唔好話溫書 探老豆都無啦
啲女唔開心要氹番咪又係扑野
【甜故】自從同Miss喺一齊，我就忽然變得好受歡迎（2）
辣花生
1001 回覆
221 Like
8 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
都係keep住扑野番pt架啦
唔好話溫書 探老豆都無啦
啲女唔開心要氹番咪又係扑野
唔好話溫書 探老豆都無啦
啲女唔開心要氹番咪又係扑野
睇到腳步浮浮笑撚左唔好話一日5次, 一日3次都已經行唔撚到路
台灣仔會唔會綠男主
第204章 新生活
比預計早咗起身，食完早餐仲有大把時間慢慢行番大學，自從上次嚟辦入學手續後，都冇再去過，我對University of Waterloo冇乜歸屬感，一心只係諗住可以一年後轉番出去University of Toronto。
因為係第一日開學，校園裡面有好多人，各式人種都有，我花咗唔係好多時間就搵到上第一堂嘅課室，入到去發現已經坐滿咗三分一人，我呢啲咁唔合群嘅人梗係揀咗個山頂位嚟坐。
呢堂係Chem，教授係一個滿頭白髮嘅外國人，始終係第一日，講嘅主要係課程內容、交功課同考試日期，冇乜點教嘢，我都算乖，起碼有坐到落堂，側邊嘅山頂朋友知道咗啲重要日子後就竄走晒。
跟住仲有上Physic同Maths，喺Maths度撞到Peter，佢身邊圍咗一大班friends，有男有女兼咩人種都有，相比起摺埋嘅我係天淵之別，Peter冇專登過嚟同我social，只係遠距離點咗下頭。
一日就喺平淡中渡過，放學就去雄哥度返工，本來有少少擔心今日要應酬June，但係佢竟然唔喺度，可能雄哥見我周圍望，就主動同我講：「開咗學阿June唔係日日返，你如果忙都唔使日日嚟，讀書對你哋後生仔嚟講先係最重要。」
咁就好喇，尋日Chloe辣㷫咗June，都唔知June會唔會搵我嚟出氣，或者對我有咩進一步行動，而家唔使日日見到佢，反而鬆咗口氣。
完咗忙碌嘅一日，返到屋企第一時間打俾周穎睇下佢開學開成點。
「我識咗好多朋友，呢度啲人好熱情，特別係啲嚟讀書或者移民嘅香港人。」周穎聽落讀得好開心，咁都好，起碼冇因為我而搞到佢做咗錯誤選擇。
而且你咁靚女，心地又好，梗係男女通殺喇：「我冇乜識人，全日都專心上堂，同埋諗住你。」為免俾其他人搶咗我喺周穎心目中至高無上嘅地位，一有機會就要氹下佢。
「咁乖？如果係咁我就放心，你一邊讀書一邊返工實好辛苦，有時間就多啲休息，唔使成日打俾我，我知你有掛住我就得。」周穎有啲似阿媽咁囑咐我。
嗰陣同周穎分隔兩地都冇家陣只係隔個零鐘車程咁擔心，因為嗰陣周穎喺香港要考DSE，而且同班有啲咩人我又知晒，入大學就唔同，係一個全新嘅環境，亦都係為嚟緊四年大學生活或者將來搵個好男/女友嘅最佳時機：「唔得，我哋已經唔係成日見到，電話都唔打咪同你喺香港嗰時冇分別。」
「咁又係，我都鍾意你打俾我，咁你得閒就打嚟喇，而家又冇時差問題。」好彩周穎都咁講，唔係我會有啲傷心。
如是者過咗幾日，日子就喺返學同返工中平淡渡過，今日已經係星期四，下晝上咗第一堂Psycho，有啲驚喜係當日我同石克隆入嚟Waterloo見到嗰個感覺有啲似Miss Cheung嘅靚女Miss，原來係呢班助教，正跟緊睇落五十零歲嘅老外教授讀Dr。
另一件令我意外嘅事，就係放學返工嘅時候雖然終於撞到幾日冇見嘅June，但係佢竟然完全無視我，成日掛住玩電話，仲不停喺度偷笑，一副蜜運中嘅樣，唔通佢幾日時間就喺學校物色到新對象？咁又唔錯喎，我可以甩難。
雄哥對呢方面就唔係咁睇好，仲嘆晒氣同我講：「又唔知識咗啲咩人，年年開學都係咁嘅款，快則幾日，慢就幾星期，好快佢又會變番之前咁。」
結果係點唔關我事喇，總之我可以有啲好日子過就得，我真係唔想俾條咁「有份量」嘅女破壞我今年要努力讀書同賺錢嘅目標。
放工離開嘅時候，雄哥照舊車我走，而June竟然有架靚車嚟接佢，揸車嘅係一個身高近2米嘅靚仔，一睇就知係嗰啲唔使做剩係溝女渡日嘅富家子弟。
不過溝到去June身上都幾濫，唔通食慣好嘢，間中想食下啲肥膩嘢嚟調劑下？定係本身有特殊癖好呢？
「呢條叫Patrick嘅𡃁仔，一睇就知唔係好人，都唔知阿女點解會睇中佢。」雄哥好無奈咁同我講，生女真係煩，成日驚佢俾人呃。
咁人哋靚仔嘛，睇落又有錢，你個女咩質素，就算人哋真係玩佢，蝕底嗰個都未必係你個女喇。
咪住，Patrick個名咁熟嘅，嗰陣Chloe搵嚟玩Judy嗰個好似又係叫Patrick，今次唔係又係Chloe嘅手筆啩，對於June呢啲自以為靚女嘅肥婆，我係冇乜同情心嘅，但係萬一Patrick搞大咗June個肚，咁雄哥就多得佢唔少，雖然要搞得落手都幾困難。
返到屋企第一件事打俾Chloe對質，點知個衰妹竟然直認不諱：「係我叫Patrick去招呼個肥婆嘅，邊個叫佢騷擾你喎。」
果然係Chloe搞鬼，咁唔得喎，個個埋我身嘅女仔你都搵人搞，冇女唔緊要，反正我都夠晒，但係變相我就摧毀咗好多人嘅人生：「咁你叫Patrick收手喇，我咪同你講過，你做咩之前都要同我講咗先，特別係呢方面嘅事。」
「你做咩幫住晒個肥婆，你對佢有意思呀？」我冇諗過Chloe會咁諗，事實上見過June真身嘅人，都冇可能覺得有任何男仔會對佢有意思。
「梗係唔係喇，你講咗去邊，我只係唔想你隨便玩人，話晒人哋係女仔，萬一好似上次Judy咁俾人搞大咗個肚，你話點算呢？」呢個Patrick睇嚟係我啲friend，唔鍾意帶套，個女仔心甘情願就算，咁個BB係無辜㗎嘛。
「哦，你為咗個肥婆話我，我都係諗住幫你，你唔領情不特止，仲話番我轉頭。」Chloe嘅諗法似乎越嚟越偏離現實。
「你唔好咁細路仔喇，件事根本都唔係咁，我只係唔想有人因為我，無端端俾人玩。」我嘗試抖正Chloe錯誤嘅方向，但係原來Chloe呢啲大小姐發起脾氣上嚟，係完全不可理喻嘅。
「我最憎人話我細路仔，好吖，你越唔俾我做嘅嘢，我就越要做。」Chloe講完竟然cut咗我線！
咦？點解事情會發展到咁地步嘅？Chloe係咪算嬲咗我呢？但係我覺得要嬲嗰個應該係我多啲喎。
比預計早咗起身，食完早餐仲有大把時間慢慢行番大學，自從上次嚟辦入學手續後，都冇再去過，我對University of Waterloo冇乜歸屬感，一心只係諗住可以一年後轉番出去University of Toronto。
因為係第一日開學，校園裡面有好多人，各式人種都有，我花咗唔係好多時間就搵到上第一堂嘅課室，入到去發現已經坐滿咗三分一人，我呢啲咁唔合群嘅人梗係揀咗個山頂位嚟坐。
呢堂係Chem，教授係一個滿頭白髮嘅外國人，始終係第一日，講嘅主要係課程內容、交功課同考試日期，冇乜點教嘢，我都算乖，起碼有坐到落堂，側邊嘅山頂朋友知道咗啲重要日子後就竄走晒。
跟住仲有上Physic同Maths，喺Maths度撞到Peter，佢身邊圍咗一大班friends，有男有女兼咩人種都有，相比起摺埋嘅我係天淵之別，Peter冇專登過嚟同我social，只係遠距離點咗下頭。
一日就喺平淡中渡過，放學就去雄哥度返工，本來有少少擔心今日要應酬June，但係佢竟然唔喺度，可能雄哥見我周圍望，就主動同我講：「開咗學阿June唔係日日返，你如果忙都唔使日日嚟，讀書對你哋後生仔嚟講先係最重要。」
咁就好喇，尋日Chloe辣㷫咗June，都唔知June會唔會搵我嚟出氣，或者對我有咩進一步行動，而家唔使日日見到佢，反而鬆咗口氣。
完咗忙碌嘅一日，返到屋企第一時間打俾周穎睇下佢開學開成點。
「我識咗好多朋友，呢度啲人好熱情，特別係啲嚟讀書或者移民嘅香港人。」周穎聽落讀得好開心，咁都好，起碼冇因為我而搞到佢做咗錯誤選擇。
而且你咁靚女，心地又好，梗係男女通殺喇：「我冇乜識人，全日都專心上堂，同埋諗住你。」為免俾其他人搶咗我喺周穎心目中至高無上嘅地位，一有機會就要氹下佢。
「咁乖？如果係咁我就放心，你一邊讀書一邊返工實好辛苦，有時間就多啲休息，唔使成日打俾我，我知你有掛住我就得。」周穎有啲似阿媽咁囑咐我。
嗰陣同周穎分隔兩地都冇家陣只係隔個零鐘車程咁擔心，因為嗰陣周穎喺香港要考DSE，而且同班有啲咩人我又知晒，入大學就唔同，係一個全新嘅環境，亦都係為嚟緊四年大學生活或者將來搵個好男/女友嘅最佳時機：「唔得，我哋已經唔係成日見到，電話都唔打咪同你喺香港嗰時冇分別。」
「咁又係，我都鍾意你打俾我，咁你得閒就打嚟喇，而家又冇時差問題。」好彩周穎都咁講，唔係我會有啲傷心。
如是者過咗幾日，日子就喺返學同返工中平淡渡過，今日已經係星期四，下晝上咗第一堂Psycho，有啲驚喜係當日我同石克隆入嚟Waterloo見到嗰個感覺有啲似Miss Cheung嘅靚女Miss，原來係呢班助教，正跟緊睇落五十零歲嘅老外教授讀Dr。
另一件令我意外嘅事，就係放學返工嘅時候雖然終於撞到幾日冇見嘅June，但係佢竟然完全無視我，成日掛住玩電話，仲不停喺度偷笑，一副蜜運中嘅樣，唔通佢幾日時間就喺學校物色到新對象？咁又唔錯喎，我可以甩難。
雄哥對呢方面就唔係咁睇好，仲嘆晒氣同我講：「又唔知識咗啲咩人，年年開學都係咁嘅款，快則幾日，慢就幾星期，好快佢又會變番之前咁。」
結果係點唔關我事喇，總之我可以有啲好日子過就得，我真係唔想俾條咁「有份量」嘅女破壞我今年要努力讀書同賺錢嘅目標。
放工離開嘅時候，雄哥照舊車我走，而June竟然有架靚車嚟接佢，揸車嘅係一個身高近2米嘅靚仔，一睇就知係嗰啲唔使做剩係溝女渡日嘅富家子弟。
不過溝到去June身上都幾濫，唔通食慣好嘢，間中想食下啲肥膩嘢嚟調劑下？定係本身有特殊癖好呢？
「呢條叫Patrick嘅𡃁仔，一睇就知唔係好人，都唔知阿女點解會睇中佢。」雄哥好無奈咁同我講，生女真係煩，成日驚佢俾人呃。
咁人哋靚仔嘛，睇落又有錢，你個女咩質素，就算人哋真係玩佢，蝕底嗰個都未必係你個女喇。
咪住，Patrick個名咁熟嘅，嗰陣Chloe搵嚟玩Judy嗰個好似又係叫Patrick，今次唔係又係Chloe嘅手筆啩，對於June呢啲自以為靚女嘅肥婆，我係冇乜同情心嘅，但係萬一Patrick搞大咗June個肚，咁雄哥就多得佢唔少，雖然要搞得落手都幾困難。
返到屋企第一件事打俾Chloe對質，點知個衰妹竟然直認不諱：「係我叫Patrick去招呼個肥婆嘅，邊個叫佢騷擾你喎。」
果然係Chloe搞鬼，咁唔得喎，個個埋我身嘅女仔你都搵人搞，冇女唔緊要，反正我都夠晒，但係變相我就摧毀咗好多人嘅人生：「咁你叫Patrick收手喇，我咪同你講過，你做咩之前都要同我講咗先，特別係呢方面嘅事。」
「你做咩幫住晒個肥婆，你對佢有意思呀？」我冇諗過Chloe會咁諗，事實上見過June真身嘅人，都冇可能覺得有任何男仔會對佢有意思。
「梗係唔係喇，你講咗去邊，我只係唔想你隨便玩人，話晒人哋係女仔，萬一好似上次Judy咁俾人搞大咗個肚，你話點算呢？」呢個Patrick睇嚟係我啲friend，唔鍾意帶套，個女仔心甘情願就算，咁個BB係無辜㗎嘛。
「哦，你為咗個肥婆話我，我都係諗住幫你，你唔領情不特止，仲話番我轉頭。」Chloe嘅諗法似乎越嚟越偏離現實。
「你唔好咁細路仔喇，件事根本都唔係咁，我只係唔想有人因為我，無端端俾人玩。」我嘗試抖正Chloe錯誤嘅方向，但係原來Chloe呢啲大小姐發起脾氣上嚟，係完全不可理喻嘅。
「我最憎人話我細路仔，好吖，你越唔俾我做嘅嘢，我就越要做。」Chloe講完竟然cut咗我線！
咦？點解事情會發展到咁地步嘅？Chloe係咪算嬲咗我呢？但係我覺得要嬲嗰個應該係我多啲喎。
chole 哩啲性格令我諗起個ex 可以同chole同啲嘢差唔多一模一樣
chole嬲 唔單止搞肥婆呀 男主你成家同周穎佢都熟 邊有得同佢鬥出少兩日野 留返比chole賠罪吧啦
你成家同周穎佢都熟 邊有得同佢鬥出少兩日野 留返比chole賠罪吧啦Patrick搞大June個肚嘅可能性有幾高先
如果唔係我都覺得男主唔洗咁惡喎咁係個June纏住佢先嘅
上次話自己大肚要搵男主埋單條女都係咁上下處理方法姐
如果唔係我都覺得男主唔洗咁惡喎
咁係個June纏住佢先嘅上次話自己大肚要搵男主埋單條女都係咁上下處理方法姐
推
係唔係都咁有錢先？
其實男主係咪唔識氹女仔？
或者咁講同咗Chole都一段時間，起碼都熟悉/估到吓脾性架喇，咁的對話就算原因幾直正都好，一定炒大鑊嗰wor
同埋同意Patrick 哥雖則搭上咗啫，但又無搞清楚係咪一定要搞到大肚先，唔氹Chole講多d不特止仲撥多d火。。。Chole可能只係叫Patrick 哥追吓肥妹，等佢唔埋男主咁多身
不過睇到男主仲未擺到Chole夠高，Chole為佢做咗咁多嘢(當然唔係贊成搞大人肚呢d)，而係為咗見男主肯付出咁多，但男主差不多鑊鑊的回應都係搞嘢，唔係就上床，再唔係就做愛，即係扑扑扑，加d男主同Chole拍吓拖的情節，或者為Chole做翻d嘢，感覺平衡d會好d。男主話努力返學考試出返去都只係因為想見到周穎多d
或者咁講同咗Chole都一段時間，起碼都熟悉/估到吓脾性架喇，咁的對話就算原因幾直正都好，一定炒大鑊嗰wor
同埋同意Patrick 哥雖則搭上咗啫，但又無搞清楚係咪一定要搞到大肚先，唔氹Chole講多d不特止仲撥多d火。。。Chole可能只係叫Patrick 哥追吓肥妹，等佢唔埋男主咁多身
不過睇到男主仲未擺到Chole夠高，Chole為佢做咗咁多嘢(當然唔係贊成搞大人肚呢d)，而係為咗見男主肯付出咁多，但男主差不多鑊鑊的回應都係搞嘢，唔係就上床，再唔係就做愛，即係扑扑扑，加d男主同Chole拍吓拖的情節，或者為Chole做翻d嘢，感覺平衡d會好d。男主話努力返學考試出返去都只係因為想見到周穎多d
講真我喺西灣河去天水圍都唔止兩個幾鐘
仲要自己有車 真係諗唔到理由唔去探佢
仲要自己有車 真係諗唔到理由唔去探佢
揸車個幾鐘遠好多
同埋西灣河去天水圍點解要兩個幾鐘？
同埋西灣河去天水圍點解要兩個幾鐘？
720+969 唔覺得要兩個幾鐘
第205章 誤會
因為尋晚Chloe臨收線所講嘅說話，我有啲擔心佢會叫Patrick今日就搞掂June，為咗呢個完全冇興趣嘅肥婆，我竟然變咗冇乜心機上堂，喺心裡面覺得唔抵之餘，亦都諗緊今晚究竟應唔應該向雄哥或者當事人示下警。
返工望見June個冧到爆嘅樣，就知道同佢講咩都冇用，至於雄哥，我亦都唔知點開口同佢解釋，唔通話「我條女見你個女對我有意思，所以搵咗個花花公子嚟搞佢，你叫你個女小心啲。」
好快就到放工時間，Patrick架車已經停咗喺門口，June仲懶得戚咁，話仲有十五分鐘先閂門，要Patrick喺外面等下，跟住走咗去廁所妝身，喺呢個咁千載難逢嘅機會，我決定私底下去解決Patrick。
我話晒斯文人，當然唔係出去打Patrick一鑊，而係好好地同佢溝通下。
Patrick見我行近佢車，先一步落車同我打招呼，神態出奇友善，有冇咁專業呀，唔怪得啲女咁容易上釣，搵佢對付Judy同June真係嘥咗佢。
「你好，Wesley，我係Patrick，真係聞名不如見面。」Patrick雖然好似串緊我，但係我一啲都冇嬲，可能因為佢語氣上有種令人不自覺放下心防嘅奇特魅力。
「我諗你大概都知我想同你講咩，我識咗June唔係好耐，亦都對佢冇乜特別感情，不過我覺得佢阿爸雄叔係好人，所以唔想雄叔因為個女嘅事而唔開心。」我唔知Chloe俾Patrick嘅order係乜，不過應該都唔會係好嘢。
「我呢啲收錢做嘢嘅，老細落咗order唔做足好冇職業道德啫。」我冇天真到覺得講兩句Patrick就肯收手。
「咁你要點先肯收手？」如果Patrick話要錢，咁我唯有由得June去送死喇，反正佢都唔係好蝕啫。
Patrick喺身上面攞個電話出嚟，打通咗後遞俾我。
喺接過電話之前我已經估到Patrick打俾邊個，果然電話裡面傳出嘅係Chloe把聲：「點呀，大情聖，你有咩想同我講？」
「June單嘢不如算喇，其實你知我對佢一啲意思都冇，佢亦都絕對冇可能威脅到你或者阿Wing喺我心目中嘅地位。」我儘量好聲氣同Chloe講。
「咁你係咪即係求我呀？」Chloe個衰妹，乘機抽我水。
「當係我求你喇。」我開始覺得有啲委屈，如果我係為周穎求緊情，咁我冇所謂，但係而家係為咗June呢個肥婆，搞到我有啲懷疑人生。
「咁好吖，見你咁乖，我就放過個肥婆，你俾番Patrick聽。」Chloe冇再得寸進尺，老實講，如果佢再多多要求，可能我就會忍唔住發火。
我將電話交番俾Patrick，Patrick接咗後同Chloe講咗幾句，就收線上番車，同我揮揮手後開車走咗。
呢個時候化行妝嘅June終於出嚟，見到Patrick冇等佢就開車走咗，怒氣沖沖咁問我：「Patrick做咩無端端走咗㗎，你同佢講過啲咩呀？」
「我冇同佢講過啲咩呀，可能佢趕時間啫。」詳細劇情就冇謂講，總之就救咗你一命喇！
June即刻打電話俾Patrick，但好明顯對方冇接，於是June又再將矛頭指向我：「我俾機會你追我嗰陣你又唔追，而家我有新男朋友你又嚟搞破壞，咁你算係咩意思先！」
吓？好大嘅誤會呀！我純粹係出於好心，唔想你因為我嘅緣故而俾人玩，結果反而被誤會係妒忌心作崇咁，早知係咁就由得你死喇：「你誤會喇，我對你咩意思都冇，只係唔想你俾人玩。」
「我俾人玩關你咩事，而且我咁大個人唔識分咩，我夠知Patrick唔係對我真心喇，但係難得有個靚仔追我，你俾我開心下唔得嘅。」June講到有啲眼泛淚光，原來我從來都低估咗女仔嘅心思，好多嘢其實都唔係我想像咁簡單。
見到June一副成世冇俾人追過嘅樣，我忽然有少少同情佢，因為呢個亦都係我遇到Miss Cheung之前嘅經歷：「對唔住，係我多事，我都係擔心你俾人呃，點知一切都係我枉作小人。」
「阿龍都係關心你，你唔好怪錯好人喇。」雄哥突然喺June身後出現。
「你關心我？」June突然肥臉一紅，雙眼好唔友善咁望住我。
「我係…」我都未講完，June就擰轉臉懶怕羞咁走咗番舖頭，係咪有少少誤會呢？其實我係想講「我係擔心你，唔係關心你。」
「我車你返屋企先。」雄哥冇理自己個女，反而上前搭住我膊頭拉我走。
上到車，喺我想解釋清一切前，雄哥已經板起塊臉問我：「頭先你同Patrick講嘅嘢我聽到晒，你係咪應該講清楚成件事我知。」
於是喺短短嘅車程，我就將Chloe想搵Patrick對付June嘅事講咗俾雄哥知，雄哥出奇地明白事理，聽完冇嬲唔止仲大笑：「咁你條女都幾巴閉，隨手就搵到個咁高質嘅人嚟對付情敵。」
呢樣嘢我都有同感，Chloe一時仲對我好就算，如果萬一有日我哋反咗面，我懷疑佢會買兇𢵌冧我。
「阿女嗰度過兩日就冇事，雖然今次件事係因你女朋友而起，但係你都叫做即刻撥亂反正，所以我就當咩都冇發生過，反而你有個咁把炮嘅女朋友，以後自己要小心啲。」雄哥嘅說話不無道理，望向佢一臉曾經滄海嘅樣，似乎當年都有類似經歷，唔怪得生到個咁嘅女。
落車時見到Chloe架車已經停咗喺屋外，佢仲落咗車同Peter喺度吹緊水，原來頭先Patrick打俾佢嗰陣，佢已經喺Waterloo，只不過唔係喺事發現場。
Chloe見到我即刻撲過嚟攬住我，諗起頭先佢要我喺電話求佢，雖然有少少係打情罵俏式嘅玩笑話，但係都有啲啲唔忿氣，不過有Peter呢個外人喺度，我就暫時唔泡製佢住，反正一陣仲有大把時間。
見到Chloe對我咁熱情，Peter表現到有啲唔自然，唔知係咪我多心，我覺得佢眼裡面好似閃過一絲不俏神色。
唔通佢唔抵得我有Chloe呢個咁正嘅女朋友？咁如果佢知道我仲有周穎，咪激到佢爆血管？我都明嘅，以佢呢啲懶好人緣嘅人，根本就係我呢啲毒男嘅天敵。
因為尋晚Chloe臨收線所講嘅說話，我有啲擔心佢會叫Patrick今日就搞掂June，為咗呢個完全冇興趣嘅肥婆，我竟然變咗冇乜心機上堂，喺心裡面覺得唔抵之餘，亦都諗緊今晚究竟應唔應該向雄哥或者當事人示下警。
返工望見June個冧到爆嘅樣，就知道同佢講咩都冇用，至於雄哥，我亦都唔知點開口同佢解釋，唔通話「我條女見你個女對我有意思，所以搵咗個花花公子嚟搞佢，你叫你個女小心啲。」
好快就到放工時間，Patrick架車已經停咗喺門口，June仲懶得戚咁，話仲有十五分鐘先閂門，要Patrick喺外面等下，跟住走咗去廁所妝身，喺呢個咁千載難逢嘅機會，我決定私底下去解決Patrick。
我話晒斯文人，當然唔係出去打Patrick一鑊，而係好好地同佢溝通下。
Patrick見我行近佢車，先一步落車同我打招呼，神態出奇友善，有冇咁專業呀，唔怪得啲女咁容易上釣，搵佢對付Judy同June真係嘥咗佢。
「你好，Wesley，我係Patrick，真係聞名不如見面。」Patrick雖然好似串緊我，但係我一啲都冇嬲，可能因為佢語氣上有種令人不自覺放下心防嘅奇特魅力。
「我諗你大概都知我想同你講咩，我識咗June唔係好耐，亦都對佢冇乜特別感情，不過我覺得佢阿爸雄叔係好人，所以唔想雄叔因為個女嘅事而唔開心。」我唔知Chloe俾Patrick嘅order係乜，不過應該都唔會係好嘢。
「我呢啲收錢做嘢嘅，老細落咗order唔做足好冇職業道德啫。」我冇天真到覺得講兩句Patrick就肯收手。
「咁你要點先肯收手？」如果Patrick話要錢，咁我唯有由得June去送死喇，反正佢都唔係好蝕啫。
Patrick喺身上面攞個電話出嚟，打通咗後遞俾我。
喺接過電話之前我已經估到Patrick打俾邊個，果然電話裡面傳出嘅係Chloe把聲：「點呀，大情聖，你有咩想同我講？」
「June單嘢不如算喇，其實你知我對佢一啲意思都冇，佢亦都絕對冇可能威脅到你或者阿Wing喺我心目中嘅地位。」我儘量好聲氣同Chloe講。
「咁你係咪即係求我呀？」Chloe個衰妹，乘機抽我水。
「當係我求你喇。」我開始覺得有啲委屈，如果我係為周穎求緊情，咁我冇所謂，但係而家係為咗June呢個肥婆，搞到我有啲懷疑人生。
「咁好吖，見你咁乖，我就放過個肥婆，你俾番Patrick聽。」Chloe冇再得寸進尺，老實講，如果佢再多多要求，可能我就會忍唔住發火。
我將電話交番俾Patrick，Patrick接咗後同Chloe講咗幾句，就收線上番車，同我揮揮手後開車走咗。
呢個時候化行妝嘅June終於出嚟，見到Patrick冇等佢就開車走咗，怒氣沖沖咁問我：「Patrick做咩無端端走咗㗎，你同佢講過啲咩呀？」
「我冇同佢講過啲咩呀，可能佢趕時間啫。」詳細劇情就冇謂講，總之就救咗你一命喇！
June即刻打電話俾Patrick，但好明顯對方冇接，於是June又再將矛頭指向我：「我俾機會你追我嗰陣你又唔追，而家我有新男朋友你又嚟搞破壞，咁你算係咩意思先！」
吓？好大嘅誤會呀！我純粹係出於好心，唔想你因為我嘅緣故而俾人玩，結果反而被誤會係妒忌心作崇咁，早知係咁就由得你死喇：「你誤會喇，我對你咩意思都冇，只係唔想你俾人玩。」
「我俾人玩關你咩事，而且我咁大個人唔識分咩，我夠知Patrick唔係對我真心喇，但係難得有個靚仔追我，你俾我開心下唔得嘅。」June講到有啲眼泛淚光，原來我從來都低估咗女仔嘅心思，好多嘢其實都唔係我想像咁簡單。
見到June一副成世冇俾人追過嘅樣，我忽然有少少同情佢，因為呢個亦都係我遇到Miss Cheung之前嘅經歷：「對唔住，係我多事，我都係擔心你俾人呃，點知一切都係我枉作小人。」
「阿龍都係關心你，你唔好怪錯好人喇。」雄哥突然喺June身後出現。
「你關心我？」June突然肥臉一紅，雙眼好唔友善咁望住我。
「我係…」我都未講完，June就擰轉臉懶怕羞咁走咗番舖頭，係咪有少少誤會呢？其實我係想講「我係擔心你，唔係關心你。」
「我車你返屋企先。」雄哥冇理自己個女，反而上前搭住我膊頭拉我走。
上到車，喺我想解釋清一切前，雄哥已經板起塊臉問我：「頭先你同Patrick講嘅嘢我聽到晒，你係咪應該講清楚成件事我知。」
於是喺短短嘅車程，我就將Chloe想搵Patrick對付June嘅事講咗俾雄哥知，雄哥出奇地明白事理，聽完冇嬲唔止仲大笑：「咁你條女都幾巴閉，隨手就搵到個咁高質嘅人嚟對付情敵。」
呢樣嘢我都有同感，Chloe一時仲對我好就算，如果萬一有日我哋反咗面，我懷疑佢會買兇𢵌冧我。
「阿女嗰度過兩日就冇事，雖然今次件事係因你女朋友而起，但係你都叫做即刻撥亂反正，所以我就當咩都冇發生過，反而你有個咁把炮嘅女朋友，以後自己要小心啲。」雄哥嘅說話不無道理，望向佢一臉曾經滄海嘅樣，似乎當年都有類似經歷，唔怪得生到個咁嘅女。
落車時見到Chloe架車已經停咗喺屋外，佢仲落咗車同Peter喺度吹緊水，原來頭先Patrick打俾佢嗰陣，佢已經喺Waterloo，只不過唔係喺事發現場。
Chloe見到我即刻撲過嚟攬住我，諗起頭先佢要我喺電話求佢，雖然有少少係打情罵俏式嘅玩笑話，但係都有啲啲唔忿氣，不過有Peter呢個外人喺度，我就暫時唔泡製佢住，反正一陣仲有大把時間。
見到Chloe對我咁熱情，Peter表現到有啲唔自然，唔知係咪我多心，我覺得佢眼裡面好似閃過一絲不俏神色。
唔通佢唔抵得我有Chloe呢個咁正嘅女朋友？咁如果佢知道我仲有周穎，咪激到佢爆血管？我都明嘅，以佢呢啲懶好人緣嘅人，根本就係我呢啲毒男嘅天敵。
近排好似少少拖故
為左個肥婆去求番Chloe轉頭
男主真係大愛包容左膠黎
男主真係大愛包容左膠黎
幾驚同june 有下文。。。
June話男主點賠償我損失先…除非
男主都on9既
Peter本身識Chole？
珍
小琪點算
其實個故進度去到幾多%
可能得一半.