可不可以，讓我再選擇多一次 ［愛情/甜］

序

大家一定都聽過話同你結婚嘅人其實唔一定係你最愛嘅人，佢只係一個最合適嘅人。
到底合適同愛又係咪可以重疊？

每個人由情竇初開之後就一直追求一生中嘅最愛，相信每一個人都會受過情傷，有啲人或者可以放低再從新追尋自己所愛，但有一啲人會跌落一個萬丈深淵入面，一跌不起。
而你，又揾到到自己嘅最愛未？

第一章 婚禮前夕
「喂，聽日琳琳結婚啦喎，你要準備嘅嘢準備好哂未啊，到時就靠你拖佢入去㗎啦。」

電話入面傳黎嘅係Jessica，佢係琳琳嘅好姊妹，由中學就識到而家，理所當然地佢嘅婚禮緊係有佢份幫手籌辦。

「得啦，識咗我咁耐，你有邊次見到我做野會有甩拖㗎啫，定啲啦。」我一路準備聽日要著嘅西裝一路同佢講。

「其實呢，你真係無野想同佢講？」

佢突如其來咁樣問我，我停低咗然後諗咗一陣

「有啊，祝佢幸福囉，我都可以放下心頭大石，唔使再成日為佢擔心呢樣擔心嗰樣。」
我故作鎮定咁樣答返佢。

「你係真至好啊，過埋聽日就無得再俾你後悔㗎啦。」

「得啦，聽日見啦，咪咁囉嗦。」 之後我就順手cut咗線

執完聽日要用嘅嘢，我坐咗喺自己張床度，深深地吸咗一口氣，又慢慢地將啖氣噴返出黎。
係囉，其實我有啲咩應該要同佢講呢聽日？

「祝你以後幸福快樂？我嘅任務已經告一段落，你嘅將來就交俾阿輝佢㗎啦。」呢一句嘢喺我腦海入面其實已經練習過幾千次，但唔知我聽日講唔講到出口呢？

算啦，一切都塵埃落定，我再點諗其實都唔會改變到呢個事實，不如沖完涼早啲瞓好過啦。
話說唔記得咗要介紹自己，我係阿程，而Jessica 口中嘅琳琳，係我由小學三年級識到而家嘅「朋友」，又或者用「家人」黎形容我地嘅關係，好似會比較適合一啲。

一諗到聽日佢就要嫁俾人，好似點都瞓唔著，就索性攞返起個手機黎睇下。

我有個習慣，每一次我失眠嘅時候，都會碌返以前同佢嘅對話黎回憶下以前發生過嘅嘢。
又打開喺note save低嘅WhatsApp 對話，又一次諗返起我同佢之間嘅點點滴滴。

第二章 相遇

仲記得小學嗰陣我有參加過乒乓球隊，不過就打得好普普通通，可能我對乒乓球本身就無乜天份。

但係就係喺呢度，我遇上咗我人生中最重要嘅人，琳琳。

教練通常都會將一個場四張乒乓波枱或分為四個區域，勁嘅就打第一同第二個區，贏嘅就上去，輸嘅就落一個區。

我永遠都係喺第三同第四個區域嗰度。

而佢，就永遠都係第一嗰區。

我好似同佢無乜緣份咁，但就係一次偶然之間我地喺第三張枱度相遇。

「乜咁啱啊，你都會喺度？」我帶有少少諷刺嘅意味去問佢。

「唔好提啦，今日唔得點解打得好差，搞到要落嚟陪你地呢班人。」

「我哋而家好失禮你咩？」我有啲不滿咁問佢
「唔係失禮，只係浪費時間啫。」

佢嘅回答激起咗我心入面嘅勝利慾，我喺心入面暗自發誓一定要打贏佢，唔可以俾佢睇死我。

而出到嚟嘅結果顯示咗點解一直以來佢都係喺第一張枱度打，而我喺第三張枱。
我係輸咗比11比4。

呢個就係我對佢嘅第一印象，打波好勁。可以話係所有女仔入面最勁嗰一個啫。

第二次對佢有印象嘅時候，就已經係小學六年級嘅交流活動，我地代表學校上廣州去交流。交流團嘅最後一站係一個陶瓷市場，俾我哋買一啲手信帶返香港。我喺一個陶瓷市場買咗隻好細嘅公仔，打算當做手信送俾阿媽。

上到車準備開車嘅時候，佢突然間話我手上面攞住嗰隻公仔好得意，可唔可以送俾佢。嗰一刻，唔知點解覺得送俾佢咪送，反正都係幾蚊買返黎又無乜所謂。就係咁，我地算係有咗第一次嘅正式交流。

留名

話說要等甜嘅巴打要等多陣，大家都唔想阿程衰11㗎

認得巴打

正正正 今次到我爆你肝

唔好啊，我仲要打機㗎屌

皮已正 走唔甩㗎啦

10個正皮加一更
不過下一更可能短少少

正評一下

第三章 申請好友

話咁快就黎到小學畢業，但其實放榜嗰一日我一啲都唔緊張。

因為我喺小學嘅成績本身就唔錯，全級180個人入面我考50左右，而最後一次考試更加考到全班第4，全級第24嘅成績。

加上我一早就有直資學校收咗，所以嗰一日對我黎講只係例行公事，反正都知張紙上面係寫住邊一間學校，攞完就去同阿媽食個美心早餐輕輕鬆鬆又一日。

嗰陣啱啱開始興用Facebook，不過我因為屋企好嚴，所以好少俾我用電話電腦嗰啲。

不過反正都畢業，不如開個account黎add返啲朋友睇下上咗中學之後仲keep唔keep到份感情。

碌碌下Facebook 嘅時間見到

「呢個咪上次交流團我送咗個公仔俾佢嗰個女仔？」

「乜佢原來叫XX琳，Icon張相望落去都幾靚女喎，不如試下send個friend request 睇下佢會唔會add會做friend。」

就係咁，我㩒咗落咗request度

開始咗我同佢咁多年黎發生嘅咁多事。

第四章 交流

佢好快就accept咗我個friend request 。

可以係因為佢認得我送過隻公仔俾佢啦，等我send個message 問下佢考入咗邊間學校先。

「Hello，認唔認得我？你考入咗邊間學校啊？」

「唔好意思，我想問下你係邊個？」佢問返我
我心入面喺度諗，你唔識我做乜又accept我個friend request

「我係上次交流團送咗隻公仔俾你嗰個男仔啊，你記唔記得？」

「唔好意思，我真係唔係好記得你係邊個。」
佢呢一個回覆就好似一盤冷水淋咗落我個頭度。

不過唔緊要啦，咪當從新識過。

「我叫阿程，係同你同一間小學㗎，係呢你放榜入咗邊間學校啊？」我問佢

「哦，原來係小學嘅人。你可以叫我做琳琳，我入咗XX女書院啊。」

「呢間學校好勁㗎喎，乜原來你運動又得，讀書又得㗎？」

「算係啦，話時話你入咗邊間？」

「XXX書院」

「你嗰間都係名校黎㗎喎，你讀書睇黎都唔差。」

我地開始咗我地第一次嘅對話

可能因為佢生得幾得意又靚女，我慢慢成日會揾佢傾偈吹下水。

求幫推

第五章 消失

係咁樣嘅情況之下傾咗幾個月。

我發現我自己慢慢開始對佢有啲依賴，事無大小我都會同佢講。

而係升咗中學之後因為由本身嘅中文小學突然升咗上英文中學，而我本身嘅英文都唔係好好，所以讀起上黎好吃力。

第一次考試個成績仲要係全級尾十，父母自細就對我有好大期望，當然接受唔到呢個瀕臨留班邊緣嘅成績。

所以接住落黎嘅半年我俾人安排咗去上好多唔同嘅補習班，每星期一二四五都要上堂。而星期六日又要學音樂同運動，唯一可以放鬆少少嘅日子就係星期三。

喺咁樣嘅高壓情況之下，我每一日覺得可以放鬆到嘅時間就係同琳琳傾偈嘅時間

「屌，考試考衰咗啊，而家被迫要日日都去補習，真係好撚煩...」

「唔緊要啦，下學期考返好，咁你父母咪唔會再迫你去上堂囉。」佢安慰返我

「唉，講就容易，而家全部野都變哂做英文，根本都聽唔明上堂喺度講緊啲咩，仲話要考返好真係天方夜譚。係呢，咁你考成點？」

「還可以啦，不過不失」

「不過不失啫係排第幾，我記得你小學都考得幾好㗎？」我追問佢

「Erm....全級第三」

「全級第三都叫不過不失？我有你咁嘅成績我就唔使咁愁啦。」我帶有少少不忿嘅語氣同佢講

「咁啱好彩啫呢次，不過成績係點都唔係最重要啦。我相信你下次一定會考返個好嘅成績嘅。」

「唉，望就咁望啦...」

自從嗰一日之後，唔知點解佢開始hea覆我，一係就雙tick，一係就覆「55」「ok」「yes/no」

我嘗試過好幾次去問佢發生乜事，但佢只係覆返我話「nothing」。

而佢最後一次覆我嗰句係「我做緊geo project」

呢一句之後，一斷就斷咗差唔多兩年幾。

「做成點啊你個project?」
「仲忙緊？」
通通都無覆

我諗緊都諗唔明點解決明明之前仲可以有講有笑同秒回。

突然之間個轉變就咁大，過多陣仲要變埋得返單tick 。

當時嘅我同佢又無乜共同朋友，所以我都唔知喺邊度可以揾到佢。

直到有一日突然間收到一個message

大家有睇嘅可以留個名，你地每一個留言同正皮都係俾我一個動力去寫落去

第六章 懷疑

「你唔好再煩住琳琳得唔得啊？你憑乜同佢做朋友？人地當你係兵咋傻仔。」

「你係？...」我一時仲未俾到反應佢

「我係邊個你唔需要理，你總之唔好再煩住佢就得。你唔好諗住賴蛤蟆食天鵝肉啦，你照下塊鏡，你矮又矮過佢，運動又廢過佢，讀書又咁屎，你唔係覺得人地對你有興趣啊嘛？」

我無再覆到呢個人

可能真係俾佢講中都唔出奇，我又憑乜去煩住人呢？叻又唔夠人叻，又無乜野特別出眾。佢又點會對我呢啲人有興趣

但係點解佢要收我兵？

一直以來我都好似無為佢做過啲乜，最多都只係出過一兩次街，真係收我兵咩？

我俾到啲咩著數俾佢？點解對我無興趣又唔早啲講？點解唔可以自己親口同我講？

我心入面有一萬個不解，但我一直都無機會去親口問佢到底發生乜事。不過可能都係好事黎嘅。如果問完都係同一個答案，咪只會更加瘀，反正佢block得我就係唔想我揾佢，咁咪順下佢意囉。

呢個問題一直喺我心底纏繞咗好耐好耐，仲要無一個正式嘅答覆。

不過補習班都係要上嘅，返學都係要照返。

上咗成半年地獄式嘅補習之後，我嘅下學期成績表終於出爐

179/197

屌，都係考得咁差，不過好彩升到班。唔係返屋企真係俾老豆打死都似

結果返到屋企都係要俾人鬧

「179名？我俾咁多錢你補習你考個咁嘅名次返黎？你羞唔羞恥？我俾幾萬蚊一年你讀屎片？」

「...」呢啲時間我當然係唔好出聲，忍下等佢鬧完就係算啦

「你下年再係考成咁，我唔會再供你讀呢間，你返去啲公立學校讀啦。」

其實我心入面有好多野想駁返佢，但咁細個嘅我又邊敢，唔怕俾人打咩

返到房之後我又開始send message 俾嗰個永遠得一個tick嘅對話

「唉，下學期都係考得好差啊，又俾老豆話...」

「唔使諗你實係考得好好啦，不過你咁勁考得好都好正常啫...」

「其實到底點解要block咗我呢，我諗唔明...」

當然，我無收到任何回覆

gchi

多謝

第七章 恩師

呢位王sir係我中一嗰陣嘅班主任

而佢個花名係廢華，因為佢嘅英文係真係出奇地廢

佢第一日入黎班主任自我介紹就係用「I is Mr Wong」令到成班進入一個要止笑嘅狀態

不過佢平時上堂都係講廣東話

大家可能會好奇點解英中教書會用中文？

其實好多老師教書都係用中文，只有喺見到校長巡班房嘅時候先會改返用英文。

嗰陣佢係負責曲掍球隊嘅老師，佢有一招好出名嘅「華之手」，就係將隻手搭咗你膊頭，之你叫你入隊

當然我喺佢嗰班都唔例外，就係咁我唔知點解就入咗曲棍球隊

曲棍球本身就係一個小眾嘅運動，所以唔算太多人參加，但係多得佢，每一年都有大量form 1俾佢叫咗入黎打，所以成績都算還好，仲攞過一次學屆冠軍

不過一般人打波都係想做前鋒中場入波，因為可以威嘛，但我偏偏就唔同。

我覺得企喺一隊波最後面作為佢地嘅守護神都唔錯啊，加上本身反應都算快，所以就俾王sir叫咗我去守龍

因為上一個龍門去咗外國讀書，所以好好彩地，我form 2已經有得打正選代表學校出戰

頭幾場都叫做好順利咁贏咗對手，因為一班師兄嘅實力都好足夠，所以都好輕鬆，我又唔係好多野做。

去到小組賽嘅最後一場，隊手係場場大炒對手十幾球嘅連續幾屆冠軍。

佢地可以咁做係因為佢地係一間南亞人嘅學校，佢地本身有好多人由細打到大，更加有一啲新移民係由外國過黎，之後報細數。所以對手嘅身形平均都比我地大一個碼以上。

好理所當然地，我地輸咗6:1

不過好好彩小組賽之後都無再對到佢地，我地都好順利殺入決賽

毫無疑問地，決賽對手都仲係呢一隊

入到決賽，明知大家實力懸殊，但又有邊個唔想攞金牌？

好好彩地上半場我地一開波就入咗兩球，正當我地以為有機會贏到嘅時候，喺上半場尾段一次心散就俾隊手搏到一個short corner ，對放由底線傳出黎，前鋒接好個波一射。個波就撞咗落個龍門入面發出清脆嘅一聲「嘭」喺完半場前追近成2:1

Short corner 示範
https://youtu.be/_ZrLxvZKvAk

黎個早更

晨早一推

每個留言都係我嘅動力黎