迪路獸/聖龍獸本命﹐暴龍機ver. complete你問我答

上面有師兄話就reset部機都幫唔到你運氣mean but true﹐真係是日金句

咁我刷返第一關算 唔洗成日進化
唔該巴打

對唔住﹐唔記得加返﹐係要用奧米加獸打埋神聖天女獸墮落形態

唔緊要 我已經拎返晒兩隻絆
而家刷埋HACKMON同閪貓就算

戰鬥過程、戰鬥道具

當行到齊頭嘅步數都有可能遇到敵人﹐會響機同顯示敵人個樣嘅畫面。呢個時候如果撳右邊下掣(B)﹐或者無視遇敵畫面3分鐘﹐就會自動當輸同返去主頁；撳其他掣就會進入戰鬥(建議撳右邊上掣(A)以免撳錯)。戰鬥為3盤分勝負(BOSS戰為5盤)﹐每盤得一方可以攻擊﹐當3盤過後HP多嘅一方就贏﹐當然HP畀對方扣到0嗰方就即輸。以下係戰鬥畫面嘅選項：

(1)「コウゲキ」攻擊：入去就會立即顯示「READY!」字眼﹐要馬上狂撳右邊上掣(A)爭攻擊權(建議未入之前就開始狂撳)

(2)「シンカ」進化：進化階段解鎖後而且有足夠進化所需嘅DP先會見到﹐每盤只可以進化一次﹐進化路綫固定如下(戰鬥盤數：R1→R2)

成長期→成熟期(R1)→完全體(R2)

成長期→究極體(R1)→超究極體(R2)

成熟期→完全體(R1)

成熟期→究極體(R1)

(3)「ナカマ」同伴：獲得同伴精靈後先會見到﹐如果切換成同伴精靈將會立即以最基本進化階段出戰﹐而且贏後WIN會計落最後嘅同伴精靈度。返主頁時亦會自動顯示為同伴精靈。

(4)「ニゲル」逃走：自動當輸並返去主頁。

戰鬥道具

戰鬥道具有三種﹐(1)肉、(2)蛋白質、(3)P藥﹐獲得後會即刻生效。

(1)肉：+2 DP

(2)蛋白質：外形為膠囊藥丸﹐下次戰鬥會+1 HP

(3)P藥：外形為引爆裝置﹐下次戰鬥會一擊KO﹐BOSS戰唔會生效

更新日期：2021年1月27日

奥米加獸慈愛形態分支

喺tri.地區Area 2以奥米加獸形態分別贏電波小遊戲陷阱嘅破解獸(メイクラックモン﹐緬貓獸完全體形態)及神聖天女獸墮落形態﹐就會獲得奥米加獸慈愛形態進化分支
(特別鳴謝貞操報國幫忙驗證進化條件)

勇氣連繫和友情連繫分支

喺Last Evolution地區以奥米加獸形態贏電波小遊戲陷阱嘅曙光女神獸(完全體)﹐以亞古獸贏就會得到亞古獸-勇氣連繫-嘅進化分支﹐以加布獸贏就會得到加布獸-友情連繫-嘅進化分支﹐可以先後進行兩次取得

逃走唔係都有機會當贏？

即刻check咗﹐你啱﹐有機率贏。多謝你！

你好有心！我仲諗住整合好再放上黎

想問下冇無人部機顯示屏間中會有d位有深色印
又唔係keep住 間中就會有

液晶mon嘅常見問題﹐只係偏光物料問題﹐喺某啲角度先會見到

唔該晒以為中壞機

係中咗bandai嘅cheap計

多謝你嘅報告！奥米加斬過神聖天女墮落形態 + 電波陷阱破解獸 or 電波陷阱破解獸 + 電波神聖天女獸墮落形態﹐而家加埋你嘅報告﹐可以肯定解鎖條件同電波小遊戲冇必要關係了！

你哋幫我慳咗買多部機嘅錢

巴打想問
有冇暴龍機圖鑒
search 關鍵字D1 淨係搵到啲磚頭機
想知道巫師獸進化到啲咩，剛剛catch到
同埋用嚟進化嘅勝率係咪共用

心急人上
放工煮個飯食飯洗碗都差唔多九點

同埋想問
電波搜索係咩原理
點解靠近啲電子產品就三格

冇進化
電波小遊戲逢3000步就會有一次﹐出現嘅時候你應該會明

攻擊力幾多?

電波撞同伴既機率真係低 撞到甲蟲，迪路同巫師就無再撞過。。。行左30000步

慈愛攻擊係7﹐勇氣連繫攻擊係8

目前60000齊係好運嘅指標