《只有做愛的時候我才聽得見聲音》

以男主性格，佢最在意係俾佐$有冇應有的基本服務（工人，性伴etc)。一冇服務/犯幾次同樣的錯就扣人工/炒人（好似男主前任性伴）。

男主算關心同容忍晴晴 （但把口唔認，同堆算唔上愛晴晴），收留隻狗，問候晴晴身體，至少算唔上絕情。講得難聽d , 男女主有利益輸送，連朋友都未必可以算上。係佢眼中晴晴就係貪$，仲係特別貪$/貪小便宜（至少前期係），對呢d人好難講心唔講金。你冇$俾晴晴，佢都唔會做工人啦？？

晴晴就明顯係沉船，唔洗解釋。

晴晴諗左一諗，問：「假設我真係有咩事，唔能夠再做你嘅合約床伴，咁你係咪會揾第二個人代替我？」

男主又唔知晴晴沉船，加上晴晴本身就係佢用$請的床伴關係 （利益輸送，又唔係sp or 女友，咁都要呃呃氹氹？），其實你想佢點答？

唔通答： 我會等你你好返，我淨係想屌你？

講都唔信la, 自己都呃唔到自己la, 佢做愛一部份原因就係聽音樂，仲有對男主，音樂>做愛

等文等到好苦

樓主加速吖

以男主性格，無可能會冇端端氹女仔。如果男主會答or 唸 "我會等你你好返，我淨係想屌你？" （可能佢會係屌完其他女先會咁唸），佢就一定係在意，甚至係愛晴晴。如果咁都唔係沉船，咁我就唔知咩係沉船。

又要4點先有文

寫完，執下就出

出未

LM
live 咗

蒼白嘅白燈，長長嘅走廊，以及反光嘅地板，醫院總係俾人一種冰冷嘅感覺。

醫生拎住檢驗報告，將結果當面同晴晴講一次。

「林小姐，呢份係你嘅檢驗報告，你患嘅係一種罕見嘅遺傳病，病症同胰髒癌差唔多，主要係肚痛、腹瀉、背痛等等，唔同嘅係，你呢個病惡化嘅速度可以好快，唔盡快接受治療嘅話，惡化起嚟隨時一日內就令你器官衰竭致死，同埋醫治方法暫時得…」

「電療同化療，而且醫藥費好貴，死亡率亦都高，啱唔啱？」晴晴面對噩耗，表現卻異常冷靜。

佢有預計過呢一日會嚟，只係無諗到嚟到咁快。

正如醫生所講，呢個病係遺傳病，遺傳率約莫40%，十年前佢阿媽就係因為呢個病而去世。

（作唔到咩病，只能用「呢個病」概括）

醫生點點頭話：「因為用對付呢隻病嘅藥大多數都從歐美進口，而且某幾款藥仲係得一間藥廠生產，所以醫藥費相對會貴少少，至於死亡率方面，近年算係回落左，隨住啲藥同醫療設備改進左，病人治愈率有所提升，數據顯示三成病人接受兩個階段治療後痊愈，我地呢度試過有一個病人做左一個階段嘅電療同化療就好返，不過當然，亦都有人捱唔到一個療程就去世。」

「……」晴晴無出聲，唔知講咩好，佢望住份報告，眼神之中流露出哀傷。

「林小姐，我建議你最好就盡快入院接受治療…」

「咁第一個階段療程嘅醫藥費大概係幾多錢？」晴晴未等醫生講完，就心急提問。

「醫藥費連埋住院費，第一階段嘅療程大概要一百一十萬。」

一百一十萬？晴晴喺心入面，即刻開始計算自己依家全副身家有幾多。

佢十六歲開始做兼職，讀完中學直接出嚟做嘢，一個人打幾份工，平時又慳住咁洗，用左六年時間，銀行戶口都儲到九十萬。

再加埋佢做左兩個幾月合約情人同埋一個月嘅全職工人，呢度加埋有一百零六萬左右，如果計埋呢個月嗰九萬同café嘅人工，都算叫做湊得夠筆錢。

佢一直好驚有一日自己病發，更加驚有病無錢醫，因此要不停咁揾錢、揾錢。

只不過儲左咁耐，筆錢原來只係夠俾一個階段嘅療程，假如佢無好似啱先醫生舉例嘅病人咁，可以一個療程就好返，咁佢就算想繼續醫病，都無錢再醫。

當年佢阿媽訓左醫院大半年，洗左接近二百幾萬，但結果都無法戰勝病魔，離開人世。

晴晴就諗，唔知自己又可以捱到幾耐？

「醫生，我諗我要等多一個禮拜先入得院，我有啲私人嘢想處理一下。」晴晴想用多一個星期時間，湊夠曬嗰筆醫藥費。

「嗯，我明白，既然係咁，我可以開啲止痛藥俾你食住先，不過作為醫生，我建議你都係盡快入院治療。」

「知啦，醫生。」

晴晴喺醫生面前一直表現得冷靜，直至行出醫生房門後，佢就再都無法按捺心入面嘅悲傷同絕望，終於忍唔住放聲大哭，透明淚珠不停從眼角流出來。

佢只得二十二歲，仲有好多嘢未做，仲未嚟得切好好見識過呢個世界，甚至連日本都未去過，佢唔甘心，佢唔甘心要喺自己正值最美好年華嘅時候死去。

眼淚如決堤般湧出嚟，佢一個人坐喺醫院走廊長凳上，喊左好耐好耐，喊到眼淚枯乾，雙眼腫曬。

喊到無力，佢抹乾眼淚，將被眼淚沾濕嘅檢驗報告放入手袋，拖住沉重嘅步伐行出醫院門口。

係時候要搵男主幫手

男豬出手

咁啱Alex由醫院門口行緊入嚟，二人擦肩而過。

Alex睄到晴晴，但晴晴dup低頭，無留意到Alex，就咁掂行點過。

短短擦肩一瞬間，Alex睄到晴晴雙眼通紅，好似喊過嚟咁。

身旁嘅何管家見Alex突然停低，用手語問：「少爺，做咩停低？」

「我啱先好似見到晴晴。」Alex唔確定自己係咪真係見到晴晴，回頭望一望嗰個漸行漸遠背影，想望真啲睇下。

「仆街，你條友唔行就咪撚擋路啦！趕住割痔瘡架嘛！」突然，一個中年男人盲盅盅撞開Alex，搞到Alex差啲企唔穩仆低。

到再回過頭來，嗰個背影已經唔見左，Alex想揾都揾唔返。

夜幕降臨，月亮高掛。

晴晴心情仍未平復，帶住哀傷嘅心情，嚟到清水灣。

入到房，佢見到Alex坐喺床邊一路拎住結他，一路微微嘴笑。

晴晴好少見到Alex會笑，唔知因咩事咁高興呢？

Alex見到晴晴入左嚟，就拎起電話打字：「有個好消息想同你分享。」

「咩好消息？」

「就係我可能好快就聽到得返嘢。我今日去醫院檢查耳仔，我個主診醫生喺英國返嚟，佢話英國嗰邊有種新療法，用藥物治療結合心理治療嚟幫失聰人士康復，成功率聽講有80%，有啲案例係聾左超過二十年嘅都醫得返。」

見到Alex話自己有機會好返，晴晴替對方感到高興：「真係架？咁你咪好快可以變返正常人咁，隨時隨地聽得到嘢，又可以彈得返結他囉！」

「係呀，我已經約左嗰邊嘅醫生，我諗過多個幾禮拜就飛過去英國做治療，到時我可能會離開香港兩三個月。」

晴晴見Alex要離開香港，個心一沉，問：「你過左英國，咁我地份合同點呀？」

「我想保留返，咁中間我唔喺度嗰兩三個月就唔計錢，雖然個新療法好似好勁，但都有機會失敗，如果失敗左，咁我地咪繼續履行合約。」

晴晴諗左一陣，問：「可唔可以由你單方面中止合約，跟住補返錢俾我？」

佢知道如果由Alex嚟中止合約，咁佢可以拎到補償金，即係雙倍嘅人工。

呢個時候嘅佢好需要錢，而且佢都唔知自己等唔等到Alex返嚟。

Alex見到咁對方咁嘅要求，感到不解：「唔得，如果解左約，萬一我治療唔成功，返到嚟我咪又要揾第個？」

「我相信個治療一定會成功，你一定都會好得返，第時你好返曬，咁就唔再需要我，遲早都係會解約，咁不如你早啲同我解約，等我早啲收到錢好過啦。」

Alex托住下巴思考，佢並唔想同對方解約。

「唔好諗啦，就咁決定啦，最近我有個手袋好想買，你炒左我補錢俾我去買啦。」晴晴同佢講。

Alex諗左一諗話：「一係咁，我同你解除合約，錢我補俾你，但如果我去完英國返嚟，對耳仔都無好返，咁你返嚟同我簽約，OK？」

「得呀。」

好想快啲睇

唉，呢排個個故都咁sad

一齊啦快啲 女主就死都未一齊

大家早抖，聽日再更
btw 劇情暫時係有啲sad只係暫時

救命呀每日睇得一兩篇，好想睇埋落去。
加油呀！

大家好想睇Alex沉船

通個頂追翻哂
好耐冇見過有劇情得嚟又好睇嘅甜故
情vs甜個篇幅啱啱好
樓豬我等你出文啊

好想快啲睇

quote文狗

大家都沉咗啦
又唔肯面對自己