第四十八章 現實
一直回憶緊嘅阿程終於頂唔順瞓著覺,而第二日佢係要六點起身。
可能係頭先睇到太攰,所以阿程基本上都瞓得好好,無乜點瞓到一半就醒一醒。
朝早起身,沖涼係佢每一日起身必做嘅嘢,唔知幾多人有呢個習慣,但對阿程黎講呢個係代表將最好嘅自己present俾人睇。
唔知點解呢個moment 阿程覺得有啲似那些年嘅感覺,去揾自己嘅沈佳宜。但自己又唔係拍緊電影,邊有咁多搶新娘嘅決定啊,至少我一定唔會咁做。更何況自己都有女朋友,搶到又死,搶唔到仲死...
阿程揸車出發去太古嗰邊準備去琳琳屋企。
「叮噹~」
打開門嘅係Jessica
「咁早啊你?唔係約八點?而家先七點半?」
「係啊,買咗早餐過黎俾琳琳食嘛,睇佢琴晚都唔肯食野希望一陣望落瘦啲架啦」
「果然最知佢心嘅都係你。琳琳,有個陌生人買咗早餐俾你食啊」
聽到陌生人呢個字,心入面又諗返起,當然用黎同琳琳聯絡嘅IG 名正正就係stranger
「買咗咩食啊你?」呢一刻嘅琳琳望住我笑,唔知係見到我開心,定一陣結婚開心?
「無啊,買咗M記咋,豬柳蛋啱唔啱?」阿程問琳琳
琳琳心入面有少少唔開心,因為佢以為阿程會記得自己唔中意食蛋
「我記得,你唔中意食蛋嘛,走蛋㗎」
琳琳聽到呢句之後終於笑返
「你又記得嘅?」琳琳一路攞住個包一路問
「你嘅嘢,我從來都唔會唔記得㗎啦,咩都可以唔記得,唯獨你嘅嘢我一定記得」阿程講完都知自己唔應該咁講,畢竟琳琳過多一陣就係人地嘅老婆
「你地兩個咪喺度講埋啲肉麻野啦,我喺度㗎...」Jessica 突然間插嘴
琳琳嘅阿媽喺房入面行出黎
「hello auntie,我叫阿程啊」
「哦,我記得你啊,嗰年你幫琳琳搬野入hall嘛?」
「係啊Auntie,你咁好記性」阿程有一個好特別嘅技能,就係長輩緣非常好。
將頭髮梳成大人模樣
穿上一身帥氣西裝
等會兒見妳一定比想像美
https://youtu.be/KqjgLbKZ1h0