《十七歲嗰年，我做咗Miss隻兵》

多謝巴打咁你都未衰到最衰無呃埋上床

通常你問返啲女仔當初點解要hurt你 佢都係答返佢比人hurt過想hurt返人 呢啲惡性循環 真係唔掂

咁果啲比你偷心既人 有冇好瘋狂既反應

好彩現任唔知

咁你現任都幾好 咁你地要幸福！

畢咗業好少聯絡 你有特點俾佢集郵先算啦

自介吓有咩特點/長處先啦

無錯，所以個人覺得係咪兵要睇佢係咪真擁有個人嘅心！

Player應該唔鍾意依種架吓嘛

我地拭目以待今晚出唔出到文

樓主加油

開心

Jessi

第六章 （4）

本來二人打算到深水埗街市買菜，可是當他們踏出地鐵站時，天色早已漆黑一片，無奈之下，只好轉戰百佳。

「你要咩菜？椰菜？定西蘭花？」阿祖左手拿着椰菜，右手拿着西蘭花問道。

過了良久，身後的Miss Lam還是沒有反應，阿祖疑惑地回過頭，發現她正盯着屏幕陷入了沉思——我應唔應該打返比佢，同佢Say Sorry呢？Miss Lam心想。

「喂，你諗咩諗得咁入神？」阿祖在Miss Lam眼前揚了揚手問道，目光飄到她手機的屏幕上。

Miss Lam連忙按下鎖屏鍵，說：「吓？無⋯⋯無呀，你啱啱問咩？」

「都唔知係咪嘅，我話，你想食椰菜定西蘭花？西蘭花好似都幾好，睇落幾新鮮。」

Miss Lam把手機放回手袋，說：「你又知？你識睇咩？」

「哇，Miss，你咁睇小我嘅，雖然我成績係差啲，但我未低B到咁嘅。」

「睇黎你無認真上我嘅通識堂啦。」Miss Lam搖搖頭說，繞過手推車走到阿祖身旁，挑起西蘭花來。

「關咩事？」

「香港咁多港孩，連蕉係黃色都唔知，唔識揀菜有咩出奇？同成績無咩直接關係囉。」

「你唔係咁睇得起我，覺得我係港孩呀嘛？係我都想呀，可惜我無咁嘅資本呀。」阿祖笑着說，卻無掩背後的苦澀。

Miss Lam這才想起阿祖的成長背景根本容不得他做港孩。原來，能成為港孩也是一種奢侈的幸福。

「咁揀邊棵好呀，揀菜師？」

「我揀⋯⋯」阿祖看了看手上的菜，又放了回去，看着Miss Lam說：「你。」

「我？」這樣的出乎意料的回答殺Miss Lam個措手不及，阿祖卻點點頭。

死啦，一定係因為琴晚我癡咗線，令佢諗錯隔離，點算好呢？⋯⋯Miss Lam心底盡是後悔，恨不得能回到昨夜把自己狠狠地揍一頓——和自己的學生親吻，還差點⋯⋯

可惜，歷史無法改寫，她只能硬着頭皮面對。

正所謂「逃避雖然可恥但有用」，Miss Lam假裝甚麼事都沒有發生，說：「我又唔食得，認真啲揀菜啦你。我去睇下仲有無肉賣先。」

想𡁻完鬆，當無事發生？阿祖看着Miss Lam的背影，嘴角微微往上揚，心想：唔緊要，來日方長。


踏了萬里路，終於回到那個位於唐三樓的小房子。

「好重呀，你買咁多野做乜？」剛踏進門，阿祖便立刻把沉甸甸的膠袋放在地上。

「輕手啲呀，有雞蛋架。」Miss Lam小心翼翼地扶起地上的膠袋，續說：「咁屋企咁啱無晒啲野，難得又有人幫我拎，咁我緊係買多啲啦。」
「哇，你真係洗人唔洗本。」

「咩呀，就係你尋晚食咗我最後一個公仔面，唔洗還架？只係幫手拎咪益咗你囉，快啲幫我拎埋嗰袋野過黎等我擺埋入雪櫃」Miss Lam說，手正忙着把雞蛋放進雪櫃。

「拿。」阿祖拿着膠袋走到Miss Lam身旁，默默地看着她慢條期理地從膠袋拿出飲料、蔬果、雞肉等放進雪櫃。

除了Miss Lam喝得爛醉的那夜後，阿祖好久都沒細看過這張臉。Miss Lam有一頭烏黑濃密的長髮，很多時候都把頭髮勾在耳後，使那張白皙的臉看起來更棱角分明。

不僅如此，今天看起來好像臉頰的肉還變薄了，使這張臉更尖銳。

大概是因為失戀？阿祖揣測，嘗試從她疲累的眼眸裏找答案。他想起第一次看到她的時候，儘管她努力虛張聲勢，還是無掩眼底裏的閃縮與不安——第一次從老師的臉上看到這樣的神情，這使他感到有趣。

而當一個Band 3的學生覺得你有趣時，便是你惡夢日子的開始，還要讓他發現自己的死穴，更是命不久矣。

於是，他開始拿她私補的事來威脅她，把她玩弄於股掌之中，成為了他枯燥乏味的日子中最大的樂子，漸漸的，他缺席的日子變少了，尤其是有她的課堂的那幾天，不知她有否發現？

「喂，執完啦，你仲企係到做咩？」Miss Lam的聲音從阿祖身後傳來，阿祖才發現她正在洗菜，剩他還拿着膠袋呆呆地站着。

她大概沒有發現吧，因為若Leung Sir不說，他也不會去留意自己的出勤紀錄。

「有無野要幫手呀？」阿祖轉過身問道。

「嗯⋯⋯你識唔識切肉？」

「哼，睇我表演啦，要切一塊塊定一絲絲呀？」說罷，阿祖開始拆起雞肉上的保鮮紙，拿起旁邊的木砧板和銀色的豬肉刀。

「一塊塊呀，唔好太大舊喎，我要整宮保雞丁。」

「哇，唔簡單架喎，咁你都識整？」

「係你地諗得太複雜，順便幫我切啲乾辣椒呀。」Miss Lam從雪櫃頂拿出一袋乾辣椒，放了幾條在碗裏，淘洗後，瀝乾水放在一旁。

阿祖沖洗好雞肉後，開始切起來，可切了幾件後，目光又落了在Miss Lam白皚如雪的雙手上。

Miss Lam的動作總是很慢，慢慢翻開書，慢慢拿起粉筆，慢慢洗菜⋯⋯像樹懶，像樹懶一樣可愛。

「呀。」阿祖感受到左手傳來一陣痛楚，不禁叫了一聲。

「咩事呀？」Miss Lam放下手上的菜，回頭看阿祖，發現他左手的食指正在滴血，驚訝地說：「哇，你流緊血，點算，你⋯⋯你沖一沖水先，我去拎消毒藥水同膠布黎。」

「吓，唔洗啦，我沖沖水，攞紙巾禁一禁就止到血，唔洗消毒藥水同膠布喎。」阿祖用另一隻手拉着Miss Lam的手腕說。

「邊得呀，你睇下你，仲流緊血，成個鋅盤都係你啲血啦，你等我陣。」Miss Lam掙開阿祖的手，走到飯桌旁的雜物架上，翻出了一瓶紅藥水和消毒膠布，可怎也找不到綿花，只好從洗手間拿些化妝綿。

「哇，Miss Lam依啲藥水擦完會成手都紅色架喎，仲衰過唔擦。」

「你唔好咁多要求啦，有藥水你用咪算好囉。你拎啲化妝綿禁一禁住個傷口先啦。」Miss Lam把幾塊化妝綿按到阿祖的指頭上，再把他拉到飯桌前坐下，嘮叨起來：「你做咩咁唔小心呀，切個肉都切到手，頭先仲話好簡單。」

「你唔企我隔離咪無事囉。」

「咁都關我事？你姓賴架？」Miss Lam瞪起雙眼，無奈地說道。

「我為你付出埋鮮血，你點補償我？」阿祖眨了眨雙眼，故作楚楚可憐地說道。

聽到這無賴的話，Miss Lam故意用力按着化妝綿，說：「咁就要睇你流幾多啦。」

「哇，你依個女人，想攞我命呀？」阿祖痛得皺起眉頭。

這時候，阿祖的血流得差不多了，Miss Lam拿開沾滿血的化妝綿，仔細地檢查了傷口一番。幸好，傷口不算太深，不用去醫院，只是豬肉刀太鋒利，才劃出這麼多的血來，稍為消毒一下，不沾水，應該很快就好了。接着，她把紅藥水滴在化妝綿上，小心翼翼地敷在傷口上，以免使傷口受到二次傷害。

看着Miss Lam認真又擔心的樣子，阿祖竟想起自己久未見面的母親。

小時候，在父親還未過生，母親還未染上毒癮時，母親不時都會帶他到公園玩，調皮的他總是跌得自己滿身傷痕，母親從不責備他，每次都會溫柔地為他把傷口上的灰塵吹走，回家後，再小心翼翼地替他沖洗、消毒，還會關心他疼不疼，最後再為他貼上超人膠布。

這段記憶很模糊，模糊得使他懷疑是否真的真實發生過，還是只是他太渴望母愛而發的一場夢？

「搞掂，雖然仲有少少血，不過應該無咩事，坐住等食啦你。」Miss Lam無奈地說，扔掉膠布包裝，重新站到鋅盤前，再沖洗了雞塊一遍，熟練地切了起來。

「一係我幫你洗菜啦。」

「喂喂喂，都叫你坐低等食囉，一陣掂到水又痛又流過咁點算？我唔想陪你去醫院呀。」Miss Lam連忙阻止道。

「坐係到等食好似好衰咁喎。」

「咁呀，」Miss Lam想了想，說：「今日份通識功課做咗未？」

「er…」阿祖的目光閃縮起來，不敢直視Miss Lam。

「姐係未啦，快啲拎出黎做！」

「但我無帶返黎喎。」

阿祖的書包從來都不是拿來放書，空得他都懷疑書包存在的意義。因此，他曾真的試過沒帶書包回校，卻被訓導主任蓮姐抓到教員室教訓了一番，為免再次聽到蓮姐的嘮叨，阿祖決定以後也背個空背包回校。

「有無搞錯呀你，功課都唔帶返黎，」Miss Lam的眉頭輕皺了起來，「唔緊要，我有多幾份，仲帶咗返黎，你去我個袋到攞。」

「吓，唔好啦，」阿祖沒想過Miss Lam竟有此一着，光想想做功課的痛苦便要哀號起來，想盡辦法去逃避，「最多我⋯⋯我幫你做家務呀！」

「唔洗你做呀，你快啲做功課，我唔想聽日又要留你堂！」

「唉呀，我都唔識做，求下你放過我啦。」

阿祖的世界從來沒有功課二字，即使是老師留堂，他也會選擇走佬，如今竟要他主動做功課，簡直是天荒夜談。

「唔做呀嘛？請。」Miss Lam指着門口的方向說。

「唉。」阿祖絕望地嘆了口氣，還是乖乖地拿出功課，心想：你明明咁後生，做咩咁快就煩到成個呀媽咁？
-----------------
幾日無出，出篇長嘅！有無人睇緊？
IG：https://www.instagram.com/jessie_lannn/

期待

一入尼 就有文睇

「咁揀邊棵好呀，揀菜師？」

「我揀⋯⋯」阿祖看了看手上的菜，又放了回去，看着Miss Lam說：「你。」

「我？」這樣的出乎意料的回答殺Miss Lam個措手不及，阿祖卻點點頭。

好叻仔

「我又唔食得，認真啲揀菜啦你。我去睇下仲有無肉賣先。」

想食肉 食阿祖咪得