《只有做愛的時候我才聽得見聲音》

今晚仲有冇文？

等睇晴晴醫好Alex

我覺得alex係心結
只要解開左就好翻

「Hello先生，阻你少少時間，我地公司依家做緊優惠，1000m光纖極速上網，每個月…」一名女生拎住宣傳單張，行埋嚟俾Alex面前推銷。

「咦！Alex，乜係你呀，咁啱嘅？」

而呢個女仔咁啱就係晴晴。

由於晴晴無化妝，Alex注視左幾秒才認得出對方。

素顏嘅晴晴少左一份艷俗，多一份清純，反而仲靚過化妝嗰陣。

晴晴用電話快速打字：「你嚟油麻地做咩呀？」

「買CD，你又嚟喺度做咩？」Alex在自己電話上打字。

「Sell寬頻囉，你有無興趣幫襯下？」

Alex搖頭拒絕。

晴晴扁起嘴，表示失望：「咁你考慮成點呀？有無諗住幾時同我簽約？」

Alex想回覆「無，還在考慮中。」，而就喺佢打緊呢段字嗰陣，突然有人大嗌：

「走鬼呀！」

四五個差佬大搖大擺出現，過嚟捉「走鬼檔」。

一班無牌小販為左逃避差佬檢控，紛紛慌忙走佬。

其中一個魁梧壯漢抬住裝滿紙皮箱，盲盅盅向住Alex撞埋去：「頂！借歪啦！唔好擋路啦仆街！」

Alex聽唔到有人嗌，無第一時間作出閃避，好彩身旁嘅晴晴反應及時，立刻拉佢到一邊閃避。

只但係現場太混亂，佢地都閃避時唔小心被人撞到。

因而導致出現接下來青春片常見一幕：

晴晴退到埋墻邊，身旁嘅Alex唔小心「Kick」啲地下舊石，不由自由撲向女方，結果唔單止係壁咚咁簡單，直頭係佢成個人嘴左埋去。

背靠墻壁嘅晴晴同Alex嘴唇貼嘴唇，彼此眼神對望左幾秒後，二人不約而同互相彈開。

晴晴即刻擰轉身抹一抹嘴唇，塊面紅到好似個蘋果咁。

至於Alex成個人就呆左，唔知點反應好。

呢個尷尬嘅場面大概維持五秒。

Alex見何管家開車已駛到路邊，佢send左句「再見」去對方電話，然後就行左上車。

晴晴收到嗰句「再見」，慢慢用眼尾睄下後面，見到對方上左車離開後，先至擰返轉面。

佢塊面仲係好紅，心情仍未能平復。

另一邊廂嘅Alex上到車，先戴返個電單車頭盔。

佢坐嘅係四個轆嘅寶馬，並唔係電單車，然而戴頭盔嘅原因係，自從嗰次意外車禍後，佢搭親車都有恐懼，一定要戴返個頭盔先會令佢有返少少安全感。

佢就無好似晴晴咁面紅，只係覺得塊面有啲熱，呢個可能係戴左頭盔嘅關係。

啱先場面確實有啲尷尬，但仔細諗下其實都無咩好尷尬呀，佢兩個琴晚連床都上過啦，全身都睇過曬咁滯，家下錫到下嘴，其實都無咩大不了啫。

完全就唔需要尷尬。

咁樣諗完之後，Alex好快就忘記左件事。

出左了

睇埋落去就知

正想知alex決定包唔包晴晴

明天待續，敬請期待

留名Alex幸福賓州

pish

Lm! 題材有趣

推～

幾時有文?

接住嗰幾日，分別都有兩個model嚟到佢屋企「試鐘」。

兩個model身材和樣貌都幾好，床上都算「交到貨」。

美中不足嘅地方係佢地一個就有口臭，一個就無端端用手指插佢屎眼，嚇到鳩縮咁滯。

Agent一路keep住都有send啲model資料過嚟俾佢睇，但呢水啲model質素比較參差，睇得上眼嘅唔算多。

最後經過一番考量，左思右想後，Alex決定都係揀晴晴做合約床伴。

「咩話？真係架？你地真係同我簽約呀！哈哈哈哈！太好啦！」

晴晴收到何管家嘅通知，開心到彈起，仲嗌左出聲，搞到咖啡店周圍嘅客人都望曬過嚟。

依家嘅佢喺女僕咖啡店度返緊工，呢份係佢嘅正職。

私影model、酒吧侍應同寬頻推銷員都係佢啲兼職。

「咁我地幾時簽約呀？」晴晴問。

「聽日如果你得閒，咁就過嚟簽約架啦。」何管家答。

「得呀得呀，朝早定下晝？」

「咁聽日朝早十點，有無問題？」

「好呀，無問題！」

「咁聽日見，bye bye。」

「bye bye，聽日十點見，我會準時架啦！」

「晴晴，咩事咁開心呀？笑到笑見牙唔見眼咁。」一名年輕女僕侍應行過嚟問，佢係晴晴嘅同事兼好友。

「佳瑩，今次我發達啦！」晴晴喺佳瑩耳邊細細聲咁講佢被Alex包養嘅「好消息」。

「下！你講真架？你傻左咩？出賣肉體呢啲咁蝕底嘅你都做！」佳瑩一時激動，說話大聲左少少。

「Shh—細聲啲，唔好咁張揚。」晴晴做出「噓」嘅手勢，「唔蝕底架，一個月有九萬呀，好筍架！」

「為左錢咁樣出賣身體好似都唔係幾好掛？」

「呢啲無話好唔好嘅，最緊有錢袋姐，哈哈…」

「喂喂喂！你兩條友打完牙骹未呀？快啲去做嘢啦！」咖啡店老闆走過嚟訓斥二人。

呢刻晴晴開心到就算被老細鬧都仲笑得出：「老細，我聽日想請一日假得唔得呀？」

「下？你上個禮拜先請完假，聽日又請？」

「係呀老細，我個妹聽日結婚呀，我要參加婚禮做伴娘，所以要攞一日假。」

「你個妹唔係上上個月結左婚？今個月又結多次？」

「Er…上個月呢…」晴晴努力諗緊藉口，「哦~我記得啦，你話上個月，上個月係我堂妹，聽日係我表妹結婚，唔一樣架。」

「一時表妹一時又堂妹，你有無咁多個妹呀？」咖啡店老闆表示懷疑。

「真架啦老細！哎呀，唔同你講啦，我去做嘢先啦，總之我聽日放一日假，記住唔好扣我人工呀！」講完，晴晴行開去隔離檯幫人落單。

咖啡店老闆其實早就知晴晴喺出面keep住都有秘撈，只係見對方喺鋪頭幾幫得手，又吸引到啲宅男嚟幫襯，先至唔炒佢魷魚。

到左第二日一大早，晴晴搭車入清水灣，踏正十點準時到達。

more more
好玩唔玩 玩屎

何管家帶佢入書房，Alex已經喺裡面等候，檯面上都準備好有兩份合同。

「你睇一睇份合同先，有咩唔明可以問我地。」何管家遞上熱茶。

晴晴花左兩分鐘睇完份合同，問：「工作時段上面話係夜晚九點到十二點，即係我淨係需要喺呢個時段出現，其他時段唔喺度都無問題？」

「無錯，你每日淨係喺呢個時間出現就得啦。」

「哈，咁正喎，咁我咪可以繼續返café…」晴晴細細聲自言自語。

「仲有無其他問題？」何管家問。

「有呀有呀！點解上面無寫我有得放幾多日假嘅？同埋遲到嘅話會唔會扣錢架？如果扣嘅話，咁會扣幾多呀？」

「你每個月有四日月經假，除此之外，其他日子你都要過嚟，無得放假。至於遲到問題，我少爺絕對希望你可以每日準時，遲到多過十五分鐘我地就會扣錢，每十五分鐘就扣兩百蚊。」

「唔係掛，每個月得四日假，遲十分鐘仲要扣咁多錢？」

「如果你覺得條件唔合理，你可以唔簽。」何管家解釋。

Alex靜靜坐喺一旁，望住晴晴問個不停，佢心諗明明之前啲女仔好爽手就簽左份嘢，因乜解究佢就咁多問題問。

「唔係呀，我都係問下啫，一場嚟到我點會唔簽約呢。」晴晴澄清，「我仲有個問題係，到時我過左三個月試用期，咁有無人工加架？同埋假設我每個月都無請假，會唔會有勤工獎或者獎金拎架？」

「呢啲都係我地合同無標明嘅嘢，所以係無嘅。」

「咁可唔可以加落合同呀？例如加個一千蚊勤工獎？」晴晴問。

「Er…呢層…」何管家無諗過晴晴會咁要求，一時間唔識答。

Alex用手語問何管家張約係咪有乜問題，何管家將晴晴嘅要求解釋一次。

一千蚊勤工獎？Alex重複一次何管家嘅動作，確認自己無睇錯。

佢用一隻食指戳一下掌心，呢個係表示一千蚊嘅手語動作。

好似晴晴呢種愛財（難聽啲即係貪錢）嘅女人佢都唔係第一次見，但嫌九萬蚊都唔夠，簽約時咁直接要求加多一千蚊勤工獎嘅，就真係第一次見。

而Alex嘅答案，當然係no。因為九萬蚊已經好多，根本唔需要再加。

晴晴見Alex臉上有一絲不悅之色，驚對方嬲左會唔同佢簽約，於是打圓場話：「哈哈，其實呢我都係口痕講下，大家唔好放上心。」

講完佢就即刻喺合同上簽名。

Alex都簽埋名之後，雙方就正式變成主僱關係。

晴晴亦正式進左Alex嘅世界。

簽約完何管家順便帶埋晴晴到醫院上子宮環，至於筆費用當然都係由Alex出。

本來晴晴諗住簽左呢邊，時間可能會唔方便，打算咖啡店嗰度轉兼職，不過依家得知Alex呢邊淨係每晚返三粒鐘，換句說話，即係就啱下啲時間咁能兼顧到兩邊，能同時揾到兩份錢，甚至連其他兼職都可以繼續做。

話曬錢係無人會嫌多，有錢賺就算辛苦啲兩邊走都唔緊要。

呢晚，係晴晴第一晚以合約床伴身份上Alex度，而佢差少少就遲到要扣錢。

時間係夜晚九點十四分，本來要九點出現嘅晴晴仲未出現。

條女多野講到有啲煩

係有少少煩膠

Push 好睇！

文吖

今晚

睛晴遲到
大大力屌
同我好好懲罰佢

遲到要罰喎

主角條Jer由左至右勃起未