【宋詞漫談】小二，黎一碗東坡肉！(多圖餓撚勿入)

巴打下幾POST係咪會講下詩詞歌賦嘅歌架?

其實歌都幾難講
因為始終表演藝術嘅嘢
係要表演先得嘅
同埋好多古音樂都失傳

我目前諗法係
詩＞詞＞曲＞小說咁落去
文章方面，諸子散文其實好有代表
所以思想方面都會Keep住開
等完一次成個過程，可能會入現代文學

咁長遠嘅

提前問下 曲又係咩黎

曲係元代最出名
所以會係唐詩宋詞元曲清小說咁講
曲其實即係戲劇咁，我地就係讀佢嘅故事

咁粵劇關唔關佢事?
係唔係由佢衍生出黎

算呀！
元曲入面有「折子戲」
好多粵劇入面嘅曲目，都係源自元曲
好似《踏雪尋梅》、《倩女離魂》、《趙氏孤兒》咁

巴打到底識幾多野

一牆之隔：古典愛情之空間意象
讀東坡蝶戀花(花褪殘紅青杏小)

正文第三章

蝶戀花
花褪殘紅青杏小。燕子飛時，綠水人家繞。枝上柳綿吹又少，天涯何處無芳草！
牆裡鞦韆牆外道。牆外行人，牆裡佳人笑。笑漸不聞聲漸悄，多情卻被無情惱。

早期嘅詞作，可以統稱為「伶工之詞」
王國維云：
「詞至李後主而眼界始大，感慨遂深，遂變伶工之詞而為士大夫之詞。」
「伶工之詞」即係酒女歌伎所唱嘅艷曲小詞，內容多數：
1.閨怨(男性幻想女性有幾慘)
2.鄉愁(遊子之思)
3.別情(代擬之作)
最大嘅特色係「非抒己情」，九成FF
係詞作入面，見唔到作者嘅影子

古人對呢堆講愛情，咁多FF嘅詩詞評價唔高
因為唔係「詩言志」嘅自我抒情，又同政治無關
呢種睇法，係到近代五四之後先一大逆轉
甚至將愛情詩放係最高嘅地位
愛情詩詞入面，東坡呢首作品絕對係一流嘅


花褪殘紅青杏小。燕子飛時，綠水人家繞。枝上柳綿吹又少，天涯何處無芳草！

睇古典詩詞嘅景物描寫，一定要記得以下八個字：
景不孤生，因情而出
即係話，古人寫景好少係獨立咁寫
往往係因為作品入面嘅情而作襯托嘅

上半片似乎剩係描繪緊大自然嘅風景
咁樣有咩意思係入面呢？
「花褪殘紅」，花已經凋謝啦
「青杏小」，但果實開始成長啦
枯死、生長，有生生不息嘅意味

「燕子」，秋離春回，代表春季嘅降臨
春天往往都意味愛情嘅渴望
萬物生長，水映照旁邊嘅青草，就好似化成綠色咁
柳綿四散，愈吹愈少，會唔會搵唔到值得托負嘅土地呢？
東坡就用一句：「天涯何處無芳草」作答
芳草四圍都有，做咩要為一棵樹放棄成個森林呀！


牆裡鞦韆牆外道。牆外行人，牆裡佳人笑。笑漸不聞聲漸悄，多情卻被無情惱。

人活係空間，其實同時係到創造空間
例如你自己間房咁，都反映緊你嘅人生
建築係文化嘅直接反映，影響到人與人之間嘅關係
下半片嘅重點在於「牆」，一牆之隔
隔阻男女嘅溝通，封閉左大家見面嘅可能
係一個好好嘅例子，講中國古代嘅男女愛情點樣受空間影響

＜詩經．將仲子＞：
「將仲子兮，無逾我牆」
李商隱詩云：
「紅樓隔雨相望冷，珠箔飄燈獨自歸」
有形嘅「牆」，係用無形的禮教和社會階層堆疊出黎
男女之間嘅交流，唔係咁易架

牆可以阻擋人，但擋唔到人對外界嘅好奇心
對愛情嘅渴望，千古以黎又有咩可以改變到呢？
「牆裡鞦韆牆外道」正係表達呢種意思
古時女子愛玩鞦韆，試想像係高牆嘅圍堵之中
燕子飛天在上，水流之聲繞過耳朵，柳綿盪來盪去
或者只為看一眼外面嘅殘紅青杏
盪高到望到一眼牆外嘅世界

咁牆外嘅男子呢？
「牆外行人，牆裡佳人笑」
聽著女子盪鞦韆嘅笑聲，可聞而不可見
更加令人FF呢位女仔有幾正
呢種笑唔係為左其他人而笑，係一種純粹嘅呈現
但竟然卻引來痴心男子嘅等待，直至「笑漸不聞聲漸悄」

「多情卻被無情惱」
漸漸一切聲音都消失
得返男子自作多情嘅煩惱
其實，我地又何嘗未試過暗戀其他人
嬲自己對呢個人嘅一言一行點解咁留意
又嬲佢點解無發現自己對佢嘅深情
如果呢一首「牆」無左，唔知我地有冇可能呢？

新一頁出新文
就快無哂貨

有關文學空間之「牆」更多閱讀：
身世與愛情的雙重墜落 讀李商隱春雨詩
http://deliver90.blogspot.tw/2017/04/ep17.html

樓主介紹三個文人性格都獨當一面

羊脊骨點薄鹽去燒咁識食

羊脊骨點薄鹽去燒咁識食

痴線
講真識食過我呢位現代人

樓主介紹三個文人性格都獨當一面

我地講陶淵明果陣
有話東坡好鍾意陶淵明
和左成百幾首詩
我地之後可以分析吓佢地嘅同異

前赤壁賦

建議巴打可以擺之前開過嘅post係第一頁
好野要多啲人知

前赤壁賦

呢兩篇都必講
不過慢慢黎

新post留名支持

建議巴打可以擺之前開過嘅post係第一頁
好野要多啲人知

好呀，下次再放
我放左blog架啦
入面有哂又方便睇

新post留名支持

歡迎巴打回歸

今日過到呢頁再出新文

推一推

建議巴打可以擺之前開過嘅post係第一頁
好野要多啲人知

好呀，下次再放
我放左blog架啦
入面有哂又方便睇

已完結：
陶淵明系列
http://deliver90.blogspot.tw/search/label/%E9%99%B6%E6%B7%B5%E6%98%8E
李商隱系列
http://deliver90.blogspot.tw/search/label/%E6%9D%8E%E5%95%86%E9%9A%B1
持續更新：
荀子系列
https://lihkg.com/thread/144278/page/1
梵高系列
https://lihkg.com/thread/141337/page/1

蘇東坡是個秉性難改的樂天派，是悲天憫人的道德家，是黎民百姓的好朋友，是散文作家，是新派的畫家，是偉大的書法家，是釀酒的實驗者，是工程師，是假道學的反對派，是瑜伽術的修煉者，是佛教徒，是士大夫，是皇帝的秘書，是飲酒成癮者，是心腸慈悲的法官，是政治上的堅持己見者，是月下的漫步者，是詩人，是生性詼諧愛開玩笑的人。

我最欣賞嘅蘇軾畀林語堂屈鳩佢係工程師
真係好撚慘，咁有才華都做啲咁卑賤嘅嘢
真係深表同情

蘇東坡是個秉性難改的樂天派，是悲天憫人的道德家，是黎民百姓的好朋友，是散文作家，是新派的畫家，是偉大的書法家，是釀酒的實驗者，是工程師，是假道學的反對派，是瑜伽術的修煉者，是佛教徒，是士大夫，是皇帝的秘書，是飲酒成癮者，是心腸慈悲的法官，是政治上的堅持己見者，是月下的漫步者，是詩人，是生性詼諧愛開玩笑的人。

我最欣賞嘅蘇軾畀林語堂屈鳩佢係工程師
真係好撚慘，咁有才華都做啲咁卑賤嘅嘢
真係深表同情

我諗林生無貶意嘅，佢成本都係咁讚東坡
工程師都唔叫卑賤啦，東坡係做點人起嘢果個，唔係做苦力
歷史上東坡真係參加過唔少建築工程，起個臺，又整過防堤咁

lm

lm

多謝巴打支持

中文系留名
讀過下詞選 專家詞咁

中文系留名
讀過下詞選 專家詞咁

專家詞讀邊個？

lm

lm

多謝絲打留名