《十七歲嗰年，我做咗Miss隻兵》

有無人睇緊，下一步做咩好？

加甜！😈

Push

pish

留名

推呀

推推

推

今日星期六 輕輕一推

樓主我想要一篇

推

push

推

推呀推

爛尾？

Sorry呀，最近真係太忙工作之餘仲要寫paper，訓都無時間多謝大家仲幫我推文，希望今晚出到文但其實我成日咁耐先出，大家真係仲會想睇落去？

唔緊要啊 我呢排都好忙 所以忙完見到你話會出文仲開心

第五章 （5）

「去我到訓囉。」

「衰過我姐夫，⋯⋯咩⋯⋯咩話？」阿祖沒料過Miss Lam會拋出這句話，一時驚訝得不懂反應，還在猶豫是不是聽錯了。

「我話，去我到訓囉，點都好過你去搵埋啲三唔識七嘅人呀。」

「咩三唔識七，我同佢識咗好多年囉好無。」

好多年又點？好人好姐叫咩呀草，真係熟嘅就唔會電話號碼都記唔住啦，一定係佢家姐話嗰啲好耐無聯絡嘅街童，咪啦，都係跟我返去，好過去搵咩草呀冰呀嗰啲。

「真係熟就唔會電話號碼都唔記得啦。」Miss Lam小聲地說道。

「你講咩話？」

「我話依到愈夜愈涼呀，我仲要返去改埋你地啲簿添，點呀，你行唔行呀？定真係想露宿街頭？」

「Miss你咁盛意拳拳，係咪想⋯⋯」阿祖突然站起來，一步一步地走近Miss Lam，Miss Lam亦隨之一步一步地往後退。

終於，Miss Lam被逼到燈柱下，退無可退，畏縮道：「你⋯⋯你想點呀？」

阿祖低下頭，哄近Miss Lam的臉，Miss Lam被嚇得緊閉起雙眼，抿緊嘴巴，如在砧板上任人宰割的魚。

微風拂過她的髮梢，淡淡的花香味隨着飄蕩的髮絲在空氣中瀰漫。不知是花香還是她的甜美，阿祖竟開始欣賞起這張被昏黃的街燈灑得一臉黃的臉。

原來這就是初秋的味道。

Miss Lam試探性地微微張開一隻眼睛，眼見阿祖沒有再靠近，才鼓起勇氣張開雙眼。

「你最後，有無覆到你男朋友？」阿祖問道。

「呃⋯⋯你覺得呢，我應唔應該覆佢？」Miss Lam猶豫地問道。

「攞你手機出黎。」阿祖伸出手說。

「做咩？」

「攞出黎啦，我教你點做。」

「真係？」

阿祖點頭。

Miss Lam遲疑地從小袋子拿出手機來，才剛解鎖，阿祖便搶了過來，從通訊錄找出她男朋友的電話，按下封鎖。

「喂，你做咩呀？」

「你Del我電話就得，我Del就唔得呀？何況，我為你好咋。」阿祖打開Miss Lam的WhatsApp、IG、FB等，把她男朋友的Ac一一封鎖。

「喂，你做咩呀！你唔係應承幫我追返佢架咩？」

「係呀，我依招叫⋯⋯」阿祖頓了幾秒，逐說：「叫欲拒還迎，你唔可以咁順攤，咁太無挑戰性，佢係唔會珍惜你，都唔會真係返黎你身邊。」

「係咪架？一陣佢真係以為我想同佢劃清界線，以後唔搵我咁點算？都係唔好啦。」這次換Miss Lam搶回電話，打算按下解鎖。

「你可唔可以唔好咁犯賤？」阿祖按住Miss Lam的手說。

「我犯賤？」Miss Lam重複阿祖的話。

「我唔係咁嘅意思，只係，真係，你聽我講，我一定幫你追返你男朋友，唔得嘅話，我切！」

「你地啲男仔成日都話切架啦，上次你個Frd肥仔文夠話會準時交功課啦，結果呢？呃咗我比佢拎返屋企做，結果咪又係無做到。」Miss Lam鄙視信口開河的阿祖。

「咁我成世無女埋身囉，最多我發誓啦。」阿祖豎起三根手指作立誓的手勢說。

Miss Lam還是搖搖頭。

「咁嘅毒誓都唔信，咁你想點呀Miss？」

Miss Lam想了想，說：「Block咗阿草佢，以後都唔可以搵佢。」

「點解？」

「咁點解我唔可以搵我個Ex呀？」

「都唔一樣，」阿祖知道盲目得可以的Miss Lam不會聽自己的話，也懶得解釋下去，改口道：「好，唔搵咪唔搵，Deal。」
--------------
有無人想知個故事嘅靈感係點黎

想聽靈感來源

第五章 （6）

「好心你，咁高人工，就換個好啲嘅地方住啦，咁長嘅樓梯，⋯⋯想⋯⋯想行死人咩？」阿祖氣喘吁吁地搬着行李，爬了三層樓梯說道。

「呀，有得你住仲嫌三嫌四，真係唔買米唔知米貴，你都唔知出面啲租金幾恐怖！」

「我點會唔知，未住公屋之前我都住過劏房，要行到七樓添，不過⋯⋯好耐之前嘅事lu。」終於走到三樓，走在前面的阿祖站在門前，回頭看還在樓梯間的Miss Lam說。

「聽你家姐講，你唔係同父母住？」

「吓，教我嘅老師都知架喎，你唔知咩？」

聽到這句，Miss Lam想起這學期已過了大半，身為班主任的她竟連自己班的學生的家庭情況都未及了解清楚，突然慚愧起來，還是口硬道：「依家咪知囉。」

「你咁唔了解你嘅學生架Miss，咁唔得喎你。」

「咁你入唔入黎呀？」Miss Lam打開門，打開廳燈，一邊脫鞋，一邊回頭對阿祖說。

「Miss叫到，緊係入架。」阿祖把行李抬進屋裏後，環顧了這熟悉的環境一圈，還是那樣沒有一點變化，甚至連床頭的相架裏的照片亦然。

「你仲放同個Ex嘅相係床頭呀？望到唔會唔開心咩？」阿祖走到床前，拿起相架仔細端詳了一番說道。

「咁忙，邊得閒睇呀，何況，我未得閒執姐。」Miss Lam走到那張堆滿還未批改的工作紙的桌前說道。

「咁我幫你執啦喎。」阿祖拿起相架說。

「好呀，下次呀，你去沖涼先啦。」Miss Lam眼神閃縮道。

「你呢咁？」

「去搵你之前已經沖咗啦。」Miss Lam拿起紅筆，打開筆蓋，熟練地改起筆記來。

「但我肚餓喎。」

「咁麻煩架你。」

「你估我想架咩，我家姐都未比零用錢我。你屋企有無即食面嗰啲呀？請你學生食個面都得掛？最多你話我知係邊，我自己煮，自己洗，唔麻煩你啦。」

聽到阿祖的話，Miss Lam突然覺得這樣的自己好像有點吝嗇，放下手上的紅筆，說：「唉，算啦，你去沖涼，我煮比你食啦。」

「咁好死？你唔會⋯⋯係想乘機落毒報仇呀嘛？」

「係呀，你小心啲，一陣你就命喪九泉，快啲沖乾淨自己準備入殮啦。」

「哇，乜得你做老師做到把口咁毒呀。」

「對住你地依啲學生，無計啦。」Miss Lam不經意瞄到牆上的鐘，已接近十時，連忙把阿祖推往洗手間的方向，說：「夜啦，你快啲去沖涼先啦。」

「做咩咁心急姐你，我連衫都未拎出黎，點沖呀大佬？」被推到洗手間的阿祖無奈地說道。

「係咩，你唔早講？」 Miss Lam的眼珠在眼眶慌忙打了個轉，尷尬地說道，「咁你快去攞啦你。」

然而，當Miss Lam準備踏出洗手間去煮面時，卻被阿祖突如其來、橫在眼前的手臂擋住了。

「定係你其實想睇我咩都唔着咁行出黎？」阿祖靠近Miss Lam的耳邊問道。

敏感的Miss Lam頓時打了個顫，微蹲下來，像玩過火車瓹山窿，滿是青筋的手臂，回過頭，紅着耳朵說：「瘦到皮包骨咁，非洲兒童有咩好睇？我⋯⋯我去睇Netflix好過。」

害羞起來的Miss Lam與平日凶神惡煞的模樣判若兩人，那種反差感更是可愛，使阿祖看着Miss Lam落荒而逃的背影不禁笑了。


「沖好啦，食得未呀？」

過了大約十分鐘，阿祖已洗好了澡，這時Miss Lam才剛把家中僅餘的出前一丁和幾顆牛丸找出來，水都還沒燒開。

「又會咁快嘅你。但水仲未滾喎，你睇唔睇Netflix架？一係一齊睇住Netflix先？」Miss Lam說道，目光仍駐足在Netflix上的The Kissing Booth。

「Miss，你知唔知問個男仔睇唔睇Netflix係咩意思？」阿祖抹着濕潤得還在滴水的頭髮，坐到Miss Lam身旁問道。

「咩意思？」這時Miss Lam才把目光移到阿祖身上，才發現阿祖沒有甚麼脂肪，使皮膚下的肌肉，即使沒勤加鍛煉，也約隱約現的，像穿了透明蕾絲的女人一樣教人垂涎三尺。

Miss Lam怕被阿祖誤會，連忙把目光重新挪到電視屏幕上，說：「唔知喎，依家咁涼火，好心你着返件衫啦。」

雖然Miss Lam這次沒有再臉紅耳赤，可阿祖還是能感受身體僵硬的她在緊張，便把頭伸到她面前，再問道：「真係？」

看着阿祖那張稚嫩的臉，還有瑣頭下緊緻的胸肌，雖然不宏偉，卻剛好是Miss Lam喜歡的那種。

她男朋友的身材也大概如此。
------------------
咁耐無出文，出多少少，請繼續推文

出多篇啦
唔係依個位停下話