《只有做愛的時候我才聽得見聲音》

睇黎都係子宮有事之類

覺得係Alex比錢擺入去果個避孕環出事啦應該

文

Hi

好睇

樓主 今日嘅文呢?

啱啱寫好，執一執就出

樓主咩時區...

聽日返工都等埋你篇文先訓

身體復原後，Alex如往常一樣，呢晚九點就同晴晴啪啪啪。

唔知係咪休息都一段時間，隔左接近一個禮拜無搞嘢，都未除衫佢下體已經硬曬。

男方溫柔親吻著女方後頸，雙手喺對方豐滿嘅乳房上遊走，並用手指挑逗變硬嘅乳頭。

晴晴身體發熱，嘴裡發出輕輕抖氣聲，感受對方熱烈嘅親吻。

Alex平時做前戲做十分鐘就入戲玉，而今日前戲做左半粒鐘，或者係隔得太耐無做嘅緣故，身體情慾嘅感覺今日特別強烈。

插入以後，Alex用遙控開著唱片機，播放美國樂隊the strokes年頭發行嘅新專輯《the new abnormal》。

「嗯…嗯…」面色潮紅嘅晴晴雙眼閉合，分開雙腿，迎接對方每一下衝撞。

Alex望住對方嘴巴半張、輕輕抖氣嘅表情，下身前後插動。

喺昏暗燈光映照下，晴晴臉上帶有一份曖昧嘅朦朧美。

「啊…」插插下，Alex突然忍唔住射出精液。

平時第一炮佢至少都插十分鐘先射，但今晚五分鐘都無就射左。

而呢刻，佢嘅視線仍然停留喺對方身上，幾秒後，「細佬」不知不覺又硬返起嚟。

晴晴睜開眼，見到Alex眼甘甘望住自己，表情變得羞澀。

「怦怦…怦怦…」Alex聽覺並無即刻退減，仍聽到聲音，仲好似聽見自己嘅心跳喺度加速。

二人互相對望數秒，然後晴晴打破沉默，細細聲問：「繼續？」

Alex眨一眨眼，點點頭，隨後用堅硬嘅下體繼續喺濕潤嘅陰道裡摩擦。

佢今次為左唔咁快射，特登放慢抽插速度。

對方下面好暖，好舒服，比用飛機杯舒服好多。

Alex合埋眼，專心聽歌，但個心莫名其妙地跳得好快，明明佢都郁得好慢，點解心跳會咁快？

呢種感覺好奇怪。

大約抽插左二十分鐘後，佢就射左第二次，隨後掹返碌jer出嚟，攤喺床上休息。

晴晴就坐返起身，慢慢著返啲衫褲。

隻碟未播完，音響仲播放緊音樂，本來Alex聽覺已經變返0%，聽唔到半點聲響，但佢望住晴晴著衫嘅動作，下面又再扯旗，同時間耳仔仲好微弱咁聽返到少少，少少音樂聲。

性刺激能刺激耳朵，令佢恢復聽覺，奇怪嘅係齋扯旗嘅話，個刺激好少會大到令佢聽到嘢，另外就係啱啱都發洩左兩次，慾望理應減低左，點解又咁快扯旗？

佢心諗就算一個禮拜都無做，身體都唔至於咁horny下話？

「滋滋—滋滋—」床頭嘅手機忽然震動。

Alex拎上手望，係Priscilla發過嚟短訊。

自上次演出完，對方就不時都想揾佢出嚟食多次飯，話想大家認真聚返一次舊，而Alex都係婉拒，因為佢唔想笠住飛機杯而出去食餐飯。

「Alex，呢個禮拜五得唔得閒食飯？如果得嘅話，我就約埋其他人出嚟聚舊。」晴晴八卦，偷偷地瞄一下，心裡默讀短信內容，。

「呢排都唔喺香港，sorry。」Alex打字完回覆先留意到後面有人偷睇。

晴晴展示自己嘅電話問：「做咩人地約你幾次，你都唔去啫？」

「唔想去咪唔去。」

「話時話，Priscilla係咪一直都唔知你耳仔聽唔到嘢？」晴晴問。

「係。」

「咁點解你唔坦白話佢知？」

「因為唔想講。」

「其實講出嚟都唔怕啦，仲有你地以前係咪好friend架？」

「係。」Alex回覆，跟住未等對方再發問，就反問返：「點解你咁得閒八卦我啲嘢？你唔洗煲你嗰啲喊苦喊忽嘅絕症片咩？」

「煲曬啦，睇得多都覺得悶，同埋啲情節其實好唔真實，你話有乜理由女主角講到就嚟死硬咁滯，但到結局竟然最後好得返，仲有幾乎套套啲男主角都一直守護女主角，但明明我老豆知道我阿媽有病都走左佬，你話係咪好唔現實？」

「咁你又睇到喊？」

「一時太投入，咁咪忍唔住囉。」

「唔好話你眼淺？」Alex答話。

「我呢啲叫感情豐富。」

Alex無佢咁好氣，擺返部埋電話，然後去廁所刷牙，準備訓教。

臨訓前，晴晴又message問佢話：「你話嗰啲女主角死唔去係因為佢係女主角呀？定係因為男主角一直不離不棄嘅陪伴？」

「係因為編劇唔俾佢死。」Alex回覆道。

「哈哈哈，我都係咁覺得，諗唔到我地終於有樣嘢係睇法一致。」

「早啲訓，唔好諗埋無謂嘢啦。」

「嗯，早抖。」

何管家休養左都接近一個月，呢日就係佢拆石膏嘅日子。

晴晴做曬家務，下晝就車佢醫院。醫生話拆完石膏，再休息多幾日，咁佢就可以復工。

回程時候，何管家叫晴晴到尖沙咀一間麵包鋪訂蛋糕。

「訂蛋糕？乜有人生日咩？」揸緊車嘅晴晴問。

「係呀，過兩日八月十七號，就係少爺嘅生日。」何管家答話。

「咁Alex生日會點慶祝架？」

「以前老爺、夫人仲喺度嗰陣，佢地就會同少爺出去玩呀同食飯慶祝，自從佢地唔喺度，我同少爺每年都係喺屋企食個蛋糕就當慶祝左。」何管家話。

「咁簡單？」

「係呀，少爺想簡簡單單嘛。」

「咁生日禮物呢？何管家你諗住送咩生日禮物俾Alex呀？」

「我早幾日上網買左黑膠碟俾少爺做生日禮物。」

「黑膠碟聽落唔錯喎，咁我送咩好呢？」晴晴陷入深思。

「其實你送唔送都得嘅，反正少爺應該唔會介意。」何管家話。

「唔得，點都要送嘅，不過Alex咩都有，我要諗啲有用得嚟，又唔會好貴嘅嘢先得……」

晴晴左諗右諗，返到屋企吸緊塵嗰陣，俾佢靈機一觸，諗到送咩俾Alex。

生日當日，佢出去拎蛋糕嗰陣，順便買左兩樣嘢返嚟，打算將嗰兩樣嘢結合成一樣嘢，用嚟送俾Alex。

佢用左一個下晝，匿埋喺書房研究、拼合、組裝。

Alex見晴晴神神化化，閂埋門匿起書房唔知做咩，忍唔住發短訊問晴晴：「喂，你喺書房做咩呀？」

晴晴覆左句：「到左今晚你就知。」

「唔理你搞咩，總之你唔好搞爛我個書房。」

「放心啦，我又唔係整炸彈，點會搞爛你個書房。」

回覆完，晴晴就繼續整佢份禮物，差唔多搞左成個下晝，佢總算係勉強完成佢份禮物。

到左傍晚時分，佢同何管家一齊整左餐豐盛嘅晚餐，有魚有肉有海鮮，全部色香味俱全。

Alex見到成檯都係餸，就問晴晴：「洗唔洗煮咁多，我地三個人點食得曬？」

「話曬係你生日，梗係食豐富啲啦，不如開多支酒囉？」

Alex想打字話唔洗，但未打完兩粒字，晴晴行去廚房，拎左支紅酒出嚟，仲快手「Pop」一聲開左支酒。

「啊差啲唔記得，我去拎份禮物先！」晴晴放低支酒，行入書房，拎左自己準備左嘅禮物出嚟。

份禮物用個好大嘅盒裝住，外面包左一層精美嘅包裝紙。

Alex心諗原來晴晴喺書房搞左成日，係準備禮物俾自己。

「入面裝咩架？」Alex打字問。

「你拆開咪知囉。」晴晴快速打字答。

Alex慢慢拆開禮物盒，見到裡面係一個黑色嘅電單車頭盔。

「登登登！」晴晴將自加音效用文字打出嚟，並解釋話：「呢個唔係一個普通嘅頭盔，而係一個有聽歌功能嘅頭盔。」

驟眼睇，Alex睇唔出呢個頭盔有咩特別。

晴晴反轉個頭盔，俾Alex睇下裡面，跟住又解釋：「我特登喺頭盔入邊裝左部喇叭，咁你以後坐車戴住個頭盔都聽到歌。」

佢將兩個嘢結合成一樣嘢，就係將一個無線嘅迷你喇叭同電單車頭盔結合，其實亦即係坊間嘅戴住都聽到歌嘅「藍牙頭盔」。

只係晴晴唔知有呢樣嘢，佢買左個八達通咁大嘅迷你無線喇叭返嚟，試左各樣方法，喺頭盔裡面塞部迷你喇叭落入去。

Alex拎個頭盔上手睇一睇，發現喺頭盔裡面嘅保護綿被挖空左，入面塞左部迷你喇叭，但只係仲黐左啲雙面膠嚟固定。

見到咁流嘅設計，佢覺得幾好笑，忍唔住笑左出嚟，然後同對方講：「你唔洗特登揾兩樣嘢砌埋一齊，因為坊間係有一種專門俾你戴住都聽到歌嘅頭盔，同埋呢個頭盔你送俾我都用唔著啦，平時我都聽唔到嘢，笠住佢上車播音樂我都聽唔到架啦，仲有我就算聽到嘢，咁笠住個頭盔都聽到架車個喇叭聲啦，洗乜戴住佢聽。」

「用得著，等你遲啲兩隻耳仔好返，咁咪用得著囉，你上到車戴住聽，啲聲比起隔住個頭盔聽會更加清楚，仲係環迴立體聲添。」

睇到晴晴呢句說話，Alex又笑左一笑，雖然對方手工麻麻，但的確係有花過心思去諗送呢份禮物，心入面因此感到有啲感動。

香港時區，多謝你咁夜都等文

好睇

聽日又要扮工了

點解你啲文咁唔定時嘅

訓醒就有文

今晚幾點有文？

寫得順可能十二點前

其實你通常幾點收工㗎？