上回講到飛揚成條鹹魚咁坐巴士出到旺角。
返到公司大廈,又要同班麻甩佬一齊迫𨋢...
飛揚嘅一生...注定要同麻甩佬糾纏不清...
返到公司開門做嘢!
又要做...又要一個人喺豆腐膶咁細嘅Office做嘢...
做咗一段時間,有人撳鐘喎!
邊個呢?腦細冇咁早返㗎喎...
一睇原來係送嘢嚟!
送…送嘢?送Mac機上嚟?
尋日唔係已經...係喎!明明尋日已經...
飛揚完全搞唔清係咩情況簽收。
等到腦細返到嚟,飛揚就問起...腦細個世侄女...
明明尋日就已經...返咗工...
「我有個世侄女嚟做...我星期五咪講過囉!」老闆皺住眉講。
『我知我知...』飛揚都未講完...
「知就得啦!仲唔快快手手執好張檯佢!佢十點會上嚟㗎喇!」老闆係咁指住檯上面嘅雜物!
『哦哦...』點會...點會...
「仲有部Mac機...執好張檯就Set好埋部機...俾佢用㗎...呀係吖!買咗呢部Mac機今年冇花紅分㗎喇。」老闆一邊行入房一邊講...
花唔花紅都唔重要...(反正有邊一年有花紅分過?!)
最大問題嘅都係...究竟而家係咩情況?!
跟住嘅劇情發展又會係點呢?
準備出文