邊下掣：顯示地圖通關剩餘嘅步數﹐到0就會遇boss。
撳第二下右邊下掣：顯示由開始遊戲到而家行咗嘅步數﹐每逢3000步會黑mon入電波小遊戲(如果第6000步都冇電波小遊戲﹐應該係bug﹐建議reset)
撳第三下右邊下掣：返主頁

電波小遊戲

基本每逢3000步會有一次機會進入電波小遊戲嘅機會﹐除非遇上boss戰(開局東京第一個地圖)。遇到電波小遊戲時﹐暴龍機會維持黑屏狀態3分鐘﹐3分鐘後電波小遊戲會消失﹐呢個時候要將暴龍機天綫(左上角黑色凸起部分)對準無綫電發射位置(如iPhone lightning口、手提電話NFC位置、雪櫃、WiFi天綫等)直至出現三格同出現「CATCH!」字眼﹐撳右邊上掣就會進入小遊戲。

電波小遊戲總共分為三種：(1)同伴精靈、(2)增強數值、(3)陷阱

(1)同伴精靈
畫面會見到同伴精靈同「HELP!」字眼﹐設計係除咗開局嘅精靈外﹐其他精靈畀敵人挾持﹐如果成功擊敗敵人就可以獲得畫面出現嘅同伴精靈。

(2)增強數值
畫面會見到自己變成敵人﹐如果成功擊敗敵人就可以永久增強該隻精靈嘅攻擊力同HP﹐不過進化體並唔會得到強化。

(3)陷阱
同普通敵人一樣﹐用指定精靈嘅進化體擊敗敵人可以解鎖相關隱藏嘅進化分支。

冇諗到陷阱有得咁玩

咁巫師獸有冇得進？

其實一直有講開﹐等唔到可以睇返我上面啲非回覆資訊﹐不過由於我起初太趕同埋驗證呢部機難過2020年好多﹐所以我有啲一開始係打錯字/誤會咗﹐之後都有改正返﹐呢個星期內會有最update同準確嘅解鎖條件整合﹐不過暫時應該澄清返曬錯嘅資訊

多謝大家今次都咁踴躍﹐我要承認今次冇2020暴龍機做得咁好﹐始終要不停戳機有啲攰﹐同埋網上暫時得我(如果冇錯)係第一個試到啲解鎖方法同有寫出嚟﹐希望大家都一同幫手驗證如果有啲咩錯處都請指出﹐始終我而家都仲忙緊試啲自己想試嘅嘢。

都要特別多謝貞操報國巴幫我驗證﹐等我唔使買多部暴龍機驗證(住)。

多謝巴打, 已BOOKMARK POST

究極進化畫面好型

只係因為你揀咗亞古獸/加布獸

我終於有加布獸 今晚唔練到奧米加唔訓

多謝你的信任真係咩都抵返曬

我而家就咁直行直過咁過版會唔會Miss左好多野