我是你的誰
2020-07-20 08:38:29
第十二章 選擇
我諗咗幾日,我都未諗到到底應該要點去處呢呢段感情
答應佢?但我又唔知自己係咪中意佢,如果後尾發現唔中意嘅話,咁我咪好仆街?喺度玩人感情
拒絕佢?但如果我之後發現自己係中意佢呢?咁咪好嗟?有食唔食,罪大惡極喎?...
最後,我都係決定拖住先,反正又對我無乜壞處。
同埋,有個女朋友都好似無乜野唔好啊?又有個人每日都好關心我,好似都幾好啊?唔係咩?有邊個人唔想俾人愛
第十三章 重新遇見
雖然話乜都俾琳琳block哂,但我都會隔唔中掃IG睇下佢有無unblock我
就喺我同Kristy 開始咗兩個月之後,我突然發現佢IG unblock 咗我
「我無眼花啊嘛?佢unblock咗我?」
「我應該點做?send個message 去問下佢發生乜事?但咁會唔會好怪?」
「但我真係好想知發生乜事,我真係唔想死得咁不明不白。」
於是,我都係鼓起咗勇起去dm佢
「Hello ?」
「Hi」佢一如既往地hea覆我
不過唔緊要,有覆我其實已經好好
「你終於unblock返我啦?」
「嗯...」
「你呢兩年黎點啊?」
「還好啦,無乜特別。」
我問唔問佢點解會block我好呢?但佢想講嘅話其實係咪會講?我咁樣追問落去好似都無乜意思
最後我都係無問落去,一黎怕俾佢覺得我煩,二黎又怕知道真相...
「你有女朋友啦?見到你IG個post 」
「係啊,一齊咗一個月左右。」
喺我心目中又喺度諗,我係咪唔應該要同Kristy一齊?等我可以試下同琳琳發展?但佢unblock我又唔代表佢對我有興趣,算啦,我都係唔好諗呢啲嘢住
出奇嘅係,自從我地講返嘢之後,佢好似多咗主動會關心我又或者同我分享下關係佢嘅嘢
「你睇下momo佢幾得意!」
「乜原來你有養狗㗎?佢幾多歲?」
「係啊,我由細養到大㗎,佢係一隻鬆獅犬。」
「佢係仔定女?」
「仔黎㗎,佢個樣唔似仔咩?」
「似唔似我就唔知啦,不過我而家就知原來你中意狗公啦」
「乜你咁講野㗎!我幾時有中意狗公啊!」
「咩啊,Momo咪狗公囉」
喺呢個時候,我收到Kristy 嘅message
「不如聽日去烏溪沙睇下心型石囉?好唔好啊?」
「好啊,你中意啊,我無乜所謂。」
我是你的誰
2020-07-20 11:41:44
第十三章 見家長 上
「好熱啊今日,成三十幾度...」我同佢講
因為由細到大我都好容易就流汗,所以熱少少就已經會成件衫都濕哂
「我有帶電動風扇仔啊,你要唔要吹下?」
「喂好啊,估唔到你咁細心」
「攞住啦傻仔,明知自己大汗又唔帶多件衫黎,一陣實臭死我啊」
「好臭啊嘛!」我將佢抱到實,仲錫咗落去
「臭唔臭啊,話我好臭!」
「唔臭啊,仲好有安全感...」佢紅住面咁同我講
我地去到心形石嘅時候
面前一片頹垣敗瓦...
我地再上網search先發現原來幾日前俾人拆咗...
「對唔住啊,要你白行一趟...」佢向我道歉
「唔緊要啦,反正我同你去邊都開心嘅,今次無咪得佢有返先再黎影過囉」
「好啦...不如我地去食個下午茶?我有少少肚餓」
「好啊,反正我都行到攰攰地想休息下」
就係咁,我地去咗一間大快活度食咗個下午茶之後就送佢返屋企
去到佢屋企門口嘅時候正準備要同佢講bye bye嘅時候,最怕嘅事發生了...
Auntie突然之間喺門口走出黎「Hello,你就係阿程?我有聽阿女提起過你啊,麻煩晒你煩佢返屋企啊」
「erm Auntie你好啊,唔麻煩,我應該嘅送佢返黎,咁你俾佢同我出街我都應該要確保佢安全返屋企㗎嘛」
「不如留喺度食個飯?如果你唔介意嘅話」
「咁既然佢主動問我,我都好似無理由去拒絕佢,我唯有同我阿媽講聲我唔返黎食飯...」