『係喎...你喺日本留學返嚟㗎喎~』上次我仲以為肥豬腦細所指嘅外國,係英國、美國、澳洲、加拿大嗰啲外國國家添~
「係吖~我...我有同你講過咩?」Emma眼仔碌碌咁~
『呃...冇~你冇講過吖~第一次講咋嘛~我係聽老闆講過你喺外國留學返嚟囉~』都係唔好同Emma講,我已經經歷過今日...
呢啲咁荒謬嘅嘢講出嚟都冇人信...
更何況都係啱啱先識Emma...一陣俾佢誤會我係痴撚線嘅變態佬,講個大話出嚟唔知想呃佢啲乜咁就唔係咁好...
算啦~過咗今日就會正常~應該係...