可不可以，讓我再選擇多一次 ［愛情/甜］

語音入錯字

文呢？

今日樓豬有野搞
聽日補返5篇以上俾大家

約左susan搞野？

唔知呢

第四十章 救求

雖然話係暑假，但係上到高中，好自然個暑假就唔係攞黎玩，而係攞黎補課同補習，畢竟要準備dse，我諗就算自己其實唔想去，但都會心不甘情不願咁去。

阿程今日個行程勁Chur，朝早要去補課，下午就要上YYLam嘅堂。正當佢好掙扎咁希望自己提起精神去上YYlam嘅堂嘅時候，突然間有一個陌生嘅電話號碼打俾佢。

阿程並無理會，話哂上緊堂，又唔係識嘅人，九成九都係啲廣告啦。點知嗰個電話又再打過黎，阿程唯有走出個班房去聽個電話。

「喂？你係邊個？」阿程問

「我係琳琳嘅朋友啊，佢而家個人暈暈地，你可唔可以接佢返屋企？」

「吓？頭暈？你地喺邊？」阿程聽到琳琳唔舒服之後，個人開始緊張喺黎。

「我地喺銅鑼灣地鐵站嗰度啊，你方唔方便過黎？」

「好，你俾十分鐘我，我喺附近。」阿程入返班房，連堂都唔繼續上就執返啲書同筆入背囊之後跑住咁過去地鐵站。

「你就係阿程？咁我交低琳琳俾你，我有事要走先。」琳琳嘅朋友同阿程講。

「好，唔該哂你，bye bye」簡單地同琳琳嘅朋友講完之後佢就攞埋琳琳嘅袋。

喺佢面前嘅琳琳連眼都無張開喺度坐低休息緊。

「你點啊？有乜唔舒服？點解會暈嘅？你無食野？」阿程連珠發炮咁問咗琳琳好幾個問題

「係啊...今日未食過野，所以咪見暈...」琳琳用一把好軟弱嘅聲答返阿程。

「好啦好啦，我送你返屋企啦好無？」阿程好擔心咁講

「不過話說你個friend點解會知道我嘅存在嘅？你唔係Block咗我㗎咩？」阿程有啲疑惑

「係啊，佢地喺我個聯絡人入面揾到你個電話，所以咪打咗俾你。」

「哦原來係咁...好啦唔好講嘢啦你，喺車度瞓陣先啦，到我會叫醒你㗎啦。」

望住琳琳瞓著覺嘅樣，阿程忍不住用手去摸下琳琳嘅頭，幾個星期無見就搞到咁，真係好難令人唔擔心佢。

有文了大家，我會繼續補返俾你地

第四十一章 解封

「到啦，起身啦傻妹」阿程拍一拍佢膊頭叫佢起身。

「嗯...到啦咁快？」琳琳好不情願咁起身。

「好啦，你返到屋企記得食嘢先好休息啊，唔係你又會暈㗎啦一陣。」阿程再次叮囑琳琳

「知道啦，bye bye」

「oh shit，我唔記得咗叫佢unblock返我，屌...」喺琳琳已經返咗屋企之後阿程突然醒起

「叮～」電話突然響起

「今日多謝晒你啊，無咗你我真係唔知點好...」原來係黎自琳琳嘅message

「唔使，我話過只要你需要我，我永遠都你喺你身邊㗎嘛，快啲去休息啦」阿程雖然講就咁講，但其實佢見到琳琳unblock咗自己，不知幾開心，喺電話面前傻笑

不過佢依然唔係好明點解琳琳要block咗佢，有乜值得佢嬲咁耐。但其實琳琳嬲嘅唔係阿程無揀到佢，而係嬲自己咁樣搶咗人男朋友。由細到大都俾人教話唔可以做第三者嘅佢，而家面對住自己中意嘅男仔變得有啲不知所措。佢好憎自己咁樣去搶人地男朋友，但無奈自己對阿程嘅依賴實在太大，無咗阿程喺佢身邊，佢做咩都覺得自己唔開心。就算其他人幾咁努力想令佢開心都好，都無阿程嘅一句說話咁有威力。或者呢個就係愛情嘅威力？

第二朝琳琳再為琳日發生嘅事向阿程道歉，因為佢覺得自己俾到麻煩阿程

「對唔住啊，琴日麻煩到你...我真係唔知可以揾邊個我先叫我個friend打俾你㗎咋...」琳琳再同阿程講

「做咩要道歉啊傻妹，咁你唔舒服都無人想㗎嘛...」阿程睇到呢句心入面其實幾爽

「咁始終真係麻煩到你嘅...」

「得啦，好少事啫，你想報答我嘅話咪唔好再block我囉」

「好啦...」其實琳琳本身係想等佢同阿程無得再接觸，大家慢慢忘記大家。但其實根本無可能做到，因為佢成個腦都係阿程。

不過至少阿程唔需要再諗點樣去揾返佢，都算係一件比較好嘅事黎嘅，有麻煩嘅時候可以直接揾佢。但對琳琳黎講就好似一個無限輪迴咁，令佢自己好矛盾，失去理性。

加速

今晚會再出

而家我要打機

第四十二章 報應

阿程一直都好享受同時間同兩個女仔發展，喺佢心目中Kristy係一個好乖嘅女朋友，一切一切都好順自己意，亦都滿足到阿程嘅性需要。但阿程發現呢排Kristy好似同自己嘅朋友行得好埋，不過係因為Kristy有History嘅功課要人教，而咁啱阿程個兄弟就有讀歷史，咁阿程就叫佢個兄弟去幫下手。

點知，呢個決定將會令佢後悔

阿程嘅第六感係好準確，每一次會出事之前佢都會感覺到。又或者係佢感受到Kristy 對佢有啲唔同咗，所以佢就感覺到好似有事發生咗。

佢等Kristy去廁所嗰陣打開佢Whatsapp揾到佢兄弟嘅contact，其實阿程心入面好十五十六，因為如果真係有咩事嘅話，佢都未知點處理好。不過阿程好清楚佢應該係有啲野，所以阿程唔係一個一個咁去check而係只check一個人。

㩒到入去佢地嘅對話，出事了....

「點啊？你下咗啖氣未？」

「幫你含完之後再錫落去佢度，乜氣都下哂啦。」

「嘩，你都仆街㗎喎」

「鬼叫佢成日溝女，而家乜鬼都報哂」

阿程一路睇佢地嘅對話隻手一路震，Kristy去完廁所返入房望到阿程睇佢手機，佢心知不妙

「你唔需要解釋，我睇到哂，我只有一個問題就係你地有無屌過」阿程盡量冷靜咁樣去問

「無」Kristy異常平靜咁答返佢，大概係因為佢一早估到阿程遲早會知。

阿程奪門而出，雖然唔開心，但反而一啲想喊嘅意欲都無。但個腦海入面就充滿住Krsity幫佢兄弟含撚嘅畫面，阿程越唔想諗，但腦就越諗。唔識點樣面對嘅佢約咗佢嘅英文補習老師今晚見。雖然話就話係補習老師，但其實佢地咩都傾，又要約出街食飯，感覺上係似朋友，不過有時候會幫手補下習咁樣。

阿程仲未知應該要點處理，返到屋企呆咗起度，佢只係知道要同琳琳講返

「我女朋友俾綠帽我帶，點做好？」

「吓？你有無事啊？你而家喺邊？」平時嘅角色好似互換咗咁，今次由琳琳擔心阿程

「我諗無事掛？無喊應該無事？」

「你要唔要我陪下你啊一陣？」琳琳少有咁約阿程

「唔使啦，我一陣約咗個英文補習老師，佢應該會同我傾下計」

「好啦咁，你有咩想講就再同我講啦好無？」

「嗯」曾經阿程以為就算同Krsity分手佢都唔會唔開心，仲應該會同琳琳喺埋一齊。但原來唔係，就算自己真係唔係好愛Kristy但都有放過感情落去。

人非草木，誰能無情

阿程嘅腦海入面只係得返一片空白，佢完全無諗過要點行下一步。原諒佢？分手？阿程唔知

陪著你恍似背後有一千個他
這懸崖何時會墮下 難盛載到三個吧

https://youtu.be/_M_q-QBsKe8

大家係咪好估唔到
唔知一陣又會同miss發生乜事

都無扑到，點甜

甜 唔該

第四十三章 開解

「喂阿程，你點啊？」Kate 一見到我就開口問我

「我都唔知啊，我可以點啊...」阿程一路嘆氣一路答返佢

「我之前就幫你補英文，而家仲幫你埋補埋感情啊？我都係大你少少咋弟弟，唔好以為我係感情大師先得㗎」Kate 帶住諷刺嘅意味同我講

「得啦，我只係想要人陪下我，去Bar飲杯野？」

「你決定啊，我無所謂」

之後阿程同佢去咗IFC附近嘅一間酒吧飲野，雖然阿程未夠18，但佢個樣生得比較成熟，所以從來都無人質疑佢嘅年齡

買咗野飲嘅佢地開始佢地嘅對話

「點啊，你同你女朋友發生乜事？」

「唉，我都唔知。我就係有感覺佢會俾帽我帶，之後就check佢手機，真係俾我發現佢同我兄弟俾帽我帶。」

「你帽嘅意思係？對我係有關係先叫帶帽喎？...」Kate越講越細聲

「係啦，佢幫我兄弟含撚啊，仲話含完錫落我度乜仇都報哂」

「嘩，而家你地啲後生仔女嘅感情生活都幾亂下....」

「咪講到我地先係咁，你唔係大我好多㗎咋，姐姐！」阿程不滿咁駁返佢

「咁你而家諗住點處理？分手定喺返埋一齊？」Kate試探性咁問

「我都唔知啊，你俾啲建議我？」飲完一啖啤酒嘅阿程答

「我建議你分手啦，呢個女仔唔值得你再放時間落去啦。加上你成個人好佢咁多，喺埋一齊都唔會耐啦。淨係外表，你都好佢好多啦」Kate 開始認真分析

「你都知感情有時候唔係睇分數而係感情㗎啦，我原本都以為發生呢啲事我一定會忍唔到，但唔知點解我好似想原諒佢。我明明唔係咁中意佢，我都唔知點解自己會咁難受，我而家先知難過嘅最高境界係欲哭無淚，連發洩都無得發洩...」

Kate見勢色唔對，嘗試轉移話題

「唔好講你啦，講下我。我其實都唔係好得過你好多，不過我人生入面都有個同我亦師亦友嘅補習老師，佢唔單止教我中文，仲會帶我去玩，又會睇住我㗎」

「咁你而家係咪要承傳落去做我嘅補習老師？」阿程笑住咁問

「算係掛？我一早都唔係當你係學生咁簡單啦，我由你f2個人仲矮過我，到而家高我成個頭，我一早當咗你係朋友」

阿程諗深一層「都係嘅，真係俾你教咗好耐，不過我嘅英文仲係好屎，唔似你」

「咁你上堂就要努力啲啦，做哂我俾你嘅功課啊」

「得啦得啦，唔好講呢啲啦今日」

不得不說阿程天生酒量好好，飲咗好多都未醉，反而Kate飲咗幾杯就到頂無再飲落去

「阿程你咪飲咁多啦...小心飲醉啊」kate提醒阿程

「得啦，我唔會醉嘅，我知自己飲唔飲得」阿程仲喺佢面前逞強

話口未完，就醉咗...

Kate帶咗阿程去酒店

加速

乜你咁諗人㗎

第四十三章 巧合

「喂，阿程你唔好醉啊，我點樣帶你返你屋企啊？你咁重我唔夠力喎大佬，我又唔知你屋企喺邊，你係咪撚鳩我啊...」儘管Kate有幾大聲去叫啊程起身，但醉咗嘅阿程根本一啲反應都無。

「唉...唔飲得就唔好飲咁多啦好心你，俾人帽都唔使咁㗎...我而家都唔知點搞好，唔通我要喺度等你醒咩...唯有的你去我屋企先...」

幾經辛苦，Kate終於帶咗阿程返佢屋企，點知啱啱入到門口，阿程就喺佢門口嘔咗出黎

「點啊你，你係咪特登玩我㗎，早唔嘔遲唔嘔，就係入到我屋企先嘔到成身都係」

「唔好意思...」嘔完嘅阿程好似清醒咗少少，但個人都仲係好軟弱無力，不過佢都盡力嗰Kate道歉。阿程係一個好唔中意麻煩到人嘅人，有乜唔開心佢通常都係收埋自己一個唔會同人講，因為佢唔希望自己成為人地嘅負累。

Kate唔忍心見到阿程成身嘔吐物咁樣瞓喺地下度，所以佢唯有用盡九牛二虎之力幫佢換衫，不過Kate屋企又無男仔嘅衫，所以唯有俾條毛巾佢叫做包住個身。

搞完一大輪嘅Kate望住喺自己張床瞓緊覺嘅阿程，心入面喺度諗「其實佢都幾靚仔啊，鼻又高下巴又生得好，除咗隻眼細啲之外，五觀都幾好睇啊...做乜要為一個女仔飲醉到咁呢，佢要溝個第二個一啲都唔難啊...真係傻仔黎嘅...」

「點解你地兩個都要咁對我啊...每次都係咁...想要有個人對我好有咁難咩...係我唔好我中意琳琳都仲拖住你...」阿程開始飲醉酒之後亂講野

「但我真係好中意你㗎琳琳...只係我覺得我哋之間無可能...」

本身呢啲說話都無乜問題，但重點係Kate個名最尾一個字都有個琳字，令到飲咗酒Kate開始亂諗嘢

「阿程中意我？佢幾時開始中意我㗎？」

「我真係中意咗你好耐...由f2開始我已經好中意你...只不過我地差太多...」

「F2咪啫係佢開始補我嗰年？差太多係指我地嘅關係一個係學生一個係老師？...」種種嘅巧合令到Kate相信阿程真係中意佢

「唔好講咁多野啦，好好咁休息下啦傻仔...」Kate幫阿程攞咗張被等佢唔好冷親然後自己再去沖涼

一路沖涼Kate一路諗阿程啱啱講嗰一番說話

「阿程佢真係中意我？雖然我地平時都會約出街食飯又會傾計，但我一直都以為係朋友之間嘅關係...如果佢係中意我我應該點處理...拒絕佢之後見到面咪好尷尬？但唔通答應佢咩...我地差六年又師生戀...雖然佢都算靚仔嘅...但咁真係好嗎？」

呢個問題佢諗咗好耐，但沖完涼吹完頭嘅Kate仲要洗埋阿程啲污糟衫，唔係阿程聽日起身就會無衫著，搞下搞下都四五點先搞掂哂。

「唉，終於搞掂哂瞓得」

呢個時候嘅阿程反而開始醒醒地...

阿程起身發現自己無著衫得返條底褲，心諗唔係掛，而家TVB咩玩酒後亂性...但佢又唔敢直接問Kate

「我琴晚無做啲咩啊可？...」阿程試探試咁問

「你自己做過啲咩唔知㗎咩？仲要問我」Kate一諗起阿程琴晚嘔到一地都係就嬲嬲地

「...」唔係掛阿程心諗，我真係同Kate扑咗？...

文呢

打緊

第四十四章 解釋

「sorry...你無事啊嘛？...」阿程向kate道歉

「無事，好少事啫...我幫你洗緊衫，下次唔飲得就唔好學人飲咁多啦，嘔到周圍都係，下次我收你錢㗎」

「下？嘔？屌，我仲以為...」

「你喺度諗咩啊咸濕仔」Kate拍一拍阿程個頭

「無啊...咁我見我起身嗰陣無哂衫褲，得返條底褲...咪以為...」

「咪玩啦阿程，你係個好男仔黎，點會做埋啲咁嘅嘢啊。」

「想問下我啲衫幾時洗完，而家咁好怪...」

「十分鐘就乾啦，你瞓多陣先？」

「唔瞓啦，我俾返張床你啦，我坐下就得」

阿程攞起手機，分別收到由琳琳同Kristy嘅十幾個message

琳琳

「你點啊，無野嘛？」

「你揾friend飲野飲咁耐嘅？」

「飲完同我講聲啦...」

「去咗邊啊你？唔好嚇我喎...」

「你飲醉酒？你好少唔同我講goodnight㗎...」

Kristy

「我知道我無得解釋...」

「對唔住...」

「你理下我得唔得？...就算係鬧我都好...」

「我發誓我以後會對你更加好㗎...我唔會再對你唔住...」

「俾多次機會我得唔得...我真係好愛你...」

阿程望住呢堆message一啲覆嘅意欲都無

「你覺得我應該揀邊個？...」阿程問Kate

「如果你真係要我揀，我會叫你兩個都唔好揀，揾過個新嘅」

「嗯...都啱嘅...」

不過無論如何，阿程都打算去見一見kristy，因為就算分手都好，都想當面講清楚。

「你一陣間得唔得閒？」阿程問Kristy

「得啊，你想喺邊見？我屋企？」Kristy好快就覆返阿晴

「都得，無所謂。」

「咁十二點？你要唔要食嘢？我可以煮俾你食。」Kristy為留住阿程，當然會出盡渾身解數去留住佢愛嘅人

「你中意啦，我無所謂」阿程呢個時候其實無乜心情去理食咩，佢只係想盡快解決件事佢

今晚有甜