迪路獸/聖龍獸本命﹐暴龍機ver. complete你問我答

開到第3個地圖 唔敢亂打 所以去返第2個地圖練埋隻加布獸先

唔會呀你鍾意點搞都得﹐我成日限制自己個原因都只係因為我啲實驗精神

練嘢返東京map1啦100%唔會死嘛

點分東京定檔案島忘記哂 唔好意思

Menu

主頁撳右邊上掣(A)入Menu，Menu裏面主要有(1)數值、(2)地圖、(3)治療、(4)對戰，總共四項，用左邊掣前後選擇。

(1)數值
入數值頁面後會見到目前訓練緊嘅數碼精靈，可以用左邊掣前後選擇換過第二隻，撳右邊上掣(A)可以進入嗰隻精靈嘅頁面，裏面有「DP」、「WIN」、「HP」、「ATTACK」四項，都係左邊掣上下選擇。

DP嘅意義

DP全寫係Digimon Power﹐係戰鬥中需要用到嘅力量﹐DP並唔係由獨立一隻數碼精靈持有﹐而係共用嘅，DP上限係99。以下係DP嘅增減機制：

每行100步：+1
基本進化：-3
究極進化：-4(總共-7)
輸咗：-2

WIN嘅意義

每次戰鬥贏咗都會提升win值﹐而提升win值可以解鎖進化嘅階段(如果你有想解鎖嘅進化分支，假設係完全體，你必須首先解鎖完全體嘅進化階段，即係升滿Win II)﹐以下係各階段所需嘅win值。

進化至成熟期(Win I)：需要贏10次
進化至完全體(Win II)：需要贏15次(累積贏25次)
進化至究極體(Win III)：需要贏15次(累積贏40次)

亞古獸同加布獸會有
進化至超究極體(Win Ω)：需要贏15次(累積贏55次)

HP同ATTACK

數碼精靈目前嘅生命力同攻擊力，係戰鬥力嘅表現。HP同ATTACK值可以透過電波小遊戲各+1，不過進化體唔會得到強化。

(2)地圖
地圖有6張，已發現嘅地區總共17個，剩係可以完全用左邊掣移動，撳右邊上掣(A)進入地區，右邊下掣(B)取消：

數碼暴龍01地區：
檔案島前編：4個
東京：3個
檔案島後篇：6個

戰爭遊戲地區：1個
tri.地區：2個
LAST EVOLUTION地區：1個

(3)治療
當數碼精靈受傷時就要接受治療先可以繼續行路，只要撳右邊上掣(A)就治療咗，以下係數碼精靈受傷嘅原因：

當出現敵人而冇打(呢個係帶出街行經常遇到嘅問題)
當出現敵人而撳咗右邊下掣
當戰鬥輸咗
當戰鬥時逃走

(4)對戰
同另一部暴龍機同時入對戰畫面，見到「READY!」字眼，就可以連接對戰口，等到出現「BATTLE」字眼就表示對戰成功，兩隻精靈將會互相攻擊。如果對戰失敗，過咗一陣就會出現「ERROR」字眼，或者可以撳右邊下掣(B)離開畫面。贏咗對戰都係會升到WIN。

官方認可可以對戰嘅機種可以參考四樓嘅列表同圖片。

口誤：檔案島前編地區1，啱啱update咗最新同地圖有關嘅攻略，可以睇睇

本來我係機械暴龍獸同埋正常嘅戰鬥暴龍，宜家無啦啦，變咗喪屍暴龍獸同埋黑暗戰鬥暴龍獸，有冇機會可以變返轉頭

可以連輸兩場﹐即係遇敵即撳右邊下掣

有另外一部機對戰得唔得

對戰冇得控制輸贏

我上個post已經成日講最後都係靠運lol

亞古開波遇到比丘巴達但未見加布點解既？
仲有場場戰鬥都進暴龍獸會唔會唔夠DP?
同埋點解佢成日本冇啦啦病左要食藥？
同埋點解有時亞古獸出招可以一下扣人4血？

同伴精靈係隨機﹐而扣四血係因為道具效果﹐聽日繼續寫正傳攻略﹐今晚專心答大家問題(希望專心啲唔會再打錯/寫錯)

點可以用道具？

冇﹐你會自動用咗﹐喺獲得道具嘅一刻就已經用咗

玩左34,608步，都只係得隻 亞古獸同埋巫師獸，幾時先玩到有奧米加

今次tri收錄既閪貓係咪有分完全體同究極體版本架

我就係同時試緊﹐目前爆win冇進化﹐不過睇緊有冇得解鎖到

唔係呀，我囉奧米加斬第二關隻閪貓十幾次都未解到慈悲
去番第一關閪毛都見唔到條

你而家check下數值個頁面有冇個進化分支？

冇呀

每一百步加1點DP，平均400-600步遇敵一次，總步數每三千波一次電波戰鬥，進化成熟期一次用三點DP。條數可以自己計。

懶得計嘅話直接話你知。只進成熟期，DP長遠黎講會慢慢累積，一定係正增長，只係快慢問題。

我發現我完全冇睇到佢第二第三條問題﹐通得太多晚頂多謝幫眼

屌我知差咩啦
係要用奧米加打贏一次閪貓同墜落神聖天女