我是你的誰
2020-10-23 13:53:43
第七十章 可不可以 再讓我選擇多次
去到外國嘅阿程好快就適應咗外國嘅大學生活,唯一唔適應嘅係無咗Evelyn 喺身邊。
或者係無咗嗰一種親密接觸又好,或者係所有事都要自己一個去面對,無咗嗰種需要嘅感覺,Evelyn 幾個月之後就同阿程提出咗分手
其實分手之前佢地都有嘈過幾次交,內容大概係講兩個人覺得對方唔夠重視自己,覺得段關係變咗
阿程接受咗佢分手嘅提議,但唔係因為阿程唔愛佢,而係佢知道咁樣拖落去只會令到Evelyn 更加辛苦,佢一早就發現到Evelyn 有分手呢個念頭
阿程一開始會覺得自己係受害人,因為係對方向佢提出分手,但慢慢就發覺其實兩個人無話自個啱邊個錯。佢仲記得嗰一晚係佢聽過Evelyn 喊得最撕心裂肺嘅一次,未必係因為Evelyn 仲好愛佢,而係因為佢都有喺呢一段感情投入過,認真對待過。最後行唔到落去都唔係佢想發生嘅事,奈何longd對佢黎講真係行唔通
呢一次分手一分就令阿程個人沉咗幾個月,其實喺外國讀書呢幾年,阿程都有識到唔同嘅女仔,但始終都無一個人俾到心動嘅感覺佢。但呢一種感覺,係佢每一次見到Evelyn都會感受到
三年過去,阿程返到香港,佢諗咗好耐到底約咗約Evelyn出黎好,話就話分手做返朋友,但其實分手之後佢地都已經好耐無講過野,阿程都唔知Evelyn 而家有無男朋友,諗咗好耐,終於諗到個藉口去約Evelyn 出嚟
「你今個星期六得唔得閒?」阿程打完呢一句,諗咗好耐先敢send出去
無耐,Evelyn 就覆返佢
「做咩?」
「仲記唔記得以前我話過要帶你去迪士尼?點知我地plan好嘅前一日,佢就封咗去唔到,所以想帶你去返次當係守承諾」
Evelyn唔傻,佢知道阿程有咩目的,佢都諗咗一陣
「吓?唔使啦,都過咗去」
「你咪當俾個機會我守承諾囉」阿程好厚面皮咁問
「好啦好啦」Evelyn 最後都係心軟答應咗阿程
星期六出到黎之後,兩個人原來已經有三年無見過大家,大家都有好大嘅轉變,但唯一無變嘅係Evelyn 俾到阿程嗰一種心動嘅感覺
明明大家都好熟悉大家,但呢一次見返反而好似好尷尬咁,或者係因為佢地已經唔係佢地以往習慣咗嘅男女朋友關係,又或者係太耐無講野
「你呢幾年嚟點啊?」阿程一路行嗰陣嘗試令個場面冇咁尷尬
「都幾好啊,下年grad啦」Evelyn好客套咁覆返佢
「咁就好啦」阿程都唔知點覆返佢
兩個人一直行,阿程雖然有好多野想講,但係佢好怕咁講會嚇到Evelyn
入到去迪士尼,有個工作人員問佢
「先生,買個頭飾俾女朋友啊?好襯佢喎」
呢一句令兩個人都有啲尷尬
「呃..佢唔係我女朋友...」
「哦,唔好意思呀,不過你地好襯哦」
阿程同Evelyn 就行開咗
迪士尼係Evelyn 由細到大都好想去迪士尼,但一直都無機會去,所以都算係夢想成真
兩個人玩下玩下就無咁尷尬,開始放低咗介心
臨走之前,阿程問Evelyn
「我知我地分開咗好耐,你又覺得我地有好多地方都唔夾,但可唔可以再俾多次機會我地?」
Evelyn 都無諗過阿程會咁講,佢一直間都唔知點答應佢好,一方面係佢地分手嘅主因係longd,但佢地咁耐無見過,可能阿程都唔係原本嗰個阿程已經
但到最後,佢都係選擇同當年一樣,再一拖起阿程隻手,放膽再試一次
無幾耐佢地就去咗琳琳嘅婚禮,一切一切都好似好順利咁
但幾個月後有一晚琳琳call阿程出去,就係講自己結咗婚之後所有唔開心嘅事,仲話想離婚,問阿程會唔會同佢一齊。但呢一刻阿程已經準備緊同Evelyn求婚
阿程喺腦海浮現返以前同琳琳經歷過嘅事,或者當初有其中一個決定唔係咁懦弱,個結局就會唔同哂
但佢知道對琳琳嘅感情同對Evelyn嘅唔同,一個係要守護佢,一個係真正愛情嘅感覺,但到而家佢唯有拒絕琳琳
可唔可以 俾我從頭選擇多一次?