可不可以，讓我再選擇多一次 ［愛情/甜］

未啊邊有咁快
我諗一半左右

係咪有ntr

嘩 臨結婚果日先尼玩到咁大

唔知會點發展呢

推 快啲出文

樓豬我呢幾日應該要頹廢下
啱啱同longd女朋友分手
俾少少時間我

加油樓豬

我今日應該會出一篇
但我要諗下個故事而家要點寫落去

等到你心情好返再出都冇問題，不過樓主 下個更可愛

多謝巴打
Long d害人不淺

我都經歷過，的確係好撚難受
不過亦都證明左拍拖係敵不過LongD

特別係個武漢肺炎搞到無得見

唉垃撚圾武漢肺炎 累人累物 害人不淺。

第五十章 婚禮 中

聽到呢度嘅阿程都有啲不知所措，原來一直以來自己無相信到嘅嘢都係真嘅，原來琳琳一直都喺度等緊自己踏出一步，但仲可以做啲咩？佢一陣間已經要註冊

「唔好講呢啲嘢啦，你一陣間仲要結婚㗎。」懦弱嘅阿程唔知點覆好

「我知道，我講下啫，但我想知道你中唔中意我？...」琳琳自知改變唔到，但佢都想知道阿程嘅心意

「你想聽真話定假話？」阿程每次面對住琳琳嘅問題都會咁問返佢，而琳琳無一例外都係答真，但呢一次佢選擇咗假話，因為佢想令自己死心。

「但我決定要講真話」阿程用堅定嘅眼神答琳琳，因為佢知道再唔講，講以後都無得講。

「由中學到而家，我一直都咁中意你，我拍咗咁耐拖都無結婚，就係因為我要等你結婚先，去守我嘅承諾，我愛你，XX琳」阿程一口氣講哂出嚟

面對住阿程，琳琳嘅淚水開始流落黎，亦都抱住咗面前呢個一直喺佢心入面十年嘅男仔，從前嗰個矮過自己又瘦嘅男仔，今日已經係一個高過自己差唔多一個頭而又有一身好睇嘅肌肉嘅男人，但可惜佢地點都無得一齊，那怕只係一分鐘。

抱咗一陣之後，琳琳終於放返手，因為有其他人喺屋入面，雖然大家都知道佢地關係好，但咁做始終唔係幾合適。

「傻妹唔好喊啦，你今日大喜日子，應該要開開心心㗎，今日發生嘅事，就當係我地之間嘅秘密好無?」阿程順便幫佢抹走面上嘅眼淚

「嗯，好啦」為勢所迫嘅琳琳其實都無得揀。現實之中有會有幾多個那些年去搶新娘，更多嘅係默默咁樣承受。

一世人係得一次機會，但阿程唔再好似以前咁樣，愛情行先。今時今日嘅佢，更加識得大家所謂嘅大局為重，無謂令到件事咁難睇。

婚禮如常進行，無搶新娘嘅出現，亦無天使扮死神去打救阿程。

一切都越黎越接近阿程夢寐以求嘅一刻，拖住琳琳入教堂。雖然唔係阿程娶琳琳，但能夠有呢個機會，拖住琳琳入教堂，已經係阿程最想做到嘅嘢

「我將佢喺呢度交俾你，代表我同時將保護佢嘅責任都交咗俾你，希望你地可以繼續咁sweet。而最緊嘅係琳琳佢嘅幸福。佢係一個好好嘅女仔，佢唔奢求啲咩物質生活，但我都希望佢可以過一個幸福嘅生活。」阿程同琳琳嘅未婚夫講

不甘心 尤其這新婚 就像玩犧牲
想過搶新娘 我差點講真

樓豬文呢

樓豬

Hurt到核爆

原來佢話對你無感覺係hurt過俾人帽
我第一次為女朋友喊成咁

話冇feel就冇feel 女人變心快過新幹線

真